Nopolix ya xkʼot ta pasel
Pasa deskargar:
1. Ya xlokʼ tal kʼajkʼal ta sba wits,
kʼepelnax te kʼinale.
Yachʼilix spisil bintik ay,
xkuxetnax kʼinal ya kaʼiytik.
Yame kiltik yan buelta
machʼa lajem kuʼuntik.
Te bintik la jmaliytik
spisil kʼotix ta pasel.
2. Yakalik spasel tʼujbil na
ta stsʼeel te mukʼul jaʼ.
Te kʼinal bayal ya yakʼ sit,
chʼalbil ta tʼujbil nichimetik.
Jaʼ yorail te kʼajoj,
akʼa jtsobtik tal te sit.
Yakotik ta smulanel
te bin yaloj Jehová Dios.
(PUENTE)
Jujun kʼajkʼal ya kikʼtik tal
te machʼatik jkʼanojtike.
Maʼyuk okʼel, maʼyuk chamel,
achʼubenix te kuxlejal.
3. Bayuknax tseʼel yoʼtanik,
te stseʼej ya xpujk ta ikʼ.
Kʼax tʼujbil spisil bintik ay,
ya yakʼ sbujtsʼ kʼinal ya kaʼiytik,
akʼa kalbeytik wokol Dios
yuʼun te bin spasoje.
Te bintik la jmaliytik
la yakʼ kʼotuk ta pasel.
(PUENTE)
Tseʼel koʼtan ya jchaʼkilat.
Bayalix kʼajkʼal la jnaʼat.
Liʼ ayate, ayat ta jtsʼel,
kʼax jelawen yutsil koʼtan.
4. Nopolix ya kiltik
te yachʼil balumilal.
Smelelil ya xkʼot ta pasel,
jaʼ te bin jamal yaloj Jehová.
Maba ya xchebaj koʼtantik,
ya jchʼuntik te bin ya xtal.
Te bintik ya jmaliytik
nopolix ya xkʼot ta pasel.
