LECCIÓN 37
¿Bin ya yal te Biblia ta swenta te aʼtel sok te sleel takʼin?
¿Aybal ameloj awoʼtan ta skaj te maʼyuk awaʼtel o atakʼin? Wokolniwan ya kaʼiytik sleel te bin ya xtuun kuʼuntik sok te ya kichʼtik ta mukʼ te Jehová. Te Biblia ya yalbotik te bin ya xjuʼ ya jpastik.
1. ¿Bin ya yal te Biblia ta swenta te aʼtelil?
Te Dios ya skʼan te ya jmulanbeytik yutsilal te kaʼteltike. Jaʼ yuʼun te Biblia ya yal te «mayuc bin yan xan lec ya spas te winic, ha nax [...] te ya yaʼiybe yutsil te yaʼtele» (Eclesiastés 2:24). Te Jehová tulan ya x-aʼtej. Te kʼalal ya jtʼunbeytik stalel sok tulan ya x-aʼtejotik, yak jpasbeltik te bin ya smulan te Diose sok jich tseʼel koʼtan ya kaʼiy jbatik.
Mukʼ skʼoplal te ya x-aʼtejotike, pero mame kakʼtik te jaʼ mukʼxan skʼoplal ya xkʼot te ya smakotik ta yichʼel ta mukʼ te Jehová (Juan 6:27). Te Jehová ya yalbotik ta jamal te ya yakʼbotik spisil te bin ya xtuun kuʼuntik teme jaʼ nail ya kakʼ ta jkuxlejaltik.
2. ¿Bin yilel ya skʼan ya kiltik te takʼine?
Te Biblia ya yal te ya xkoltaywan te takʼine, pero jaʼnix jich ya yal te ma jaʼuk ya yakʼbotik stseʼelil koʼtantik (Eclesiastés 7:12). Jaʼ yuʼun, te Biblia ya yal te ma jaʼuk ya skʼan ya xbajt ta koʼtantik sleel te takʼin, jich ya yalbotik: «Junuc me awoʼtanic yuʼun te bin ay awuʼunic» (kʼopona Hebreos 13:5). Teme jun koʼtantik sok te bin ay kuʼuntik, ma jmel koʼtantik teme ma bayal bin ay kuʼuntike sok ma tojoluknax ya kotses jbetik (Proverbios 22:7). Jaʼnix jich ma xtajinotik ta swenta takʼin sok ma jletik bin-utʼil oranax ya xkʼulejubotik.
3. ¿Bin-utʼil ya kakʼtik ta ilel yutsil koʼtantik sok te jtakʼintike?
Te Jehová ya smulan yakʼel te bin ay yuʼune, ya jkʼayinbeytik stalel teme ay bintik ya kakʼtik sok ya jkʼebantik te bin ay kuʼuntike (1 Timoteo 6:18). Jun te bin-utʼil ya jtuuntestik ta lek te jtakʼintike, jaʼ te kʼalal ya kakʼtik majtan takʼin ta congregación sok ya jkoltaytik te machʼatik yanix xtuun yuʼunik-ae, kʼaxtoxan-a te kermanotaktike. Te Jehová ma jaʼuk mukʼ skʼoplal ya yil te jayeb ya kakʼtike, jaʼ mukʼ skʼoplal ya yil te yutsil koʼtantike. Teme ya kakʼtik sok spisil koʼtantik, tseʼel koʼtan ya kaʼiy jbatik sok ya kakʼbeytik stseʼelil yoʼtan te Jehová (kʼopona Hechos 20:35).
JNOPTIKXAN TA LEK
Kiltik bintik lekilal ya jtatik teme ma jaʼuk ya xbajt ta koʼtantik te aʼtel sok teme jun koʼtantik sok te bin ay kuʼuntike.
4. Kakʼbeytik yutsil skʼoplal te Jehová ta swenta te bitʼil ya x-aʼtejotike
Teme kamigoinej jbatik ta lek sok te Jehová ma jaʼuk ya xbajt ta koʼtantik te aʼtel. Ilawilik te VIDEO sok albeyaik skʼoplal ini:
-
¿Bintik talelil la yakʼ ta ilel ta yaʼtel te Jason te la amulane?
-
¿Bin la spas swenta ma jaʼuk ya xbajt ta yoʼtan te yaʼtele?
Kʼoponaik Colosenses 3:23, 24 sok albeyaik skʼoplal ini:
-
¿Bin yuʼun mukʼ skʼoplal te spisil koʼtantik ya x-aʼtejotike?
Mukʼ skʼoplal te ya x-aʼtejotike, pero mame kakʼtik te jaʼ mukʼxan skʼoplal ya xkʼot te jich ya smakotik ta yichʼel ta mukʼ te Jehová.
5. ¿Bin ya jtatik teme jun koʼtantik sok te bin ay kuʼuntik?
