Jehová
Te sbiil
Te biilil Jehová jich yilel te ya skʼan ya yal: Jaʼ te Machʼa ya spas te bin ya skʼan yoʼtane.
Gé 1:1; Éx 3:13-15; Sl 102:25; Is 42:5
¿Bintik ya spas te Jehová yuʼun ya skanantay te j-abatetik yuʼune?
Sl 19:14; 68:5; Is 33:22; 40:11; 2Co 1:3, 4
Jaʼnix jich ilawil Sl 118:14; Is 30:20; Jer 3:14; Zac 2:5.
¿Bin yuʼun mukʼ skʼoplal te ya yichʼ chʼultesbeyel sbiil te Jehová?
Sl 83:18; Is 29:23; Eze 36:23; Lu 11:2
¿Bin yuʼun snujpʼ te ya jchʼuunbeytik smantal te Jehová te jaʼ Mukʼul Ajwalil?
Te bitʼil ya yichʼ naʼbeyel sba te Jehová
Te Machʼa spisil ya xjuʼ yuʼun: Gé 17:1; Ap 19:6.
Tatil: Mt 6:9; Jn 5:21.
Mukʼul Jpʼijubteswanej: Is 30:20.
Jehová te jwolwanej yuʼun te soldadoetik: 1Sa 1:11.
Ajwalil te sbajtelkʼinal ay: 1Ti 1:17; Ap 15:3.
Machʼa kʼax bayal yutsilal: Heb 1:3; 8:1.
Machʼa toyol ay: Gé 14:18-22; Sl 7:17.
Mukʼul Ton: Dt 32:4; Is 26:4.
Mukʼul Ajwalil: Is 25:8; Am 3:7.
Chaʼoxchajp taleliletik yuʼun te Jehová
¿Bin-utʼil la yakʼ ta naʼel te Jehová te jaʼ chʼul Diose? ¿Bin ya stij koʼtantik ta spasel te bitʼil chʼul Dios te Jehová?
Éx 28:36; Le 19:2; 2Co 7:1; 1Pe 1:13-16
-
Ejemploetik te ya skoltayat:
-
Is 6:1-8. Kʼalal la yil jun najalsitil te j-alwanej Isaías, jich la yaʼiy te ma snujpʼuk la yile, melel snaʼoj te jaʼ jmulawil; pero albot yuʼun jtul chʼul-abat te lek ya x-ilot yuʼun te Dios manchukme jmulawil.
-
Ro 6:12-23; 12:1, 2. Te Pablo la yal bin-utʼil ya jpʼajtik te bintik ya skʼan te jbakʼetaltik swenta chʼultesbil ya xkʼootik.
-
¿Jayebto yuʼel te Jehová, sok bin-utʼil ya stuuntes?
Éx 15:3-6; 2Cr 16:9; Is 40:22, 25, 26, 28-31
-
Ejemploetik te ya skoltayat:
-
Dt 8:12-18. Te Moisés la sjultesbey ta yoʼtan te israeletik te spisil te bin ay yuʼunik jaʼ ta swenta te slekil yoʼtan te Jehová sok te yuʼel te ya stuuntes yuʼun ya xkoltayotik.
-
1Re 19:9-14. Kʼalal ay ta tulan mel-oʼtan-a te Elías, te Jehová la yakʼbey yil te yuʼel swenta ya yakʼbey smukʼul yoʼtan.
-
¿Bin yuʼun ya smukʼulin koʼtantik te stojil yoʼtan te Jehová?
Dt 32:4; Job 34:10; 37:23; Sl 37:28; Is 33:22
-
Ejemploetik te ya skoltayat:
-
Dt 24:16-22. Te Ley yuʼun Moisés ya yakʼ ta ilel te toj yoʼtan te Jehová, te ya snaʼ yoʼbolil jbatik sok te kʼuxotik ta yoʼtan.
-
2Cr 19:4-7. Te ajwalil Jehosafat la yalbey te juecetik te kʼalal ya xchajpanwanik jaʼuk ya yichʼik ta wenta te bin ya yal te Jehová ma jaʼuk te bin ya yal te yoʼtanike.
-
¿Bin-utʼil ya jnaʼtik te maʼyuk machʼa jich ay spʼijil yoʼtan bitʼil te Jehová?
Sl 104:24; Pr 2:1-8; Jer 10:12; Ro 11:33; 16:27
Jaʼnix jich ilawil Sl 139:14; Jer 17:10.
-
Ejemploetik te ya skoltayat:
-
1Re 4:29-34. Te Jehová la yakʼbey bayal spʼijil yoʼtan te ajwalil Salomón.
-
Lu 11:31; Jn 7:14-18. Te Jesús jaʼ pʼijxan-a te bitʼil te Salomón, pero la yal sok spekʼelil yoʼtan te jaʼ akʼbot yuʼun Jehová te spʼijile.
-
¿Bin-utʼil yakʼoj ta ilel te Jehová te jaʼ mukʼxan skʼoplal ta yoʼtan te ya yakʼ ta ilel skʼuxul yoʼtan?
Jn 3:16; Ro 8:32; 1Jn 4:8-10, 19
Jaʼnix jich ilawil Sof 3:17; Jn 3:35.
-
Ejemploetik te ya skoltayat:
-
Mt 10:29-31. Te Jesús la yalbey skʼoplal te chʼin jaʼmal mutetik yuʼun ya yakʼ ta naʼel te kʼuxotik ta yoʼtan te Jehová sok te mukʼ jkʼoplaltik ta jujuntul.
