Ejemploetik te ya skoltayat:

• Sl 78:​40, 41; 106:​36-46. Te israeletik bayal buelta la yejchentesbeyik yoʼtan te Jehová, pero te Jehová la spastiklanbey perdón.

•  Lu 15:​11-32. Swenta ya xkʼot ta koʼtantik ban kʼalal ya spasbotik perdón te Jehová, te Jesús la schol jun lokʼombakʼop ta swenta jtul tatil te la snaʼbey yoʼbolil sba te snichʼan sok la spasbey perdón te kʼalal la sujtes yoʼtan yuʼun te bintik chopol la spas.

Ejemploetik te ya skoltayat:

• Heb 9:​22-28. Te Pablo la yal te jaʼnax ya spasbotik perdón te Jehová ta swentanax te laj te Jesuse.

• Ap 7:​9, 10, 14, 15. Te jpuk-kʼop Juan la stsʼibay te ya xpasbotik perdón te «bayal ta tul ants winiketik» ta swenta te la yakʼ schʼuunel yoʼtanik ta stojol te Jesús.

Ejemploetik te ya skoltayat:

• Job 42:​7-10. Kʼalal te Jehová mato slekubtesoj sok smajtantesoj-a te Job, la yalbey te akʼa skʼopon Dios ta stojol te oxtul winiketik te bolkʼoptayot yuʼune.

• Mt 18:​21-35. Te Jesús la yal jun lokʼombakʼop te ya yakʼ ta ilel te ya skʼan ya jpasbeytik perdón te yantik teme ya jkʼantik te ya spasbotik perdón te Jehová.

Ejemploetik te ya skoltayat:

• Sl 32:​1-5; 51:​1, 2, 16, 17. Te bitʼil la spas tulan mulil te ajwalil David, bayal la smel yoʼtan sok kʼax ma lek la yaʼiy sba, pero la sujtes yoʼtan ta smelelil.

• Snt 5:​14-16. Te Santiago la yal te kʼalal ay machʼa ya spas tulan mulil, ya skʼan ya yalbey te ancianoetik.

Ejemploetik te ya skoltayat:

• 1Re 21:​27-29; 2Cr 18:​18-22, 33, 34; 19:​1, 2. Te ajwalil Acab la spejkʼan sba ta stojol Jehová kʼalal la snaʼ te ya x-akʼbot castigo, jich naʼbot yoʼbolil sba. Pero, ta patil la yakʼ ta ilel te ma sujtesoj yoʼtan ta smelelil, jaʼ yuʼun maba pasbot perdón yuʼun te Jehová sok la yakʼ te ya xmilot.

• 2Cr 33:​1-16. Manchukme kʼax chopol bintik la spas te ajwalil Manasés, te Jehová la spasbey perdón kʼalal la sujtes yoʼtan. Te Manasés la yakʼ ta ilel te yuʼun-nix jelon-a te stalele, jajch slajin te lotil diosetik sok jaʼ la yakʼ ta ichʼel ta mukʼ te Jehová.

Ejemploetik te ya skoltayat:

• 2Sa 12:13; 24:1; 1Re 9:​4, 5. Manchukme la spas tulan mulil te David, te Jehová la spasbey perdón, melel la sujtes yoʼtan ta smelelil. Ta patil, te Jehová la yal te jun yoʼtan te David.

Ejemploetik te ya skoltayat:

• Mt 26:​36, 40, 41. Te jnopojeletik te sjokinojik-a te Jesús och swayelik te kʼalal ay ta tulan wokol-a, pero te Jesús kʼot ta yoʼtan te lujbenik.

• Mt 26:​69-75; Lu 24:​33, 34; Hch 2:​37-41. Te Pedro oxeb buelta la yal te ma snaʼbey sba te Jesús, pero pasbot perdón te kʼalal la sujtes yoʼtan. Kʼalal chaʼkuxaj te Jesús, chiknaj ta stojol te Pedro sok la yakʼbey swentain aʼteliletik ta congregación.

Ejemploetik te ya skoltayat:

• Mt 23:​29-33. Te Jesús la yalbey te escribaetik sok te fariseoetik te ya yichʼik lajinel ta sbajtelkʼinal.

• Jn 17:12; Mr 14:21. Te Jesús la yal te ya yichʼ lajinel te Judas Iscariote sok la yal te jaʼ lekxan te manchuk ayin ta kʼinale.