Te bin la spas te Felipe

¿Bin ya yakʼ jnoptik te bin la spas te Felipe?

2. Teme jich ya xkʼopojotik te bitʼil kʼayemotike, te ants winik lekniwan ya yaʼiy sba sok yaniwan schʼam yaʼiy te bin ya kalbeytike.

 Nopbeya stalel te Felipe

3. Ila bin yilel. Bayal bin ya xjuʼ ya anaʼ ta swenta te ants winik teme ya awil bin yilel ya stij yok skʼab sok bin yilel sit yelaw. ¿Jichbal yilel te ya skʼan xkʼopoj? Swenta ya xjuʼ xjajch acholbey te skʼop Dios, jojkʼoybeya: «¿Anaʼojbal te. . . ?». Mame xa asuj ta kʼop te machʼa ma skʼan xkʼopoje.

4. Naʼa smaliyel. Mame xa anop te oranax ya skʼan ya acholbey yaʼiy te skʼop Diose. Maliya jaʼto te kʼalal snujpʼ ya awile, jich ma sujbiluk ya yaʼiy sba te ants winik. Yaniwan skʼan ya amaliy jaʼto ta yan buelta te kʼalal ya xkʼopojat sok te ants winik yuʼun ya acholbey yaʼiy te skʼop Diose.

5. Jela te bin ya awale. Kʼalal te ants winik yan te bin ya xjajch yalbey skʼoplal, jaʼ lek ma xa atuuntesix te texto anopoj-ae, lea yan te jaʼuk ya yalbey skʼoplal te bin la yal te ants winike.