Te Jehová ya xbajt slajin spisil te wokolil yakʼoj te Satanase. Te Jehová yakʼojix ta Ajwalil te Jesús yuʼun ya swentain te Balumilal. Kʼalal yakix ta wentainwanej-ae, ya spas ta nichimal kʼinal te Balumilale (Daniel 7:13, 14; Lucas 23:43).

Kilbeytik skʼoplal bintik bendición ya yakʼbotik te Jehovae.

• BAYAL WEʼELIL: «Ya me yacʼ sit te bin ya xcol ta qʼuinal; ya me yaʼbotic bendición te Diose». «Ayuc me bayel trigo ta lumqʼuinal, ta baba witsetic» (Salmo 67:6; 72:16).

• MAʼYUKIX GUERRAETIK: «Laʼ, ilawilic te aʼteliletic yuʼun Jehová, ha te jinel te yacʼoj ta qʼuinal. Jcʼaxel ya yacʼ quehchajuc guerrahetic cʼalal ta stiʼil bahlumilal» (Salmo 46:8, 9).

• MAʼYUKIX CHOPOL ANTS WINIKETIK: «Como te machʼatic chopolic ya me yichʼic loqʼuesel ta qʼuinal [...] Nopol ya xchʼay bahel te machʼa chopol; yac ale, pero ma ba tey ayix a» (Salmo 37:9, 10).

• MAʼYUKIX CHAMEL TE BIN KʼUX NI JAʼUK TE LAJELE: «Hich ya xjahm sit te tsʼoʼsitetic soc ya xjahm schiquinic te cohquetique. Hich ya xwihl te coxoʼ te bin utʼil haʼmal chij, soc te yacʼ umaʼ ya xʼawon yuʼun yutsil qʼuinal ya yaʼiy» (Isaías 35:5, 6).

  «Ha Dios yuʼunic ya xcʼoht. Ya me xcusticlambot yaʼlel sitic yuʼun te Diose; mayuquix lajel, mel-oʼtan, oqʼuel o te bin cʼux, como cʼaxix spisil te bintic ay ta nahil to» (Apocalipsis 21:3, 4).

Te Satanás sok te pukujetik yuʼun ya spasik lot, pero te Jehová ma jichuk stukel. Spisil te bin yaloje ya xkʼot ta pasel yuʼun (Lucas 1:36, 37). Te Jehová kʼuxat ta yoʼtan sok ya skʼan te yakuk xkuxinat ta Nichimal Kʼinal te yaloj ta jamale. Jaʼ yuʼun, kʼopona te testigoetik yuʼun Jehová yuʼun ya anopxan te bintik smelelil ya yakʼ ta nopel te sKʼop Diose. Teme ya apas ta akuxlejal te bin ya yal te smelelil kʼope, jichme ya yakʼat libre ta stojol te lotil nojptesel sok ta stojol te bintik ya schʼuun te ants winiketike. Jaʼnix jich, ta patil bael libre ya xjilat ta stojol te mulil sok te lajele. Jich bitʼil la yal te Jesús: «Ya me anaʼbeyic sba te smelelil cʼop, soc ha ya yaqʼuex ta libre» (Juan 8:32).