JACHA AWAʼIYEJ
LECCIÓN 3
Ayuk slekil awoʼtan
Texto: «Te kʼuxul oʼtanil [ . . . ] ay slekil yoʼtan» (1 Cor. 13:4).
Te bin la spas te Jesús
1. Ilawil te VIDEO, o kʼopona Juan 9:1-7. Ta patil nopa awaʼiy te jojkʼoyeletik:
-
¿Bin nail la spas te Jesuse: jaʼbal te la slekubtes te winik te ma xyil kʼinal o jaʼbal te la scholbey te lek yachʼil kʼope? (Kʼopona Juan 9:35-38).
-
¿Bin yuʼun te la schʼam yaʼiy te winik te bin la yal te Jesús?
¿Bin ya yakʼ jnoptik te bin la spas te Jesús?
2. Teme ya yil te ants winik te ya jmel koʼtantik ta stojol, yaniwan schʼam yaʼiy te bin ya kalbeytike.
Nopbeya stalel te Jesús
3. Nopa ta awoʼtan te bin yaʼiyel ya yaʼiy sba te ants winike.
-
Jojkʼoybeya aba: «¿Binwan ya smel yoʼtan yuʼun? ¿Binwan ya xtuun yuʼun o mukʼ skʼoplal ta yoʼtan?». Te jojkʼoyeletik ini ya skoltayat ta yakʼel ta ilel slekil awoʼtan ta stojol.
-
Teme ya xjajch yalbat awaʼiy te bin yaʼiyel ya yaʼiy sba o te swokole, chʼama awaʼiy ta lek, jich ya awakʼ ta ilel te ay skʼoplal ta awoʼtan.
4. Kʼopojan sok yutsil awoʼtan. Ya xchiknaj ta akʼop kʼalal ay machʼa ya anaʼbey yoʼbolil sba sok te ya akʼan ya akoltay. Jaʼ yuʼun nopa ta lek te bin ya awal sok te bin-utʼil ya awal swenta ma x-utsʼinbot yoʼtan-a te ants winik.
5. Koltaya. Teme snujpʼ ya awile, koltaya. Teme ya awakʼbey yil slekil awoʼtane, yaniwan schʼam yaʼiy te bin ya awalbeye.
