1. Toyol ayat Kajwaltik Dios

maʼyuk machʼa ya spajat,

melel kʼax bayal awuʼel,

sok kʼax kʼuxon ta awoʼtan.

Kʼalal ya kil te chʼulchane

ya kil te awutsilal

sok te awip Kajwaltik Dios,

bayal te skʼuxul awoʼtan.

2. Te jkuxlejal, Kajwaltik Dios

ya kakʼbat ta atojol,

ya jpas te bin ya akʼanbon,

sok ya kal te awutsilal.

Ya yakʼbon stseʼelil koʼtan

spasel te awaʼtele.

Akʼbon te kip sok te jpʼijil

yuʼun jich ya kichʼat ta mukʼ.

3. Ya yakʼbon stseʼelil koʼtan

sok chamnax koʼtan yuʼun

te bintik apastiklanoj,

kʼax tʼujbil te yaʼtel akʼab.

Ya kalbat yutsil akʼoplal

yuʼun te apʼijile.

Wokolawal jTat Jehová Dios

yuʼun te skʼuxul awoʼtan.