JACHA AWAʼIYEJ
LECCIÓN 4
Ayuk spekʼelil awoʼtan
Texto: «[Nopaik] te jaʼ mukʼxan skʼoplal te yantik te bin-utʼil te jaʼexe» (Filip. 2:3).
Te bin la spas te Pablo
1. Ilawil te VIDEO, o kʼopona Hechos 26:2, 3. Ta patil nopa awaʼiy te jojkʼoyeletik:
-
¿Bin-utʼil la yakʼ ta ilel spekʼelil yoʼtan te Pablo kʼalal kʼopoj ta stojol te ajwalil Agripa?
-
¿Bin la yal te Pablo yuʼun ma jaʼuk mukʼ skʼoplal ya yichʼ ilel? (Kʼopona Hechos 26:22).
¿Bin ya yakʼ jnoptik te bin la spas te Pablo?
2. Te ants winiketik yaniwan schʼam yaʼiyik te bin ya awal teme ya xkʼopojat sok spekʼelil awoʼtan.
Nopbeya stalel te Pablo
3. Mame jichuk ya awakʼ ta ilel te ya atoy aba. Mame jichuk ya xkʼopojat te bitʼil machʼa bayal ya snaʼe sok te jich ya yil te maʼyuk bin ya snaʼ te yantike.
4. Ala ta jamal te lokʼem ta Biblia te bin ya awale. Te sKʼop Dios ya stijbey yoʼtan te ants winiketik. Kʼalal ya jtuuntestik, ya jkoltaytik te ayuk schʼuunel yoʼtanik ta stojol te sKʼop Dios.
5. Spisiluk-ora ayuk yutsil awoʼtan. Mame xa awaʼiy tsalaw ta kʼop sok te ya awakʼ ta ilel te jaʼat ya anaʼxane. Te pekʼel oʼtanil ya skoltayat yuʼun lamal awoʼtan sok yuʼun ya anaʼ bin-ora ya xbaat (Prov. 17:14; Tito 3:2). Teme leknax ya asutbey skʼop te ants winike, yaniwan schʼam yaʼiy jkʼoptik ta yan buelta.
