KʼAYOJIL 19
Te Weʼel Uchʼel yuʼun Kajwaltik
-
1. Ta ajkʼabal ini, Jehová Dios,
ya jultestik ta koʼtantik
ta nameyto talel
la awakʼ ta ilel
te smukʼul skʼuxul awoʼtan.
Te lum Israel jil ta libre
ta swenta schʼichʼel tuminchij.
Kʼalal te aNichʼan
la yakʼ te skuxlejal,
la yakʼ jkoleltik ta jpisiltik.
-
2. Te pan sok te vino ta mesa
ya yakʼ sjultes ta koʼtantik
te kolel awakʼoj
kʼax toyol la atoj,
la smal schʼichʼel te aNichʼan.
Maba ya xchʼay ta koʼtantik, Dios,
te jayebto bin apasoj.
La awakʼ jkoleltik,
libre jilotikix
ta skʼab te mulil sok te lajel.
-
3. Kajwal, talotik ta atojol
ta yalel yutsil akʼoplal.
Bayal wokolawal
yuʼun te aNichʼan,
la yakʼbotik te jkoleltik.
Kʼax mukʼ majtanil akʼbilotik,
ya yakʼ bayal yip koʼtantik.
Ta jujun kʼajkʼal
ya jtʼuntik te aNichʼan,
jich ya xjuʼ jtatik jkuxlejaltik.
(Kʼoponaxan te Luc. 22:14-20; 1 Cor. 11:23-26).
