Ejemploetik te ya skoltayat:

• Ec 12:​1-8. Te ajwalil Salomón la yal ta lokʼombakʼop te wokolil ya sitintayik te meʼel mamaletik jich bitʼil te ma xyilikix kʼinal («ya xʼihcʼub te bintic ya xʼilawanic ta ventanahetic») sok te ma xyaʼiyikix kʼinal («ma ba ya xchicnajix te cʼayojetique»).

Ejemploetik te ya skoltayat:

• 1Sa 12:​2, 23. Manchukme mamalix-a te j-alwanej Samuel, la yal te ma skomoj sba ta skʼoponel Dios ta stojol te lum yuʼun Jehová.

• 2Sa 19:​31-39. Te ajwalil David la yalbey wokol te Barzilái te mamalix-a yuʼun te koltayel akʼbote; pero te kʼalal japbot mukʼ yaʼtel te Barzilái, jamal la yal te ma xjuʼix yuʼune.

• Sl 71:​9, 18. Kʼalal mamalix-a te ajwalil David, la smel yoʼtan yuʼun te maniwan xtuuntesotix yuʼun te Jehová; jaʼ yuʼun la skʼanbey te manchuk ya xpʼajot sok te yakuk xkoltayot ta scholbeyel skʼoplal te yantik.

• Lu 2:​36-38. Te Ana te jaʼ j-alwanej ants, te ayix yaʼbilal-a sok te jaʼ meʼba ants akʼbot bendición yuʼun te la spasbey yaʼtel te Jehová.

 Ejemploetik te ya skoltayat:

• Gé 12:​1-4. Kʼalal ayix 75 yaʼbilal-a te Abrahán, te Jehová la yakʼbey jun asignación te jelon skuxlejal yuʼun.

• Da 10:​11, 19; 12:13. Kʼalal kʼaxemix ta 90 yaʼbilal-a te Daniel, jtul chʼul-abat la yalbey te bayal skʼoplal ta sit te Jehová sok te ya xmajtantesot ta swenta te jun yoʼtan.

• Lu 1:​5-13. Te Jehová la yakʼbey bendición te Zacarías sok te Elisabet te meʼel mamalikix-a, la yakʼ te ya staik alal, te alal-abi jaʼ te Juan J-akʼ-ichʼjaʼ.

• Lu 2:​25-35. Te kʼalal mamalix-a te Simeón, te Jehová la yakʼbey yil te alal te jaʼ ya xkʼot ta Mesías; ta patil te Simón la yal jun albilkʼop ta stojol te alal.

• Hch 7:​23, 30-36. Ayix 80 yaʼbilal-a te Moisés te kʼalal tikunot yuʼun Jehová ta slokʼesel te lum yuʼune.

Ejemploetik te ya skoltayat:

• Gé 45:​9-11; 47:12. Kʼalal mamalix-a te Jacob, te José la stikun ta ikʼel sok la skanantay jaʼto te kʼalal laje.

• Rut 1:​14-17; 2:​2, 17, 18, 23. Te Rut la skanantay te Noemí te ayix yaʼbilal-a.

• Jn 19:​26, 27. Kʼalal jipil ta teʼ-a te Jesús, la skʼanbey te jpuk-kʼop Juan te yakuk skanantaybey te snane.