KʼAYOJIL 73
Akʼbotik yip koʼtantik
-
1. Kʼalal ya jcholtik akʼop, Dios,
ay tulan kontrainel.
Ilaybil te abiile,
jkʼaxel ma skʼan yaʼiyik.
Pero ma skʼan ya jxiʼtik,
jaʼat machʼa ya skʼan jchʼuntik.
Akʼbotik te yip koʼtantik, Dios,
yuʼun jich ya xkujch kuʼuntik.
(ESTRIBILLO)
Ya jkʼantik ta atojol, Dios,
te manchuk ya xiwotik
ta scholel te lek yachʼil kʼop
ta swolol Balumilal.
Nopolix te Armagedón,
mame xchʼay smukʼul koʼtantik.
Ya jkʼantik ta atojol, Dios,
yip koʼtantik.
-
2. Ya xchebaj te koʼtantik, Dios,
yorail tulan wokol.
Koltayawotik ta ora,
ma jkʼantik ya stsalotik.
Ilawil ya spʼajotik,
ya snutsotik, ya schukotik.
Koltayawotik ta spukelxan
te akʼop sok te abiil.
(ESTRIBILLO)
Ya jkʼantik ta atojol, Dios,
te manchuk ya xiwotik
ta scholel te lek yachʼil kʼop
ta swolol Balumilal.
Nopolix te Armagedón,
mame xchʼay smukʼul koʼtantik.
Ya jkʼantik ta atojol, Dios,
yip koʼtantik.
(Kʼoponaxan te 1 Tes. 2:2; Heb. 10:35).
