Te libro Textoetik te ya xtuun ta jkuxlejaltik ya skoltayat ta stael ta oranax textoetik te ya skoltayat ta sitintayel te wokoliletik ta akuxlejal. Jaʼnix jich ya skoltayat ta stael textoetik te ya atuuntes ta yakʼbeyel smukʼul yoʼtan te yantik sok ta skoltayel swenta lekuk te bin ya staik ta nopel spasel ta skuxlejalik. Ya ale te tema ya xtuun awuʼune sok tey ya ata-a te jojkʼoyeletik soknix ya scholbey skʼoplal te textoetik ya xchiknaj tey-a (ilawilte recuadro « ¿Bin-utʼil ta tuuntesel te publicación ini?»). Oranax ya ata textoetik te ya yakʼbat smukʼul awoʼtan sok consejoetik te lokʼemik ta sKʼop Dios. Jaʼnix jich ya ata principioetik te ya xtuun awuʼun ta akuxlejal sok ta skoltayel te yantik.

Te publicación ini maba yichʼoj spisil te textoetik banti ya scholbey skʼoplal jun tema. Jaʼnax jun koltayel yuʼun ya apasxan investigar te bin ya akʼan ya anaʼ (Pr 2:​1-6). Yuʼun ya anaʼbeyxan skʼoplal ta lek, tuuntesa te referencias marginales sok te notaetik yuʼun estudio ta La Biblia. Traducción del Nuevo Mundo. Jaʼnix jich ya xjuʼ ya atuuntes te Sleojibal temaetik yuʼun testigoetik yuʼun Jehová o te Índice de las publicaciones Watch Tower yuʼun ya anopbeyxan skʼoplal ta lek te bin ya skʼan ya yal te textoetik. Ilawil te publicacionetik te lokʼelikto yuʼun ya awil teme maba jelonem te bin yakat ta spasel investigar.

Ya jmaliytik te ya skoltayat te publicación ini swenta ya anaʼbeyxan skʼoplal ta lek, ya xkʼot ta awoʼtan sok te spʼijil awoʼtan ya yakʼ te sKʼop Diose. Teme ya atuuntes te publicación ini ya awil ta jamal te «kuxul te skʼop te Diose sok ay yuʼel ya x-aʼtej» (Heb 4:12).