Meʼil tatiletik
¿Bin yuʼun te Jehová la schiknajtes te nujpunel?
¿Bin yilel ya skʼan ya yilik te yal snichʼnabik te meʼil tatiletik?
Sl 127:3-5; 128:3
Jaʼnix jich ilawil «Alaletik; jchʼieletik».
-
Ejemploetik te ya skoltayat:
-
Gé 33:4, 5. Te Jacob la yil bitʼil jun bendición te yal snichʼnab.
-
Éx 1:15, 16, 22; 2:1-4; 6:20. Te Amram sok te Jokébed te jaʼ smeʼ stat te Moisés kʼax swokolik ta skanantayel te yal snichʼnabik.
-
¿Bin ya skʼan ya spasik te meʼil tatiletik ta stojol te yal snichʼnabik?
Dt 6:6, 7; 11:18, 19; Pr 22:6; 2Co 12:14; 1Ti 5:8
-
Ejemploetik te ya skoltayat:
-
1Sa 1:1-4. Te Elcaná la yikʼ bael te sfamilia ta Siló ta spasel te kʼinetik ta stojol Jehová sok la yakʼbey yichʼ ta mukʼ Jehová te yal snichʼnab.
-
Lu 2:39, 41. Te José sok te María te nainemik ta Nazaret kʼayemik-a te ya xbajtik ta Jerusalén ta spasel te Kʼin yuʼun Pascua.
-
¿Bin yuʼun ya skʼan ya yichʼ nojptesel te alnichʼanetik swenta ya schʼuunbeyik smantal te Jehová?
Pr 1:8, 9; 22:6
Jaʼnix jich ilawil 2Ti 3:14, 15.
-
Ejemploetik te ya skoltayat:
-
1Sa 2:18-21, 26; 3:19. Te smeʼ stat te Samuel la yikʼik bael ta nailpakʼ templo, pero spisil-ora bajt yilik sok la yakʼbeyik te bin ya xtuun yuʼun. Te kʼalal mukʼul winikix-a te Samuel mero tulan te schʼuunel yoʼtan.
-
Lu 2:51, 52. Manchukme jmulawiletik te smeʼ stat te Jesús la schʼuunbey smantal.
-
¿Banti ya xjuʼ ya staik lekil consejo te meʼil tatiletik yuʼun ya schʼitesik te yal snichʼnabik?
Dt 6:4-9; Ef 6:4; 2Ti 3:14-17
Jaʼnix jich ilawil Sl 127:1; Pr 16:3.
-
Ejemploetik te ya skoltayat:
-
Jue 13:2-8. Kʼalal te Manóah la yaʼiy stojol te ya sta alal te yinam, la sjojkʼoy bin-utʼil ya schʼites te alal.
-
Sl 78:3-8. Te Jehová jaʼ ya skʼan te ya yakʼbeyik snop te yal snichʼnabik te bin snopojik ta Biblia te meʼil tatiletik.
-
¿Bin yuʼun ay alnichʼanetik ya yijkitayik te Jehová manchukme jaʼ j-abatetik yuʼun Jehová te smeʼ statik?
Eze 18:1-13, 20
-
Ejemploetik te ya skoltayat:
-
Gé 6:1-5; Jud 6. Manchukme te chʼul-abatetik bayal jaʼbil la sjokinik te Jehová ta chʼulchan, ay bayal ta mil te la skontrainik ta patil.
-
1Sa 8:1-3. Manchukme toj yoʼtan sok jun yoʼtan te j-alwanej Samuel, te snichʼnab ya xloʼlaywanik sok ma spasik te bin toj.
-
¿Bin-ora te meʼil tatiletik ya skʼan ya xjajch yakʼbeyik snop te yal snichʼnabik te mantaliletik yuʼun te Jehová?
-
Ejemploetik te ya skoltayat:
-
Dt 29:10-12, 29; 31:12; Esd 10:1. Te israeletik la yikʼik bael te yal snichʼnabik kʼalal la stsob sbaik ta yichʼel ta mukʼ te Jehová swenta jich ya snaʼbeyik sba-a.
-
Lu 2:41-52. Te José sok te María kʼayemik ta yikʼel bael te Jesús sok te yantik yal snichʼnabik ta spasel te Kʼin yuʼun Pascua ta templo yuʼun Jerusalén.
