Yokʼetayel machʼa ya xlaj
¿Bin ejemploetik ta Biblia ya yakʼ ta ilel te ma chopoluk te ya kokʼetaytik te machʼa ya xlaj kuʼuntik?
Gé 23:2; 24:67; 37:34, 35; 42:36; Jn 11:19, 31, 33-36
Jaʼnix jich ilawil 2Sa 1:17-27; Hch 9:36-39.
¿Bin-utʼil ya jnaʼtik te ya skʼan Jehová te ya smukʼubtesbey kʼinal yaʼiyik te machʼatik pichʼil yoʼtanik?
Sl 34:18; Is 57:15; 61:1, 2
¿Bin yuʼun ya smukʼubtes kʼinal kaʼiytik snaʼel te bin ya xkʼot ta pasel kʼalal ay machʼa ya xlaj?
Ec 9:5, 10; 1Te 4:13
-
Ejemploetik te ya skoltayat:
-
Lu 20:37, 38. Te Jesús la yal te yananix xchaʼkuxajik-a te machʼatik lajemik, melel spisil kuxulik ta sit te Jehová.
-
Jn 11:5, 6, 11-14. Kʼalal laj te Lázaro, te Jesús la yal te jich kʼoem te wayaliknax te machʼatik lajemike.
-
Heb 2:14, 15. Te Pablo la yal te ma skʼan ya jxiʼtik te lajele.
-
¿Bin yuʼun jaʼ mukʼxan skʼoplal ta sit te Jehová te kʼalal ya xlajotik ma jaʼuk te kʼalal ya x-ayinotik?
Pr 22:1; Ec 7:1, 2
¿Bin ya yal te Biblia ta swenta te lajel sok bin ya xbajt spas te Diose?
Is 25:8; 1Co 15:26; Ap 20:14; 21:3, 4
¿Bin yuʼun jchʼuunojtik te ya xchaʼkuxajik te machʼatik lajemik?
Is 26:19; Jn 5:28, 29; Hch 24:15
-
Ejemploetik te ya skoltayat:
-
Te Biblia ya yalbey skʼoplal baluneb ta tul te chaʼkuxajik, ay waxaktul te chaʼkuxajik ta Balumilal. Te ejemploetik-abi ya smukʼubtesbey kʼinal yaʼiyik te machʼatik ay machʼa lajem yuʼunik.
-
1Re 17:17-24. Te j-alwanej Elías la schaʼkuxajtes te yal jtul meʼba ants ta Sarepta, jaʼ jpam lum te ay ta skʼinal Sidón.
-
2Re 4:32-37. Ta Sunem, te j-alwanej Eliseo la schaʼkuxajtes jtul chʼin kerem.
-
2Re 13:20, 21. Jtul winik te lajemix-a chaʼkuxaj kʼalal kʼot sta sba sok te sbakel te Eliseo te lajemix-ae.
-
Lu 7:11-15. Ta lum Naín, te Jesús la schaʼkuxajtesbey skerem-al jtul meʼba ants te yakik ta yikʼel bael yuʼun ya smukik.
-
Lu 8:41, 42, 49-56. Te Jesús la schaʼkuxajtesbey yantsil nichʼan te Jairo te jaʼ jtul jwolwanej yuʼun te sinagoga.
-
Jn 11:38-44. Te Jesús la schaʼkuxajtes te Lázaro te jaʼ yamigo, jich la schaʼjokin sba sok te swixitak Marta sok María.
-
Hch 9:36-42. Te Pedro la schaʼkuxajtes te Dorcas, jaʼ jtul hermana te naʼbil sba yuʼun te la spas bayal lekil aʼtelil.
-
Hch 20:7-12. Te Pablo la schaʼkuxajtes te Eutico te laj kʼalal chʼay koel ta yoxkajal na.
-
-
Te Jehová la schaʼkuxajtes te Jesús jich bitʼil espíritu, jaʼ-abi ya yakʼ ta naʼel te ya xkʼot ta pasel yuʼun te Jehová spisil te bin yaloje.
-
Te Jesús jaʼ te sbabial machʼa chaʼkuxaj yuʼun ya xbajt ta chʼulchan sok te maʼyuk bin-ora ya xlaje, pero ma jaʼuknax te Jesús, jaʼnix jich te 144 mil.
-
¿Bin-utʼil ya xjuʼ ya jkoltaytik te machʼatik ay machʼa lajem yuʼunike?
Yaniwan amulan-euk sk'oponel ini
¡WIKʼAME ASIT!
Lekil koltayel ta stojol te machʼatik ay machʼa lajem yuʼunik
Te Biblia jaʼ jun lekil koltayel yuʼun te machʼatik ay machʼa lajem yuʼunik.
YANTIK TEMAETIK
Kʼalal ya xlaj te machʼa kʼux ta koʼtantik
Liʼ ya xjuʼ ya ata te bintik ya xjuʼ ya skoltayat yuʼun ma bayal ya amel awoʼtan te kʼalal ya xlaj te machʼa kʼux ta awoʼtane.
TE J-ILKʼINAL TA TOYOL (TE YA YICHʼ NOPEL)
Ta swenta te chaʼkuxaj te Jesuse, ¿yuʼun-nixbal kʼot ta pasel ta smelelil-a?
¿Bintik smelelil ya yal te Evangelioetik ta swenta te Jesuse?
SWENTA JKʼOPLALTIK
Kʼana ulaʼtayel
Naʼbeya sujtib jun jojkʼoyel ta swenta Biblia o naʼbeyaxan skʼoplal te testigoetik yuʼun Jehová.
