Jesucristo
¿Bin-utʼil ya xtuuntesot te Jesús yuʼun ya skʼotes ta pasel te skʼanojel yoʼtan te Jehová?
Hch 4:12; 10:43; 2Co 1:20; Flp 2:9, 10
Jaʼnix jich ilawil Pr 8:22, 23, 30, 31; Jn 1:10; Ap 3:14.
-
Ejemploetik te ya skoltayat:
-
Mt 16:13-17. Te jpuk-kʼop Pedro la yal te jaʼ Cristo te Jesús sok jaʼ sNichʼan Dios.
-
Mt 17:1-9. Te Jesús kʼatpʼuj ta stojol oxtul jpuk-kʼopetik, sok jich la yal te Jehová kʼalalto ta chʼulchan: «Jaʼ jNichʼan ini».
-
¿Bin yuʼun te Jesús ma pajaluk sok te ants winiketik?
Jn 8:58; 14:9, 10; Col 1:15-17; 1Pe 2:22
-
Ejemploetik te ya skoltayat:
-
Mt 21:1-9. Kʼalal kajal ta chʼin burro kʼot te Jesús ta Jerusalén, kʼot ta pasel jun albilkʼop sok jich chiknaj ta ilel te jaʼ te Ajwalil tsabil yuʼun te Jehová.
-
Heb 7:26-28. Te Pablo la yal bin yuʼun te Jesús te jaʼ Mukʼul Sacerdote ma pajaluk sok te yantik mukʼul sacerdoteetik.
-
¿Bin ya yakʼ jnoptik ta stojol Jesús sok ta stojol te Jehová te milagroetik la spase?
-
Ejemploetik te ya skoltayat:
-
Mt 4:23, 24. Te Jesús la yakʼ ta ilel te jaʼ ayxan yuʼel te bitʼil te pukujetik sok te ya xjuʼ ya slekubtes te jchameletik.
-
Mt 14:15-21. Ta swenta jun milagro, te Jesús la spʼoltes joʼpejch pan sok chaʼkojt chay, jich la smakʼlin bayal ta mil ants winiketik.
-
Mt 17:24-27. Te Jesús la spas jun milagro yuʼun ya sta takʼin te Pedro swenta ya stoj-a te patanil yuʼun te templo sok jich maʼyuk machʼa ya xkʼopoj ta stojol.
-
Mr 1:40, 41. Te Jesús la snaʼbey yoʼbolil sba jtul winik te ay skʼaʼel chamel, jaʼ yuʼun la slekubtes. Jich la yakʼ ta ilel te yuʼun-nix ya skʼan slekubtes-a te jchameletik.
-
Mr 4:36-41. Te Jesús la slamantes tulan yikʼal jaʼal; jich ya jnaʼtik te akʼbil yuʼel yuʼun te sTat swenta ya skombey yip te bintik ya xjinawan jilel.
-
Jn 11:11-15, 31-45. Okʼ te Jesús kʼalal laj te Lázaro te jaʼ yamigo; kʼalal la schaʼkuxajtes, la yakʼ ta ilel te ya smel yoʼtan te kʼalal ya yil te ay jwokoltik yuʼun te ay machʼa ya xlaj kuʼuntik.
-
¿Bin-a te mukʼ skʼoplal la spuk ta alel te Jesús?
¿Bin yilel stalel te Jesús kʼalal xtaluk ta Balumilal? Kiltik chaʼoxchajp te tʼujbil taleliletik yuʼun.
La smulanik sjokinel: Mt 13:2; Mr 10:13-16; Lu 7:36-50.
La snaʼ yoʼbolil jbatik: Mr 5:25-34; Lu 7:11-15.
Ma xiw yoʼtan: Mt 4:2-11; Jn 2:13-17; 18:1-6.
Pekʼel yoʼtan: Mt 11:29; 20:28; Jn 13:1-5; Flp 2:7, 8.
Ay skʼuxul yoʼtan: Jn 13:1; 14:31; 15:13; 1Jn 3:16.
La schʼuun mantal: Lu 2:40, 51, 52; Heb 5:8.
Pʼij yoʼtan: Mt 12:42; 13:54; Col 2:3.
¿Bin yuʼun jun yoʼtan la yakʼ sba ta lajel te Jesús, sok bin lekilal ya jtatik-a?
¿Bin yuʼun tseʼel koʼtantik te jaʼ Ajwalil ta chʼulchan te Jesús?
Sl 72:12-14; Da 2:44; 7:13, 14; Ap 12:9, 10
-
Ejemploetik te ya skoltayat:
-
Sl 45:2-7, 16, 17. Te salmo ini ya yal te Ajwalil te tsabil yuʼun Dios ya xbajt slajinlan te skontratak sok jaʼ ya swentain te bin smelelil, te pekʼel oʼtanil sok te bin toj ta pasel.
-
Is 11:1-10. Te Balumilal ya xkʼatpʼuj ta nichimal kʼinal te kʼalal ya xwentainwan te Jesús.
-
¿Bin-a te nopol ya spasix te Jesús?
Yaniwan amulan-euk sk'oponel ini
JOJKʼOYELETIK TA SWENTA TE BIBLIA
¿Yabal yakʼ ta naʼel te albilkʼopetik ay ta Biblia te jaʼ Mesías te Jesuse?
¿Aybal yantik Mesías?
SWENTA JKʼOPLALTIK
Kʼana ulaʼtayel
Naʼbeya sujtib jun jojkʼoyel ta swenta Biblia o naʼbeyaxan skʼoplal te testigoetik yuʼun Jehová.
