KʼAYOJIL 55
¡Lum kuʼun, mame xa axiʼ!
-
1. Yorail ya kakʼ jbatik ta scholel
te lek yachʼil kʼop.
Akʼa snaʼik spisilik
bin ya spas te Kajwaltik.
Te Jesús la schʼoj lokʼel
te mukʼul jkontrainwanej.
Nopolix ya yichʼ chukel,
makal ya xjil ta jmil jaʼbil.
(ESTRIBILLO)
Ma jxiʼtik te jkontrataktik,
ma xjuʼ te ya stsalotik.
Ma xchʼay ta sit te Jehová Dios
te yabat te jun yoʼtan.
-
2. Manchukme tsobol ya xtalik
yuʼun ya skontrainat,
manchukme ya slabanat,
tojol ya sbolkʼoptayat.
Lum kuʼun, mame xaxiʼ
teme ya yakʼat ta wokol.
Joʼon ya kakʼbat awip
yuʼun ya awaʼiy tsalaw.
(ESTRIBILLO)
Ma jxiʼtik te jkontrataktik,
ma xjuʼ te ya stsalotik.
Ma xchʼay ta sit te Jehová Dios
te yabat te jun yoʼtan.
-
3. Ma xakuy te chʼaybilat
ta oʼtanil, kantsil nichʼan.
Ya jtsakbat swaʼel akʼab.
Ta yeʼtal jxikʼ ya kakʼat.
Ma xaxiʼ te machʼatik
ya sleat yuʼun ya smilat.
Jkʼaxel ma xjuʼ ya skomon
yuʼun ya jchaʼkuxajtesat.
(ESTRIBILLO)
Ma jxiʼtik te jkontrataktik,
ma xjuʼ te ya stsalotik.
Ma xchʼay ta sit te Jehová Dios
te yabat te jun yoʼtan.
(Kʼoponaxan te Deut. 32:10; Neh. 4:14; Sal. 59:1; 83:2, 3).
