¿Bin utʼil ya xjuʼ ya staik tseʼel oʼtanil te machʼatik ayik ta jwol nae?
Yaniwan awal te ya skʼan...
-
kʼuxul oʼtanil.
-
takʼin.
-
o yantikxan bintik.
TE BIN YA YAL TE BIBLIAE
«Ha bayel yutsil te machʼatic ya yaʼiyic te scʼop Dios soc te ya spasique.» (Lucas 11:28, Scʼop Dios Tzeltal.)
¿BIN UTʼIL YA SKOLTAYOTIK TA SNAʼBEYEL TE SUJTIB TE JOJKʼOYELE?
Yame jtatik te smelelil kʼuxul oʼtanile (Efesios 5:28, 29).
Yame kichʼ jbatik ta mukʼ (Efesios 5:33).
Junaxme ya kakʼ jbatik (Marcos 10:6-9).
¿YANIXBAL XJUʼ YA JCHʼUUNTIK-A TE BIN YA YAL TE BIBLIAE?
Yak, ay chaʼchajp te bin yuʼune:
-
Te Dios jaʼ la yakʼ chiknajuk te familiae. Te Biblia ya yakʼ ta ilel te machʼa la yakʼ chiknajuk te familiaetike, jaʼ te Diose (Génesis 2:18-24). Te bin ya skʼan ya yal ini, jaʼ te bitʼil jaʼnix te Jehová te la sjachbey jilel skʼoplale. ¿Bin yuʼun te tulan skʼoplal te ya skʼan ya jnaʼtik ini?
Nopa awaʼiy ta swenta ini: Te yakukat ta smulanel jpajch bujtsʼan weʼelil, ta patil ya akʼan ya anaʼ te bintik yichʼoj te weʼelile, ¿machʼaniwan ya ajojkʼoybey ta swenta-abi? ¿Mabal jaʼuk te machʼa la spas te weʼelile?
Jaʼnixme jich kʼoem ini, teme ya akʼan ya anaʼ te bin utʼil ya xjuʼ ya sta tseʼel oʼtanil te jayeb machʼatik ay awuʼune, jaʼ lek te jaʼ ya ajojkʼoybey te Jehovae, te machʼa la yakʼ chiknajuk te familiaetike.
-
Ay jkʼoplaltik ta yoʼtan te Diose. Te jaʼat sok te jayeb machʼatik ay awuʼune, jaʼ lek te ya aleik ta Biblia te tsitsel ya yakʼ te Jehovae, «como ayex ta canantayel yuʼun» (1 Pedro 5:6, 7). Te Jehová ya skʼan te lekuk ay te jkuxlejaltike. Jaʼnix jich te tsitsel ya yakʼbotike spisil ora lek ta jtojoltik (Proverbios 3:5, 6; Isaías 48:17, 18).
JOJKʼOYBEYA ABA
¿Bin utʼil ya xjuʼ ya jpasxan ta lek kaʼtel jich bitʼil te winikon, antson te nujpunemonixe, o te meʼil tatilonixe?
Yame atabey sujtib ta Biblia ta EFESIOS 5:1, 2 sok ta COLOSENSES 3:18-21.
Yaniwan amulan-euk sk'oponel ini
¡WIKʼAME ASIT!
Consejoetik yuʼun tseʼel yoʼtan-a te familia
¿Bin ya xjuʼ ya spasik te mamalaliletik, te inamiletik, te meʼil tatiletik sok te alnichʼanetik yuʼun ayuk stseʼelil yoʼtanik ta familia?
JOJKʼOYELETIK TA SWENTA TE BIBLIA
¿Bin ya yal te Biblia ta swenta te nujpunel?
Te mantaliletik ay ta Biblia ya xjuʼ ya skoltay te machʼatik nujpunemik ta sitintayel te swokolike.
¡WIKʼAME ASIT!
Familiaetik te tseʼel yoʼtanik: Talel kʼaxel xa akoltay abaik
¿Jun-naxbal ayex ta smelelil o jaʼnax ajokinej abaik ta nainel?
SWENTA JKʼOPLALTIK
¿Bin yuʼun ya skʼan ya jnoptik te Bibliae? (najtʼ)
Bayal miyon ta tul ants winiketik staojbeyik sujtib ta Biblia te jojkʼoyeletik te tulanik skʼoplale. ¿Yabal akʼan anaʼbey sujtib-euk?
SWENTA JKʼOPLALTIK
Kʼana ulaʼtayel
Naʼbeya sujtib jun jojkʼoyel ta swenta Biblia o naʼbeyaxan skʼoplal te testigoetik yuʼun Jehová.
