1. Jaʼ yaʼtel skʼab te Jehová Dios

spisil te bintik ay.

La spas chʼulchan sok lumkʼinal,

jaʼ Mukʼul Jpaswanej.

Ta swenta te skʼuxul yoʼtan

la yakʼ jkuxlejaltik.

Jaʼ snujpʼ te ya yichʼ ichʼel ta mukʼ

sok albeyel yutsilal.

2. Kʼalal te Jesús la yichʼ jaʼ,

jich la yal ta jamal:

«Liʼ talemon ta atojol,

ya jpas awaʼtel, jTat».

Kʼalal lokʼ tal ta mukʼul jaʼ,

tsabil kʼot yuʼun Dios.

Jun yoʼtan la yakʼ sba ta spasel

te bin ya skʼan te sTate.

3. Jehová, talon ta atojol,

ya kakʼbat jkuxlejal.

Sok spisil te koʼtan ya kal:

«Ya jchʼuunbat akʼop».

Te aNichʼan, Jesucristo,

toyol la stoj jmultik.

Ma jpasix te bin ya skʼan koʼtan,

awuʼunonix, Jehová.