KʼAYOJIL 115
Te Jehová ya snaʼ maliywanej
-
1. Te Dios Jehová ay bayal yuʼel,
ya spas te bin toj ta pasel.
Yilojix liʼ ta yeʼtal yok
te pʼolemix te bin chopol.
Maba yichʼoj tal te lajinel
ta skaj te yak ta maliywanej.
(ESTRIBILLO)
Jaʼ swentail ya kalbeytik
yutsil skʼoplal te Dios kuʼuntik.
-
2. Te jmil jaʼbil ta sit te Jehová
jich kʼoem bitʼil jun kʼajkʼal.
Nopol ya xlaj te bin chopol
ta skʼajkʼalel stsaoj te Dios.
Pero yato xjuʼ sujtes yoʼtan
te jmulawil te ya skʼan sujt tal.
(ESTRIBILLO)
Jaʼ swentail ya kalbeytik
yutsil skʼoplal te Dios kuʼuntik.
(Kʼoponaxan te Neh. 9:30; Luc. 15:7; 2 Ped. 3:8, 9).
