¿Bin ya akuy te ya xkʼot ta pasel ta pajel chaʼbeje?
Ta swenta te bintik yak ta kʼaxel ta Balumilale, ¿yabal akuy te...
-
maʼyuk bin ora ya xjelone?
-
ya xbatsʼejxan baele?
-
ya xlekube?
TE BIN YA YAL TE BIBLIAE
«Ya me xcusticlambot yaʼlel sitic yuʼun te Diose; mayuquix lajel, mel-oʼtan, oqʼuel o te bin cʼux, como cʼaxix spisil te bintic ay ta nahil to.» (Apocalipsis 21:4, Scʼop Dios Tzeltal.)
¿BIN UTʼIL YA SKOLTAYOTIK TA SNAʼBEYEL TE SUJTIB TE JOJKʼOYELE?
Yame kilbeytik sit te kaʼteltike sok yame jmulantik spasel (Isaías 65:21-23).
Yame xlaj te jwokoltike sok te bayal ta chajp chamel te ya stsakotike (Isaías 25:8; 33:24).
Tseʼelnaxme koʼtantik ya xkuxinotik spisil ora sok te jayeb machʼatik ay kuʼuntike soknix te kamigotaktike (Salmo 37:11, 29).
¿YANIXBAL XJUʼ YA JCHʼUUNTIK-A TE BIN YA YAL TE BIBLIAE?
Yak, ay chaʼchajp te bin yuʼune:
-
Te Diose ayme yuʼel yuʼun ya skʼotes ta pasel te bin jamal yaloje. Ta Biblia, jaʼnax stukel te Dios ya yichʼ albeyel te Spisil ya xjuʼ yuʼune, melel maʼyuk slajibal te yuʼele (Apocalipsis 15:3). Jich yuʼun te kʼalal ya yal te ya slekubtes te Balumilale, ya xjuʼ ya jchʼuuntik te yuʼunanix jich ya xkʼot ta pasel yuʼun-ae. Jich bitʼil te ya yal te Bibliae: «Te Dios spisil ya xhuʼ yuʼun stuquel» (Mateo 19:26).
-
Te Diose yuʼunanix ya skʼan ya spas-a te bin jamal yaloje. Te Biblia ya yal ta swenta te Jehová te ya skʼan ya yakʼbeyxan skuxlejal te machʼatik lajemikixe (Job 14:14, 15).
Jaʼnix jich ya yal ta swenta te Jesús te sNichʼan te Diose, la slekubtes te jchameletike. ¿Bin yuʼun te jich la spase? Jaʼ yuʼun te jich la skʼan yoʼtane (Marcos 1:40, 41). Te bintik la spase jich la yakʼ ta ilel ta lek te bin ay ta yoʼtan euk te sTate te bitʼil ya skʼan ya skoltay te machʼatik ayik ta wokole (Juan 5:19).
Ta swenta ini, ya xjuʼ ya jchʼuuntik te yuʼunix ya skʼan-a te Jehová sok te Jesús te lekuk ay te jkuxlejaltik ta pajel chaʼbeje (Salmo 72:12-14; 145:16; 2 Pedro 3:9).
JOJKʼOYBEYA ABA
¿Bin utʼil ya xbajtʼ slekubtes Dios te Balumilale?
Yame atabey sujtib ta Biblia ta MATEO 6:9, 10 sok ta DANIEL 2:44.
Yaniwan amulan-euk sk'oponel ini
TE J-ILKʼINAL TA TOYOL
Te bin ya xkʼot ta pasel ta pajel chaʼbej
Akʼa smukʼulin awoʼtan te bin ya spas te Dios ta pajel chaʼbej ta swenta te Balumilal sok ta stojol te ants winiketike.
YANTIK TEMAETIK
Ya jmaliytik jun lekil kuxlejalil ta pajel chaʼbej
¿Bin yuʼun ma pajaluk te bin ya yal te Biblia sok te bin ya yalik te ants winiketik ta swenta te pajel chaʼbeje?
ESSENTIAL BIBLE TEACHINGS
¿Bin-a te Wentainel yuʼun te Diose?
Te kʼalal la schol skʼop Dios te Jesuse, jaʼ bayalxan la yalbey skʼoplal te Ajwalinel o Wentainel yuʼun te Diose. Te jnopojeletike, ayix bayal siglo te yakik ta skʼanel te yakuk xtalix te Wentainele.
TE J-ILKʼINAL TA TOYOL
¿Bin ya xbajt spas te Wentainel yuʼun te Diose?
Te Jesús snaʼoj te jaʼnax te Wentainel yuʼun Dios ya schajpan te kʼopetik te ay ta Balumilal. ¿Bin spasojix te Wentainel yuʼun Dios yuʼun ya kakʼ smukʼul koʼtantik ta stojol?
SWENTA JKʼOPLALTIK
Kʼana ulaʼtayel
Naʼbeya sujtib jun jojkʼoyel ta swenta Biblia o naʼbeyaxan skʼoplal te testigoetik yuʼun Jehová.
