KʼAYOJIL 139
Nopa awaʼiy te ayat ta achʼ balumilal
-
1. Ilawilik ta joyobal,
¡ayotikix ta Nichimal Kʼinal!
Te sbujtsʼ kʼinal ya kaʼiytik
ya yichʼxan yip ta jujun kʼajkʼal.
Maʼyuk machʼa ya x-utsʼinwan.
Te Dios ya yakʼ tal lamalkʼinal.
Spisil te machʼa kuxulik ta kʼinal
ya yichʼik ta mukʼ Dios
sok ya skʼayojtayik:
(ESTRIBILLO)
«Wokolawal, Dios, spisil te bin ay
achʼubenix ta swenta aNichʼan.
Kʼax jelawen te sbujtsʼ kʼinal ya kaʼiytik.
Ma xlaj koʼtantik ta yalel: ‹¡Wokolawal!›».
-
2. ¡Tey ayate! ¡Tey ayone!
Te Dios la spas jich bitʼil yaloje.
Maʼyuk xiwel, maʼyuk chamel,
kʼaxix bael spisil woklajel.
Ya xnain Dios ta koliltik,
te snailpakʼ ay ta jtojoltik.
Ya xchaʼkuxajik te machʼa chamenik,
ya sjokinotik ta
skʼayojtayel Jehová:
(ESTRIBILLO)
«Wokolawal, Dios, spisil te bin ay
achʼubenix ta swenta aNichʼan.
Kʼax jelawen te sbujtsʼ kʼinal ya kaʼiytik.
Ma xlaj koʼtantik ta yalel: ‹¡Wokolawal!›».
(Kʼoponaxan te Sal. 37:10, 11; Is. 65:17; Juan 5:28; 2 Ped. 3:13).
