1. Tʼuna te be yuʼun Jehová

sok spekʼelil awoʼtan.

Akʼbeya te Dios spisil awokol

yuʼun ya xkujch awuʼun.

Ayuk ta awoʼtan te smantal,

ma xjowiyat bael.

Akʼa snitat bael Jehová

ta spasel te bin stojil.

2. Tʼuna te be yuʼun Jehová

sok sakukme awoʼtan.

Kʼalal yorail sujel ta mulil,

ya skoltayat lokʼel Dios.

Naʼame spisil te bin stojil

soknix bin smelelil,

jaʼme xanaʼulan bael,

jich ya sjokinat Jehová.

3. Tʼuna te be yuʼun Jehová

sok stseʼelil awoʼtan.

Ya yakʼbat bayal lekil majtanil,

ya xnoj awoʼtan yuʼun.

Tseʼelukme awoʼtan yuʼun,

ala ta kʼayojil.

Jamal ya xchiknaj ta ilel

te jaʼ yuʼunat Jehová.