-
¿Bin ejemplo ya skʼan ya stʼunik te meʼil tatiletik yuʼun ya skanantayik te yal snichʼnabik ta stojol te j-utsʼinwanejetik?
-
Ejemploetik te ya skoltayat:
-
Éx 19:4; Dt 32:11, 12. Te Jehová la spaj sba sok jkojt águila te ya skuch bael ta spat te yalatak sok ya skanantay.
-
Is 49:15. Te Jehová jamal yaloj te ya skanantay sok skʼuxul yoʼtan te j-abatetik yuʼun, kʼaxtoxan jich-a te bitʼil ya spas jtul nanil ta stojol te chʼin alal yuʼun.
-
Mt 2:1-16. Kʼalal chʼin alalto-a te Jesús, te Satanás kʼan smil, la stuuntes winiketik te ya snaʼik stʼunel te ekʼetik yuʼun ya xbajtik ta stojol te ajwalil Herodes. Pero, te Jehová la skanantay te sNichʼan, la yalbey te José te akʼa bajtukik ta kuxinel ta Egipto.
-
Mt 23:37. Te Jesús la skanantay te lum yuʼun jich bitʼil ya spas jkojt meʼ mut te ya stsob ta yalanil xikʼ te yalatake.
-
¿Bin yuʼun te meʼil tatiletik ya skʼan ya scholbeyik yaʼiy te yal snichʼnabik ta swenta te ya sjokin sbaik ta wayel jtul ants sok jtul winik?
-
Ejemploetik te ya skoltayat:
-
Le 15:2, 3, 16, 18, 19; Dt 31:10-13. Te Ley yuʼun Moisés ya yalbey skʼoplal te ya sjokin sbaik ta wayel jtul ants sok jtul winik, te Jehová la yal ta mantal te tey ayukik-a te alaletik te kʼalal ya yichʼ kʼoponel te ley ta komonsitil.
-
Sl 139:13-16. Ta libro yuʼun Salmos, te David la yalbey yutsil skʼoplal te Jehová ta swenta te lek pasbilotik sok te ya x-alnichʼnaj te ants winiketik.
-
Pr 2:10-15. Te Jehová ya yakʼ jpʼijiltik yuʼun ya jkanantay jbatik ta swenta te chopol ants winiketik.
-
¿Bin yuʼun ya skʼan ya stojobtes sok skʼuxul yoʼtanik te yal snichʼnabik?
Pr 13:24; 29:17; Jer 30:11; Ef 6:4
Jaʼnix jich ilawil Sl 25:8; 145:9; Col 3:21.
-
Ejemploetik te ya skoltayat:
-
Sl 32:1-5. Te ajwalil David kʼux la yaʼiy te kʼalal tojobtesot yuʼun te Jehová, pero mukʼub kʼinal la yaʼiy kʼalal la snaʼ stojol te ya xpasbot perdón te machʼa ya sujtes yoʼtan ta smelelil.
-
Jon 4:1-11. Manchukme te j-alwanej Jonás ilin sok ma lek la skʼopon te Jehová, te Jehová maba ilin sok la snojptes ta snaʼbeyel yoʼbolil sba te yantik.
-
¿Bin yuʼun jaʼ kʼuxul oʼtanil ta stojol te alnichʼaniletik kʼalal ya yichʼik tojobtesel yuʼun te smeʼ statike?
Pr 3:11, 12; 13:24
Jaʼnix jich ilawil Pr 15:32; Ap 3:19.
Yaniwan amulan-euk sk'oponel ini
¡WIKʼAME ASIT!
Familiaetik te tseʼel yoʼtanik: Akʼbeya yilik lekil ejemplo
Meʼil tatiletik, teme ya akʼanik te ya schʼuunik te bin ya awalbeyik te awal anichʼnabike, ya skʼan te jaʼex nail ya apasik te bin ya awalbeyike.
SWENTA JKʼOPLALTIK
Kʼana ulaʼtayel
Naʼbeya sujtib jun jojkʼoyel ta swenta Biblia o naʼbeyaxan skʼoplal te testigoetik yuʼun Jehová.
