Jich bitʼil la jnoptik ta lección 13, ma spisiluk lek ya yil te religionetik te Diose. Pero ay bin-utʼil ya xjuʼ ya kichʼtik ta mukʼ te lek ya yil stukele. Jich yuʼun, ¿bin-utʼil ya skʼan ya kichʼtik ta mukʼ te Dios swenta lek ya yil-a? (Santiago 1:27). Kiltik te bin ya yal te Biblia.

1. ¿Banti ya yal bin-utʼil ya skʼan ya kichʼtik ta mukʼ te Diose?

Te Biblia ya yalbotik bin-utʼil ya skʼan ya kichʼtik ta mukʼ te Diose. Te Jesús jich la yalbey te Diose: «Ha smelelil cʼop te acʼope» (Juan 17:17). Ay religionetik te ma xyichʼik ta wenta te bin ya yal te sKʼop Diose, jaʼ ya stʼunik te bin ya yakʼik ta nopel te ants winiketik sok te costumbre yuʼunike. Pero te Jehová ma smulan te ya yichʼ pʼajel te mantaliletik yuʼune (kʼopona Marcos 7:9). Yan teme ya kichʼtik ta wenta te bin ya yal te Biblia sok teme ya jchʼuuntik te mantaliletik yuʼune, ya kakʼbeytik stseʼelil yoʼtan.

2. ¿Bin-utʼil ya skʼan ichʼel ta mukʼ te Jehovae?

Snujpʼ te ya kichʼtik ta mukʼ te Jehovae, melel jaʼ Jpaswanej kuʼuntik (Apocalipsis 4:11). Jaʼ-abi ya skʼan ya yal te jaʼuknax kʼux ta koʼtantik te Dios sok te manchuk ya jtuuntestik lokʼombaetik swenta ya kichʼtik ta mukʼ (kʼopona Isaías 42:8).

Te yichʼel ta mukʼ te Jehová ya skʼan te chʼultesbiluk sok te lekuk yoʼtan yuʼune (Romanos 12:1). Jaʼ-abi ya skʼan ya yal te ya skʼan ya jpas ta jkuxlejaltik te bin ya yal te Diose. Te machʼatik kʼux ta yoʼtanik te Jehovae ya schʼuunik te bin ya yal ta swenta te nujpunele. Jaʼnix jich ya spʼajik te bin ya x-utsʼinotik yuʼune, jich bitʼil te stuuntesel droga, cigarro sok te trago. a

3. ¿Bin yuʼun ya skʼan ya jyom jbatik ta yichʼel ta mukʼ te Diose?

Ta tsoblejetik te ya yichʼ pasel ta jujun semana ya xjuʼ ya kalbeytik «yutsil scʼoblal» te Jehová (Salmo 111:1, 2). Jich ya jpastik te kʼalal ya jkʼayojtaytik te Diose (kʼopona Salmo 104:33). Ta swenta te kʼuxotik ta yoʼtan te Jehovae ya yalbotik te yakuk jtsob jbatik, melel snaʼoj te jaʼ ya skoltayotik te tsoblejetik swenta ya jmulantik te jkuxlejaltik ta sbajtelkʼinal. Te kʼalal ya jtsob jbatike, ya kakʼbeytik smukʼul yoʼtan te yantik sok ya jta smukʼul koʼtantik.

 JNOPTIKXAN TA LEK

4. Ma lek te ya jtuuntestik lokʼombaetik te kʼalal ya kichʼtik ta mukʼ te Diose

5. Teme jaʼnax ya kichʼtik ta mukʼ te Jehová, libre ya xjilotik yuʼun te lotil nojptesel

 6. Ta tsoblejetik ya kichʼtik ta mukʼ te Diose

Te kʼalal ya xkʼayojinotik sok ya kakʼbeytik sujtib te jojkʼoyeletik ya yichʼ pasel ta tsoblejetik, ya kalbeytik yutsil skʼoplal te Jehová sok talel kʼaxel ya kakʼbey jbatik yip koʼtantik. Kʼoponaik Salmo 22:22 sok albeyaik skʼoplal ini:

• ¿Yabal amulan yaʼiyel te sujtib te jojkʼoyeletik ya yichʼ pasel ta tsoblejetik?

• ¿Yabal amulan ya awakʼbey sujtib junuk jojkʼoyel te ya yichʼ pasel ta tsoblej?

7. Te Jehová ya smulan te yakuk kalbeytik yantik te bin yakotik ta snopele

Ta jpisiltik ya xjuʼ ya kalbeytik te yantik te bin jnopojtikix ta Bibliae. Kʼoponaik Salmo 9:1 sok 34:1, sok albeyaik skʼoplal ini:

• ¿Bin ya amulan ya acholbey yaʼiy yantik ta swenta te bin la anopix ta Bibliae?

 ¿BINTIK LA JNOPTIK?

Yame kakʼbeytik stseʼelil yoʼtan te Jpaswanej kuʼuntik kʼalal jaʼnax ya kichʼtik ta mukʼ, kʼalal ya kalbeytik yutsil skʼoplal ta tsoblejetik sok te kʼalal ya kalbeytik yantik te bin jnopojtikixe.

¿Jilbal ta awoʼtan into?

• ¿Banti ya yal bin-utʼil ya skʼan Dios te ya kichʼtik ta mukʼe?

• ¿Bin yuʼun jaʼnax ya skʼan ya kichʼtik ta mukʼ te Jehová?

• ¿Bin yuʼun jun-nax ya skʼan ya kichʼtik ta mukʼ te Dios sok te machʼatik ya schʼuunbeyik te skʼope?