1. Te slekil yoʼtan Jehová Dios

ya xchiknaj jujun kʼajkʼal.

Spisil te stalel yuʼun Dios

jelawen te stʼujbilal.

Ya stupʼbey skʼoplal te jmultik,

manchukme maba snujpʼuk.

Ya kalbeytik wokol te Dios

te ya xjuʼ kichʼtik ta mukʼ.

2. Ya xchiknaj ta lum yuʼun Dios

te stalel yuʼun Jehová.

Ta swenta te scholel skʼop Dios

ya kiltik yutsil yoʼtan.

Bayal sit ya yakʼ te yaʼtel

te machʼa ya xnojpteswan.

Te espíritu yuʼun Dios

bayal ya skoltayotik.

3. Jaʼukme te jkʼulejaltik

spasel lekil aʼtelil.

Ya jkʼantik te lek ya yil Dios

spisil te bin ya jpastik.

Ta bayuknax, ta yutil na

sok tey ta congregación,

spisil-ora akʼa jpastik

lekil aʼteliletik.