KʼAYOJIL 8
Te Dios jaʼ Mukʼul Anibal
(Salmo 91)
-
1. Mukʼul Anibal te Dios,
ya smukʼulin koʼtan.
Ta yeʼtal xikʼ ya jnakʼ jba,
jaʼ Mukʼul Majkilal.
Ya skanantay spisil machʼa
ya yakʼ sbaik ta yaxinal.
Toyol Tsʼajkʼ te Jehová Dios
yuʼun te machʼa jun yoʼtan.
-
2. Ta jtsʼeel yame xlajik
bayal millón ta tul.
Dios ya yakʼon ta libre
ta skʼab te lajele.
Maba ya jxiʼ te bin chopol,
maba ya xnoptsaj ta jtojol.
Ayon ta skʼab Jehová Dios,
ya skanantaybon jkuxlejal.
-
3. Ma jxiʼ te ijkʼal kʼinal,
maba jtukel ayon.
Ma jxiʼ te aʼtejibal
yuʼun te jkontratak.
Ya xnailaj kuʼun te Dios
sok ta jpat ya skanantayon.
Mukʼul Anibal te Dios,
jaʼme smukʼulinej koʼtan.
(Kʼoponaxan te Sal. 97:10; 121:3, 5; Is. 52:12).