Tsitsel
Te ya kichʼtik tsitsel
¿Bin yuʼun ya skʼan te ya jletik tsitsel ta Biblia?
Sl 32:8; Pr 15:22; 19:20; 20:18
Jaʼnix jich ilawil Pr 11:14; Is 28:29; Jer 32:19.
¿Bin yuʼun jaʼ lek te ya jchʼam kaʼiytik te tsitsel ma jaʼuk te ya jmak jbatik ta kʼop?
Pr 12:15; 29:1
Jaʼnix jich ilawil Pr 1:23-31; 15:31.
-
Ejemploetik te ya skoltayat:
-
1Sa 15:3, 9-23. Kʼalal te j-alwanej Samuel la stojobtes te ajwalil Saúl, la smak sba ta kʼop sok la spʼaj te tsitsel, jaʼ yuʼun pʼajot yuʼun te Jehová.
-
2Cr 25:14-16, 27. Kʼalal jtul j-alwanej la stsits te Amasías ta skaj te la spas mulil, ma la schʼuun, jaʼ yuʼun maba lek ilotix yuʼun te Jehová sok maba kanantayotix.
-
¿Bin yuʼun ya skʼan ya kichʼtik ta mukʼ te ancianoetik te kʼalal ya stsitsotik?
1Te 5:12; 1Ti 5:17; Heb 13:7, 17
-
Ejemploetik te ya skoltayat:
-
3Jn 9, 10. Kʼalal mamalix-a te jpuk-kʼop Juan, la stsits te Diótrefes ta skaj te ma la yichʼ ta mukʼ te ancianoetik ta congregación.
-
¿Bin yuʼun ya skʼan ya jchʼuunbeytik skʼop te meʼel mamaletik?
Le 19:32; Pr 16:31
Jaʼnix jich ilawil Job 12:12; 32:7; Tit 2:3-5.
-
Ejemploetik te ya skoltayat:
-
1Sa 23:16-18. Te ajwalil David la spas te bin albot yuʼun te Jonatán te jaʼ 30 jaʼbil bankilal yuʼun, jich la sta smukʼul yoʼtan.
-
1Re 12:1-17. Ma lek bin kʼot ta stojol te ajwalil Rehoboam ta skaj te jaʼ la schʼuunbey skʼop te jchʼieletik ma jaʼuk te machʼatik pʼijubenikix.
-
¿Bin ya yakʼ jnaʼtik te ay spʼijilik-euk te antsetik sok te jchʼieletik te ya yichʼik ta mukʼ te Jehová?
Job 32:6, 9, 10; Pr 31:1, 10, 26; Ec 4:13
Jaʼnix jich ilawil Sl 119:100.
-
Ejemploetik te ya skoltayat:
-
1Sa 25:14-35. Te bin la yal te Abigaíl koltayot te David yuʼun maʼyuk machʼa la smil sok maba la smulin smalel chʼichʼ.
-
2Sa 20:15-22. Jtul pʼijil ants ta lum Abel kol yuʼun te slumal ta swenta te bin la yale.
-
2Re 5:1-14. Ta swenta te bin la yal jtul chʼin israel achʼix lekub ta skʼaʼel chamel jtul soldado.
-
¿Bin yuʼun ma skʼan ya jchʼambeytik skʼop te machʼatik ma schʼuunik te Jehová sok te sKʼope?
Sl 1:1; Pr 4:14
Jaʼnix jich ilawil Lu 6:39.
-
Ejemploetik te ya skoltayat:
-
1Cr 10:13, 14. Te ajwalil Saúl ma bajt ta stojol te Jehová, jaʼ bajt ta stojol jtul jnaʼojel-ants.
-
2Cr 22:2-5, 9. Laj te ajwalil Ocozías ta skaj te maba la stsa ta lek te machʼatik la skʼanbey tojobtesel.
-
Job 21:7, 14-16. Te Job la spʼaj te machʼatik ma la yichʼik ta mukʼ te Jehová.
-
Te ya kakʼtik tsitsel
¿Bin yuʼun jaʼ lek te nail ya jchʼam kaʼiytik spisil te bin kʼot ta pasel sok te patil ya kakʼtik te tsitsel?
Pr 18:13, 17
Jaʼnix jich ilawil Pr 25:8.
-
Ejemploetik te ya skoltayat:
-
1Sa 1:9-16. Te mukʼul sacerdote Elí oranax la skuy te yakuben te Ana, tulan la stsits manchukme ma snaʼoj-a te bin yak ta kʼaxel ta stojol.
-
Mt 16:21-23. Te jpuk-kʼop Pedro la stsits te Jesús, pero jaʼ la yal te bin ya smulan te Satanás ma jaʼuk te skʼanojel yoʼtan te Jehová.
-
¿Bin yuʼun nail ya skʼan ya jkʼanbeytik koltayel te Jehová kʼalal ay machʼa ya jtsitstik?
Sl 32:8; 73:23, 24; Pr 3:5, 6
-
Ejemploetik te ya skoltayat:
-
Éx 3:13-18. Te Moisés la skʼanbey koltayel te Jehová yuʼun ya snaʼ bin sujtib ya yakʼbey te israeletik teme ay bin ya skʼan ya snaʼik.