-
Mr 1:9-11. Te Jehová la skʼopon kʼalalto ta chʼulchan te sNichʼan yuʼun ya yalbey te kʼux ta yoʼtan sok te kʼax lek yoʼtan yuʼun te bin ya spas; jaʼ te bin ya smulanik yaʼiyel te alnichʼanetik ta stojol te smeʼ statik.
-
¿Bintik talelil ayxan yuʼun te Jehová te ya yakʼ xnoptsajotik ta stojol? Kiltik bin ya yalxan te Biblia ta swenta te Jehová.
Ya yil spisil: 2Cr 16:9; Pr 15:3.
Ma xyanaj: Mal 3:6; Snt 1:17.
Ya snaʼ yoʼbolil jbatik: Éx 34:6; Is 49:15; 63:9; Zac 2:8.
Sbajtelkʼinal ay; maʼyuk sjajchibal sok slajibal: Sl 90:2; 93:2.
Ya yakʼ te bin ya xtuun kuʼuntik: Sl 104:13-15; 145:16.
Bayal yutsilal: Sl 8:1; 148:13; Ap 4:1-6.
Tseʼel yoʼtan: 1Ti 1:11.
Pekʼel yoʼtan: Sl 18:35.
Lek yoʼtan: Lu 6:35; Ro 2:4.
Jun yoʼtan: Ap 15:4.
Ya xmaliywan: Is 30:18; 2Pe 3:9.
Lamal yoʼtan: Flp 4:9.
Toj yoʼtan: Sl 7:9.
¿Bin yilel ya kiltik te Jehová kʼalal ya jnaʼbeytikxan sba ta lek?
Dt 6:4, 5; Mr 12:28-32
¿Bin-utʼil ya x-abatinotik ta stojol te Jehová?
¿Bin-utʼil ya jnaʼtik te maba ya skʼanbotik te Jehová te bin ma xjuʼ kuʼuntik spasel?
Dt 10:12; Miq 6:8; 1Jn 5:3
-
Ejemploetik te ya skoltayat:
-
Dt 30:11-14. Te Ley te akʼbotik te israeletik ma tulanuk ta chʼuunel.
-
Mt 11:28-30. Te Jesús la skʼayinbey ta lek stalel te sTate, jaʼ yuʼun ma tulanuk yoʼtan ta jtojoltik, ya yakʼ te xkuxet kʼinal ya kaʼiytik.
-
¿Bin yuʼun snujpʼ te ya kalbeytik yutsil skʼoplal te Jehová?
Sl 105:1, 2; Is 43:10-12, 21
Jaʼnix jich ilawil Jer 20:9; Lu 6:45; Hch 4:19, 20.
-
Ejemploetik te ya skoltayat:
-
Sl 104:1, 2, 10-20, 33, 34. Te salmista la skʼayojtay te Jehová yuʼun te yaʼtel skʼab.
-
Sl 148:1-14. Te chʼul-abatetik sok te bintik spastiklanoj te Jehová ya x-albot yutsil skʼoplal yuʼun, jaʼnix jich ya skʼan ya jpastik-euk.
-
¿Bin-utʼil ya kalbeytik yutsil skʼoplal te Jehová ta swenta te jtaleltik?
¿Bin yuʼun ya skʼan te ya xnoptsajotik ta stojol te Jehová?
Sl 73:28; Snt 4:8
¿Bin yuʼun ya skʼan te ayuk spekʼelil koʼtantik yuʼun ya kamigointik te Jehová?
Sl 138:6; Is 57:15
¿Bin yuʼun ya skʼan ya jkʼopontik te Biblia sok ya jnopilan ta koʼtantik yuʼun ya kamigointik te Jehová?
Sl 1:1-3; 77:11-13; Mal 3:16
¿Bin yuʼun ya skʼan ya jpas ta jkuxlejaltik te bin ya jnoptik ta Biblia?
¿Bin yuʼun ma skʼan te ay bin ya jnakʼbeytik ta sit te Jehová?
Job 34:22; Pr 28:13; Jer 23:24; 1Ti 5:24, 25
-
Ejemploetik te ya skoltayat:
-
2Re 5:20-27. Te Guehazí la smuk ta yoʼtan te smul, pero te Jehová la yakʼbey snaʼ te Eliseo.
-
Hch 5:1-11. Te Ananías sok te Safira la sloʼlayik te chʼul espíritu, pero te Jehová la yakʼ ta naʼel sok la yakʼtiklanbey castigo.
-
Yaniwan amulan-euk sk'oponel ini
JOJKʼOYELETIK TA SWENTA TE BIBLIA
¿Aybal cheʼoxeb sbiil te Diose?
Bayal ants winiketik schʼuunejik te bayal sbiil te Diose: Alá, Kajwal, Te Machʼa spisil ya xjuʼ yuʼun, Jehová-yiré, Alfa y Omega... ¿Mukʼbal skʼoplal te ya jnaʼtik bin sbiil te Dios?
JOJKʼOYELETIK TA SWENTA TE BIBLIA
¿Bin-utʼil ya xjuʼ ya kamigoin te Diose?
Jukchajp te bin ya xjuʼ ya skoltayat ta yamigoinel te Diose.
SWENTA JKʼOPLALTIK
Kʼana ulaʼtayel
Naʼbeya sujtib jun jojkʼoyel ta swenta Biblia o naʼbeyaxan skʼoplal te testigoetik yuʼun Jehová.
