Ejemploetik te ya skoltayat:

• Gé 24:​1-4, 7. Te Abrahán te ayix yaʼbilal-a snopoj ta yoʼtan te ya sle jtul achʼix te yichʼojuk ta mukʼ te Jehová yuʼun ya yinamin te Isaac, melel ma skʼan te ya xnujpun sok jtul cananea-ants te yichʼoj ta mukʼ lotil diosetik.

• Gé 28:​1-4. Te Isaac la yalbey te Jacob te manchuk ya xnujpun sok jtul cananea-ants, te jaʼuk ya yikʼ yinamin te machʼa yichʼoj ta mukʼ te Jehová.

Ejemploetik te ya skoltayat:

• 1Re 11:​1-6, 9-11. Te Jehová ilin ta stojol te ajwalil Salomón, melel ma la schʼuun te mantaliletik yuʼun, nujpun sok jyanlum antsetik te utsʼinbot yoʼtan yuʼun sok jajch yichʼ ta mukʼ yantik diosetik.

• Ne 13:​23-27. Te ajwalil Nehemías ilin ta stojol te jkʼaxunkʼopetik te nujpunik sok jyanlum antsetik te ma yichʼojik ta mukʼ te Jehová; jaʼ yuʼun la stsitstiklan sok la stojobteslan.

Ejemploetik te ya skoltayat:

• 1Sa 25:​2, 3, 14-17. Manchukme jkʼulej winik-a te Nabal maba lekil mamalalil, melel ya x-utsʼinwan sok tulan yoʼtan.

• Pr 21:9. Teme ma jnaʼtik stsael ta lek te machʼa ya xnujpunotik sok, ya jta jwokoltik sok maʼyuk lamalkʼinal ya kaʼiytik.

• Ro 7:2. Te Pablo la yal te kʼalal ya xnujpun jtul ants, ya yichʼ wentainel yuʼun te smamalal, jaʼ yuʼun teme ay spʼijil yoʼtan te antse, ya stsa ta lek te machʼa ya xnujpun sok.

Ejemploetik te ya skoltayat:

• Pr 24:27. Te kʼalal mato xnujpun-a te winik o mato staoj yal snichʼnab, ya skʼan ya yakʼ ta ilel te ya snaʼ aʼtel sok te ya xjuʼ yuʼun yakʼbeyel te bin ya xtuun yuʼun te sfamilia.

Ejemploetik te ya skoltayat:

• Rut 2:​4-7, 10-12. Te Boaz la snaʼ stojol bin yilel ta antsil te Rut, melel la yil te ya smulan aʼtel, la yichʼ ta wenta te bin ya yalik te yantik ta stojol, te ay schʼuunel yoʼtan sok te lek stalel ta stojol te sfamilia.

• Rut 2:​8, 9, 20. Te Rut la snaʼ stojol bin yilel ta winikil te Boaz, melel la yil te lek yoʼtan, ay yutsil yoʼtan sok te kʼux ta yoʼtan te Jehová.

Ejemploetik te ya skoltayat:

• Pr 5:​18, 19. Ay chaʼoxchajp te bitʼil ya yakʼik ta ilel te skʼanoj sbaik te jaʼnax ay ta swentaik spasel te machʼatik nujpunemik.

• Can 1:2; 2:6. Te kʼalal slekol sbaik-a te jkanantuminchij sok te sulamita, stojilnax te bitʼil la yakʼbey sba yilik te skʼuxul yoʼtanike.

• Can 4:12; 8:​8-10. Te sulamita la snaʼ skomel sba sok maʼyuk bin chopol la spas; te Biblia ya yal te jich kʼot te bitʼil makbil nichimaltik.

 Ejemploetik te ya skoltayat:

• Gé 21:​8-12. Te Jehová la yalbey te Abrahán te akʼa spas te bin la yal te Sara manchukme ma la smulan te bin kʼanbote.

• Pr 31:​10, 11, 16, 28. Te winik te ay spʼijil yoʼtan ay smukʼul yoʼtan ta stojol te yinam sok ya yutsilkʼoptay, ma suj ta spasel te bin ya smulan stukel sok ma jaʼuk ya yil te bin ma lek ya spas.

• Ef 5:33. Te bin la stsʼibay te Pablo la yakʼ ta naʼel te mukʼ skʼoplal ta yoʼtan te antsetik te ya x-albotik yuʼun te smamalalik te kʼux aʼiybilik.

Ejemploetik te ya skoltayat:

• Pr 1:8; 1Co 7:4. Te Jehová aynix yakʼojbey yaʼtel te inamiletik sok te naniletik ta snujpunelik soknix ta snojptesel te yalatakik.

• 1Co 11:3. Te Pablo la yal te jpisiltik ay jolal kuʼuntik, jaʼnax te Jehová maʼyuk machʼa ya xwentainot yuʼun.

• Heb 13:​7, 17. Chikan teme winikotik o antsotik ya skʼan ya jchʼuunbeytik skʼop te machʼatik yichʼoj yaʼtelik ta congregación yuʼun jun-nax ya x-aʼtejotik sok.

Ejemploetik te ya skoltayat:

• Gé 18:12; 1Pe 3:​5, 6. Te Sara la yichʼ ta mukʼ te smamalal sok la yal ta yoʼtan te jaʼ yajwal: te jaʼ jolal yuʼun.

Ejemploetik te ya skoltayat:

• Gé 24:​62-67. Te Rebeca la yakʼbey smukʼul yoʼtan te Isaac kʼalal laj te snan.

• 1Sa 25:​14-24, 32-38. Te Abigaíl la skʼopon sok spekʼelil yoʼtan te David, kʼopoj ta stojol te smamalal te ma snaʼ kʼinal: te bitʼil jich la spas maba lajik te machʼatik ay ta sna.

• Est 4:​6-17; 5:​1-8; 7:​1-6; 8:​3-6. Swenta ya skoltay te lum yuʼun Dios, te ajwalil ants Ester cheb buelta kʼan yichʼ milel, melel bajt ta stojol te smamalal manchukme ma tikunbil ta ikʼel.