-
1Re 3:5-12. Te Jehová la yakʼbey spʼijil yoʼtan te jchʼiel ajwalil Salomón, melel maba la smukʼulin sba yoʼtan.
-
¿Bin yuʼun ya skʼan lokʼemuk ta Biblia te tsitsel ya kakʼtik?
Sl 119:24, 105; Pr 19:21; 2Ti 3:16, 17
Jaʼnix jich ilawil Dt 17:18-20.
-
Ejemploetik te ya skoltayat:
-
Mt 4:1-11. Te Jesús la stuuntes te bin ya yal te Biblia yuʼun ya sujtesbey skʼop te Satanás, ma jaʼuk la yal te bin ay ta yoʼtan.
-
Jn 12:49, 50. Jnopbeytik stalel te Jesús te spisil-ora jaʼ la yakʼ ta nopel te bin akʼbot snop yuʼun te sTat.
-
¿Bin yuʼun ya skʼan te lamaluk koʼtantik kʼalal ay machʼa ya kakʼbeytik tsitsel sok te lokʼemuk ta koʼtantik te kʼalal ya kutsilkʼoptaytik?
Jaʼnix jich ilawil Is 9:6; 42:1-3; Mt 11:28, 29.
-
Ejemploetik te ya skoltayat:
-
2Cr 19:2, 3. Te Jehová la stsits te ajwalil Jehosafat ta swenta jtul j-alwanej sok la yutsilkʼoptay yuʼun te bintik lek la spase.
-
Ap 2:1-4, 8, 9, 12-14, 18-20. Te Jesús nail la yutsilkʼoptay te congregacionetik te kʼalal la yakʼtiklanbey tojobtesel.
-
Teme ay jtul hermano ya yalbotik te loʼlayot o bolkʼoptayot yuʼun jtul hermano, ¿bin yuʼun jaʼ lek te ya kalbeytik te yakuk schajpanik ta schebaliknax?
Jaʼnix jich ilawil Le 19:17.
¿Bin-utʼil ya jkoltaytik jtul hermano swenta ma x-ilin sok ya spas perdón teme ay bin ma lek pasbote?
Mt 18:21, 22; Mr 11:25; Lu 6:36; Ef 4:32; Col 3:13
Jaʼnix jich ilawil Mt 6:14; 1Co 6:1-8; 1Pe 3:8, 9.
-
Ejemploetik te ya skoltayat:
-
Mt 18:23-35. Te Jesús la yal jun lokʼombakʼop swenta ya yakʼ ta naʼel te mukʼ skʼoplal te ya jpastik perdón.
-
Kʼalal ya kakʼtik tsitsel, ¿bin yuʼun mukʼ skʼoplal te jaʼ ya kakʼtik ta chʼuunel te smantal te Jehová?
Sl 141:5; Pr 17:10; 2Co 7:8-11
-
Ejemploetik te ya skoltayat:
-
1Sa 15:23-29. Te j-alwanej Samuel maba xiw ta yakʼbeyel tsitsel te ajwalil Saúl.
-
1Re 22:19-28. Manchukme la sta utsʼinel sok majel te j-alwanej Micaya, ma la sjeltay te bin la yal te Jehová ta stojol te Acab.
-
¿Bin-utʼil ya skʼan ya kakʼbeytik tsitsel te yantik swenta maba ya kutsʼinbeytik schʼuunel yoʼtan?
-
Ejemploetik te ya skoltayat:
-
Lu 22:31-34. Manchukme ay bin ma lek la spas te Pedro, te Jesús la yakʼ smukʼul yoʼtan ta stojol sok la yalbey te ya yakʼbey yip yoʼtan te yantike.
-
Flm 21. Te Pablo snaʼoj ta lek-a te ya schʼuun te Filemón te tsitsel la yakʼbey te talem ta stojol te Dios.
-
¿Bin-utʼil ya xjuʼ ya kakʼbeytik tsitsel sok yutsil koʼtantik te machʼatik ayik ta wokol o chebajem yoʼtanik?
Teme ay machʼa ya spas mulil, ¿bin-utʼil ya kakʼbeytik yil te ya jkʼan ya jkoltaytik ta yamigoinel yan buelta te Jehová?
¿Bin-utʼil ya xjuʼ ya kichʼtik ta mukʼ te machʼa ya kakʼbeytik tsitsel chikan jayeb yaʼbilal o teme ants o winik?
Teme jtul hermano ya spʼaj te tsitsel ya yakʼ te Biblia, ¿bin yuʼun ya skʼan ya yakʼbeyik tulan tsitsel te ancianoetik?
Yaniwan amulan-euk sk'oponel ini
TE BINTIK YA YAKʼBON JNOP TE BIBLIA
Jtul soldado sok jtul tut achʼix
Jtul tut israel-achʼix la yalbey skʼoplal te yuʼel Jehová ta stojol te ants te jaʼ yajwale. Ta swenta-abi, kʼot ta pasel jun milagro.
SWENTA JKʼOPLALTIK
Kʼana ulaʼtayel
Naʼbeya sujtib jun jojkʼoyel ta swenta Biblia o naʼbeyaxan skʼoplal te testigoetik yuʼun Jehová.
