OTSESA TA JNOPOJEL
LECCIÓN 10
Akʼa ta awoʼtan skoltayel
Texto: «Kakʼoj ta koʼtantik-a te ma jaʼuknax ya kalbeyexkotik awaʼiyik te lek yachʼil kʼop yuʼun te Diose, jaʼnix jich te ya kakʼ jkuxlejaltik ta atojolik, melel kʼax kʼux la kaʼiyexkotik ta koʼtantik» (1 Tes. 2:8).
Te bin la spas te Jesús
1. Ilawil te VIDEO, o kʼopona Juan 3:1, 2. Ta patil nopa awaʼiy te jojkʼoyeletik:
-
¿Binwan yuʼun te Nicodemo bajt yil ta ajkʼabal te Jesús? (Kʼopona Juan 12:42, 43).
-
¿Bin-utʼil la yakʼ ta ilel te Jesús te yuʼun-nanix ay ta yoʼtan-a te ya yotses jnopojeletik?
¿Bin ya yakʼ jnoptik te bin la spas te Jesús?
2. Te bitʼil kʼux ta koʼtantik te ants winiketik jich ya kaʼiytik te ay ta jwentatik skoltayel yuʼun ya x-ochik ta jnopojel.
Nopbeya stalel te Jesús
3. Akʼa te nojptesel te jayeb ora sok te banti lek ya yil te estudiante. Yaniwan yalbat jayeb ora o bin kʼajkʼalil ya xjuʼ yuʼun. Sok yaniwan smulan ya yichʼ te nojptesel ta yaʼtel, ta sna o ta yan lugar. Teme ya xjuʼ awuʼune, jaʼ xa atʼun te jayeb ora ya xjuʼ yuʼun te estudiante.
4. Akʼa te nojptesel ta jujun semana. Teme ay ma xjuʼ awuʼune, ma xa awalbey te yanto semana ya xkʼoate. ¿Yabal xjuʼ ya apas ini?:
5. Kʼopona te Jehová swenta lekuk bin ya anop ta stojol te estudiante. Kʼanbeya Jehová te yakuk skoltayat te manchuk ya anop te tojolxanix ya awulaʼtay te estudiante; kʼaxtoxan-a teme maba yak ta snopel te Biblia ta jujun semana o teme wokol ya yaʼiy spasel ta skuxlejal (Filip. 2:13). Kʼanbeya Jehová te yakuk skoltayat ta yilel te lekil taleliletik yuʼun te estudiante, ¡ayniwan bayal!
JAʼNIX JICH KʼOPONA
Prov. 3:27; Hech. 20:35; 2 Cor. 12:15
