1. ¡Ilawil, kʼax toyol

te wits yuʼun te Jehová!

Toyol ay ta stojol

te yantikxan witsetik.

Kʼalalto ta namal

ya xtalik sok ya yalik:

«¡Laʼik, akʼa moukotik

ta wits yuʼun Dios!».

Julix te yorail,

mukʼubix te lum yuʼun te Dios.

Chikanix ta ilel

te yakʼoj bendición te Jehová.

Bayal millón ta tul

ya yichʼik ta mukʼ te Dios.

Jun-nax ya yakʼ sbaik

ta abatinel yuʼun.

 2. Cristo la yakʼ mantal

te ya skʼan jcholtik skʼop Dios.

¡Konik! Bayuk akʼa jpuktik

te lek yachʼil kʼop.

Kʼalalto ta chʼulchan

ya xwentainwan Jesús.

Akʼa taluk te machʼa ya skʼan

schʼunbey te skʼop.

Tseʼelnax koʼtantik,

yato x-ochik tal bayal ta tul.

Maba ya jkom jbatik,

ya jcholtik te skʼop Dios ta bayuk.

Kalbeytik yaʼiyik

machʼauk ya skʼan yaʼiy:

«¡Laʼik, moukotik ta chʼul wits

yuʼun te Dios!».