Lek yachʼil kʼop te talem ta stojol Dios
¿Bintik lek yachʼil kʼop ay yuʼun Dios ta jwentatik? ¿Bin yuʼun ya skʼan ya jchʼuuntik? Te foyeto ini ya skoltayat ta yakʼbeyel sujtib te jojkʼoyeletike.
¿Bin utʼil ya xtuun awuʼun ta lek te folleto ini?
Te folleto ini yame skoltayat ta smulanel snopel te bin ya yal te Bibliae. Ilawil te bin utʼil ya xjuʼ ya atuuntes te aBibliae swenta ya anaʼ sleel te textoetike.
LEKSION
¿Bintik lek yachʼil kʼop ay ta jwentatik?
Ilawil bintik-a te lek yachʼil kʼop ay yuʼun Dios ta jwentatik, ¿bin yuʼun te tulan skʼoplale sok ¿bin ya skʼan ya jpastik?
LEKSION
¿Machʼa-a te smelelil Diose?
¿Aybal sbiil te Diose sok aybal jkʼoplaltik ta yoʼtan te Diose?
LEKSION
¿Yuʼunixbal talem ta stojol Dios-a te lek yachʼil kʼop te ay ta Bibliae?
¿Bin utʼil ya xjuʼ ya jnaʼtik teme yuʼunix smelelil-a te bin ya yal te Bibliae?
LEKSION
¿Machʼa-a te Jesucristoe?
Ilawil bin yuʼun laj te Jesuse, bin utʼil ya jtatik jkoleltik yuʼun, bin yak ta spasel ta ora ini.
LEKSION
¿Bin-a te skʼanojel yoʼtan Dios ta swenta te Balumilale?
Te Biblia ya schol te bin yuʼun la spas Balumilal te Diose, sok te bin ora ya xlaj te wokolile, sok bin ya xkʼot ta pasel ta pajel chaʼbej soknix ta swenta te machʼatik ya xkuxinik tey-ae.
LEKSION
¿Aybal bin ya smaliyik te machʼatik lajemikixe?
¿Bin utʼil ayik te machʼatik lajemikixe? ¿Aybal bin ora ya jchaʼkiltik te machʼatik lajem kuʼuntike?
LEKSION
¿Bin-a te Wentainel yuʼun te Diose?
¿Bin ya skʼotes ta pasel te Wentainel yuʼun te Diose, sok machʼa-a te ya xmantalaj tey-ae?
LEKSION
¿Bin yuʼun te maba slajinoj Dios te bintik chopol sok te wokolile?
¿Bin utʼil chiknaj te chopolile, sok bin yuʼun te mato slajinoj te Dios? ¿Yabal sta yorail te maʼyukix chopolil sok te wokolile?
LEKSION
¿Bin utʼil ya xjuʼ ya x-ayin tseʼel oʼtanil ta yutil na?
Tseʼel yoʼtan te Jehová, ya skʼan te ayuk stseʼelil yoʼtan te familiae. Kʼopona te mantaliletik yichʼoj te Biblia ta swenta te winik te nujpuneme, ants te nujpuneme, meʼil tatiletik, soknix alnichʼanetike.
LEKSION
¿Bin utʼil ta tael te smelelil religione?
¿Junaxbal te smelelil religión? Kiltik joʼeb señail te bitʼil ya xjuʼ ta naʼbeyel sba te smelelil religione.
LEKSION
¿Bin utʼil ya skoltayotik ta jkuxlejaltik te leyetik yuʼun te Diose?
Jesús la scholbey skʼoplal te bin yuʼun ya jkʼantik tojobtesele sok bin cheb mantaliletik te tulanik skʼoplale.
LEKSION
¿Bin utʼil ya xjuʼ ya xnoptsajotik ta stojol te Diose?
Ilbeya skʼoplal teme ya yaʼiybey skʼop spisil te machʼatik ya xkʼoponot yuʼun te Diose. ¿Bin utʼil ya skʼan ya jkʼopontik te Diose sok binxan ya skʼan ya jpastik yuʼun ya xnoptsajotik ta stojol?
LEKSION
¿Bin ya yal te Biblia ta swenta te bin ya xkʼot ta stojol te religionetik ta pajel chaʼbeje?
¿Yabal sta yorail te junax ya x-ayinik te ants winiketik ta yichʼel ta mukʼ te smelelil Diose?
LEKSION
¿Bin yuʼun ya skʼan chajpambil ta lek te bitʼil ya x-aʼtej te j-abatetik yuʼun te Diose?
Te Biblia ya yalbotik te bin utʼil sok te bin yuʼun te chajpambil ta lek te bitʼil ya x-aʼtejik te smelelil jchʼuunjeletike.
LEKSION
¿Bin yuʼun ya skʼan te ma xakom aba ta snopel te Bibliae?
¿Bin utʼil ya xjuʼ ya xkoltayotik te yantik ta swenta te noptesel ya yakʼ te Bibliae? ¿Bin utʼil ya xjuʼ nopol ya awaʼiy aba ta stojol te Diose?