Bayal ants winiketik ya spasik tulan ta sleel bayal takʼin, pero te Biblia ma xyal te jich ya skʼan ya jpastike. Kʼoponaik 1 Timoteo 6:6-8 sok albeyaik skʼoplal ini:
-
¿Bin jamal ya yalbotik te Bibliae?
Ya xjuʼ tseʼel koʼtantik manchukme maʼyuk bayal bin ay kuʼuntik. Ilawilik te VIDEO sok albeyaik skʼoplal ini:
-
¿Bin yuʼun tseʼel yoʼtanik te familiaetik la kiltik ta video manchukme maʼyuk bayal stakʼinik?
¿Jaxan teme ayix jtakʼintik pero yato jkʼantikxan? Te Jesús la yal jun lokʼombakʼop swenta ya scholbey skʼoplal bin wokolil ya xjuʼ ya jtatik teme jich jtaleltike. Kʼoponaik Lucas 12:15-21 sok albeyaik skʼoplal ini:
-
¿Bin ya yakʼbat anop te lokʼombakʼop la yal te Jesús? (Ilawilik te versículo 15).
Kʼoponaik Proverbios 10:22 sok paja sok 1 Timoteo 6:10. Patil albeyaik skʼoplal ini:
-
¿Bin-a te kʼax mukʼ skʼoplal: jaʼbal te yamigoinel te Jehová, o jaʼ te bayal jtakʼintike? ¿Bin yuʼun?
-
¿Bintik wokolil ya xjuʼ ya jtatik teme ya jkʼantik bayal takʼin?
6. Te Jehová ya yakʼbotik spisil te bin ya xtuun kuʼuntik
Teme ay maʼyuk kaʼteltik o maʼyuk jtakʼintik teyme ya xchiknaj ta ilel-a teme yuʼun-nix ay smukʼul koʼtantik ta stojol te Jehovae. Ilawilik te VIDEO te ya yakʼ ta ilel bin ya xjuʼ ya jpastik te kʼalal ay jich ya xkʼax ta jtojoltike, ta patil albeyaik skʼoplal ini:
-
¿Bintik wokolil la sitintay te hermano?
-
¿Bin-utʼil juʼ yuʼun sitintayel te wokolil la stae?
Kʼoponaik Mateo 6:25-34 sok albeyaik skʼoplal ini:
-
¿Bin ya spas te Jehová ta stojol te machʼatik jaʼ ya spasbeyik te skʼanojel yoʼtane?
AY MACHʼATIK JICH YA YALIK: «Ma xjuʼ ya xboon ta spisil te tsoblejetik, melel ya skʼan tulan ya x-aʼtejon yuʼun ya jmakʼlin te jfamiliae».
-
¿Bin texto ya skoltayat ta snaʼel te jaʼ lekxan te jaʼ nail ya awakʼ ta akuxlejal te yichʼel ta mukʼ te Jehová?
¿BINTIK LA JNOPTIK?
Mukʼ skʼoplal te ya x-aʼtejotik, melel ya xtuun kuʼuntik te takʼine, pero ma jaʼuk ya skʼan ya smakotik ta abatinel ta stojol te Jehová.
¿Jilbal ta awoʼtan into?
-
¿Bin ya skoltayat swenta ma jaʼuk ya xbajt ta awoʼtan te aʼtele?
-
¿Bin lekilal ya ata teme jun awoʼtan sok te bin ayix awuʼune?
-
Te Jehová yaloj te ya yakʼbey te bin ya xtuun yuʼun te j-abatetik yuʼune, ¿bin-utʼil ya awakʼ ta ilel te ay smukʼul awoʼtan ta stojole?
YA XJUʼ YA ANOPXAN INI
Ilawil teme ya yal te Biblia te ma lek ta tuuntesel te takʼine.
Ilawil bin-utʼil ya kakʼbeytik stseʼelil yoʼtan te Jehová te kʼalal ay bin ya jkʼebantike.
«¿Bin ya yal te Biblia ta swenta te ay bin ya jkʼebantike?» (Ay ta jw.org)
¿Lekbal teme ya xtajinotik yuʼun ya jtatik takʼin-a?
«Te bin ya yal te Biblia: Te tajimal ta swenta takʼin» (¡Wikʼame asit!, marzo 2015)
Ilawil bin-utʼil jelon skuxlejal jtul winik te tajin ta swenta takʼin sok te ya x-elkʼaj-ae.
«Ya jmulan-a te tsaltamba animal ta caballo» (Te J-ilkʼinal ta toyol, 1 yuʼun noviembre 2011)
Yaniwan amulan-euk sk'oponel ini
TE BINTIK YA SJOJKʼOYLANIK
¿Bin-utʼil ya yakʼik te nojptesel yuʼun Biblia te testigoetik yuʼun Jehová?
Ya xjuʼ ya atuuntes biluk Bibliail te kʼalal ya awichʼ te nojptesel te ya yakʼik te testigoetik yuʼun Jehová. Jaʼnix jich ya xjuʼ ya apas invitar te afamilia sok te awamigotak.
