Schʼuunel mantal
¿Bin yuʼun ya skʼan ya jchʼuuntik mantal?
Éx 19:5; Dt 10:12, 13; Ec 12:13; Snt 1:22
-
Ejemploetik te ya skoltayat:
-
1Sa 15:17-23. Te j-alwanej Samuel la stsits te ajwalil Saúl ta skaj te ma la schʼuunbey smantal te Jehová, ta patil la yal bin yuʼun mukʼ skʼoplal te ya jchʼuuntik mantal.
-
Heb 5:7-10. Te Jesús spisil-ora la schʼuunbey smantal te sTate. Te kʼalal xtaluk ta Balumilal, jaʼnix jich la schʼuun mantal manchukme kʼax tulan swokol.
-
¿Bin ya skʼan jpastik teme ya yalbotik te j-aʼtel patanetik te akʼa jkʼaxuntaybeytik smantal te Jehová?
-
Ejemploetik te ya skoltayat:
-
Da 3:13-18. Manchukme kʼan yichʼik milel, te oxtul hebreoetik maba la yichʼik ta mukʼ te lokʼomba spasoj te Nabucodonosor.
-
Mt 22:15-22. Te Jesús la yalbey te jnopojeletik te yakuk schʼuunbeyik smantal te j-aʼtel patanetik jaʼnax teme ma xkʼanbotik te ya skʼaxuntaybeyik smantal te Jehová.
-
Hch 4:18-31. Te jpuk-kʼopetik ma la skom sbaik ta scholel skʼop Dios manchukme komotik yuʼun te j-aʼtel patanetik.
-
¿Bin ya skʼan ya jpastik yuʼun spisil-ora ya jchʼuunbeytik smantal te Jehová?
Dt 6:1-5; Sl 112:1; 1Jn 5:2, 3
Jaʼnix jich ilawil Sl 119:11, 112; Ro 6:17.
-
Ejemploetik te ya skoltayat:
-
Esd 7:7-10. Te sacerdote Esdras la yakʼ ta yoʼtan schʼuunel te Ley yuʼun Jehová yuʼun jich lekil ejemplo ya xkʼot ta stojol te yantik.
-
Jn 14:31. Te Jesús la yal bin yuʼun ya spas spisil te bin albot ta mantal yuʼun te sTate.
-
¿Bin ya skʼan ya stij koʼtantik ta schʼuunbeyel smantal te Jehová sok te Jesús?
¿Bin-utʼil ya xchiknaj ta ilel te ay schʼuunel koʼtantik kʼalal ya jchʼuuntik mantal?
Ro 1:5; 10:16, 17; Snt 2:20-23
Jaʼnix jich ilawil Dt 9:23.
-
Ejemploetik te ya skoltayat:
-
Gé 6:9-22; Heb 11:7. Te Noé la yakʼ ta ilel te ay schʼuunel yoʼtan te kʼalal la schʼuun spasel te arca.
-
Heb 11:8, 9, 17. Te Abrahán la yakʼ ta ilel te ay schʼuunel yoʼtan kʼalal lokʼ bael ta Ur sok te kʼalal kʼan yakʼ ta milbil majtanil te snichʼan.
-
¿Bintik bendición ya x-akʼbotik te machʼatik ya schʼuunik mantal?
-
Ejemploetik te ya skoltayat:
-
Le 26:3-6. Te Jehová jamal yaloj te ya yakʼbey bendición sok ya skanantay te machʼatik ya schʼuunik mantal.
-
Nú 13:30, 31; 14:22-24. Te Jehová la yakʼbey bendición te Caleb ta swenta te la schʼuun mantal.
-
¿Bin ya xkʼot ta jtojoltik teme ma jchʼuuntik mantal?
-
Ejemploetik te ya skoltayat:
-
Gé 2:16, 17; 3:17-19. Ta skaj te la skʼaxuntaybeyik smantal te Jehová, te Adán sok te Eva ma kuxinikix ta sbajtelkʼinal ta nichimal kʼinal.
-
Dt 18:18, 19; Hch 3:12, 18, 22, 23. Te Jehová yalojix-a te ya xtal jtul j-alwanej te jaʼ mukʼxan skʼoplal te bitʼil te Moisés sok la yal te ya yichʼik lajinel te machʼatik ma schʼuunbeyik skʼop.
-
Jud 6, 7. Te ants winiketik ta Sodoma, ta Gomorra sok chaʼoxtul chʼul-abatetik la skʼaxuntayik mantal, jaʼ yuʼun te Jehová bayal ilin ta stojolik.
-
¿Bin yuʼun ya skʼan ya jchʼuunbeytik smantal te Kajwaltik Jesucristo?
-
Ejemploetik te ya skoltayat:
-
Jn 12:46-48; 14:24. Te Jesús la yal te machʼatik ya skʼaxuntaybeyik smantal ya yichʼik ichʼel ta kʼop sok ya yichʼik lajinel.
-
¿Bin yuʼun ya skʼan jchʼuunbeytik smantal te machʼatik ya swolotik ta congregación?
¿Bin yuʼun te inamiletik ya skʼan ya yakʼ sbaik ta wentainel yuʼun te smamalalik?
¿Bin yuʼun te alnichʼanetik ya skʼan ya schʼuunbeyik smantal te smeʼ statik?
-
Ejemploetik te ya skoltayat:
-
Gé 37:3, 4, 8, 11-13, 18. Kʼalal jchʼiel kerem-a te José, la schʼuunbey smantal te stat, bajt yil te sbankiltak manchukme ya xpʼajot yuʼun.
-
Lu 2:51. Manchukme tojil kerem stukel-a te Jesús, la yakʼ sba ta wentainel yuʼun te José sok te María te ma tojukik.
-
¿Bin yuʼun jaʼ lek te ya jchʼuunbeytik smantal te jpatrontik manchukme maʼyuk machʼa ya yilotik?
¿Bin yuʼun ya skʼan ya jchʼuunbeytik smantal te j-aʼtel patanetik?
Yaniwan amulan-euk sk'oponel ini
TE J-ILKʼINAL TA TOYOL
Te Dios ya yakʼbey bendision te machʼa ya schʼuunbot skʼope
Ilawil cheb bendision te ya xjuʼ ya ata teme ya achʼuunbey skʼop te Diose.
TE BINTIK YA YAKʼBON JNOP TE BIBLIA
Maʼyuk bin komotik yuʼun
Te jwolwanejetik yuʼun te relijionetik te la smilik te Jesuse, kʼan skomik te jnopojeletik, pero ma juʼ yuʼunik spasel.
SWENTA JKʼOPLALTIK
Kʼana ulaʼtayel
Naʼbeya sujtib jun jojkʼoyel ta swenta Biblia o naʼbeyaxan skʼoplal te testigoetik yuʼun Jehová.
