ARTIKULO YUʼUN ESTUDIO 42
¿Bin-utʼil ya skoltayotik te Jehová ta spasel te skʼanojel yoʼtane?
«Te Dios [...] ya yacʼ te yac acʼanic soc te yac apasic te bin lec ya scʼan yoʼtan stuquel» (FILIP. 2:13).
KʼAYOJIL sjj-S 104 El espíritu santo es un regalo de Dios
¿BIN YA KILBEYTIK SKʼOPLAL? *
1. ¿Bin ya xjuʼ ya spas te Jehová swenta ya xkʼot ta pasel yuʼun te skʼanojel yoʼtane?
TE Jehová ya xjuʼ ya spas te bin ya skʼan swenta ya xkʼot ta pasel yuʼun te skʼanojel yoʼtane. Ya xkʼot ta jpʼijubteswanej, tatil te ya yakʼ mukʼul kʼinal sok te ya yal kaʼiytik te lek yachʼil kʼope (Is. 48:17; 2 Cor. 7:6; Gál. 3:8). Manchukme jich ya spas, jteb ma spisiluk-ora ya stuuntes ants winiketik yuʼun ya spas te skʼanojel yoʼtane (Mat. 24:14; 28:19, 20; 2 Cor. 1:3, 4). Ya xjuʼ ya yakʼbotik jpʼijiltik sok kiptik swenta ya stuuntesotik ta spasel te skʼanojel yoʼtane. Spisil ini, jaʼ te bin ya skʼan ya yal te sbiil te Jehovae, jich bitʼil ya yalik te machʼatik ya snopbeyik skʼoplal te Bibliae.
2. 1) ¿Bin yuʼun ay maba yak stuuntesbelotik ya kaʼiytik te Jehovae? 2) ¿Bin ya kiltik ta artikulo ini?
2 Jpisiltik ya jkʼantik te ya stuuntesotik te Jehovae, pero ayniwan machʼatik ya yaʼiyik te ma yakik ta tuuntesele. ¿Bin yuʼun? Jaʼniwan ya xmakotik ya yaʼiyik te yaʼbilalik, te bin yak ta kʼaxel ta skuxlejalik o te maʼyuk bin ya snaʼik spasele. Ay yantik te tikʼ ya yaʼiyik-a te bin yakik ta spasele, jich yuʼun ma spasik tulan ta yakʼbeyelxan yipal. Ta artikulo ini, ya kiltik bin-utʼil ya xjuʼ ya spʼijubtesotik te Jehová swenta ya jpasbeytik te skʼanojel yoʼtane. Jaʼnix jich ya kiltik ejemploetik yuʼun winiketik sok antsetik ta namey kʼinal te tijbot yoʼtanik sok akʼbot yipik yuʼun Jehová
ta spasel te skʼanojel yoʼtane. Sok ya kiltik bin ya xjuʼ ya jpastik yuʼun ya stuuntesotik te Jehovae.¿BIN-UTʼIL YA SPʼIJUBTESOTIK TE JEHOVÁ?
3. Jich bitʼil ya yal ta Filipenses 2:13, ¿bin-utʼil ya stij koʼtantik te Jehová ta spasel te yaʼtele?
3 (Kʼopona Filipenses 2:13). * Te Jehová ya xjuʼ ya stij koʼtantik ta spasel te yaʼtele. ¿Bin-utʼil? Ayniwan ya kaʼiytik te ay bin ya skʼan pasel ta jkongregasiontik o te ansianoetik ya skʼoponik jun karta te talem ta sukursal te ay banti ya skʼanik koltayel ta yan lugar. Jaʼ yuʼun laniwan jnoptik bin ya xjuʼ ya jpastik swenta ya xkoltaywanotik. O ayniwan la kichʼtik akʼbeyel jun tulan aʼtelil te ma xjuʼ kuʼuntik spasel ya kaʼiytike. Jaʼnix jich, kʼalal ya jkʼopontik jun bersikulo ta Biblia yaniwan jnoptik bin-utʼil ya jtuuntestik ta skoltayel te yantike. Te Jehová maʼyuk bin ya sujotik ta spasel. Pero teme ya yil te ya jkʼantike, ya stij koʼtantik ta spasel.
4. ¿Bin-utʼil ya xjuʼ ya yakʼ kiptik te Jehová ta spasel te yaʼtele?
4 Te Jehová ya yakʼ kiptik ta spasel te yaʼtele (Is. 40:29). Ta swenta te schʼul espiritu ya xjuʼ ya skoltayotik ta slekubteselxan te bin ya jnaʼtik spasele (Éx. 35:30-35). Jaʼnix jich ta swenta te organisasion yuʼun ya xjuʼ ya snojptesotik ta spasel chaʼoxchajp aʼtel. Teme ay ma jnaʼtik spasel jun aʼtel, jkʼanbeytik koltayel te yantike. Jaʼnix jich akʼa jkʼanbeytik sok spisil koʼtantik te jTatik Jehová te yakuk skoltayotike (2 Cor. 4:7; Luc. 11:13). Ta Biblia ya jtatik ejemploetik yuʼun winiketik sok antsetik te la yichʼik tijbeyel yoʼtanik sok te akʼbot yipik yuʼun Jehová ta spasbeyel te skʼanojel yoʼtane. Kiltik cheʼoxebuk ejemplo sok jnoptik bin-utʼil ya xjuʼ ya stuuntesotik-euk te Jehovae.
TE BIN JUʼ YUʼUNIK SPASEL CHAʼOXTUL WINIKETIK
5. ¿Bin ya yakʼ jnoptik ta swenta te bin-ora sok te bin-utʼil tuuntesot yuʼun Jehová te Moisés swenta ya yakʼ ta libre te lum yuʼune?
5 Te Jehová la stuuntes te Moisés swenta ya yakʼ ta libre te israeletik. Pero, ¿bin-ora tuuntesot yuʼun Jehová te Moisese? ¿Jaʼbal te kʼalal chapalix la yaʼiy sba-a te Moisés ta skaj te la snopbey «spʼijilic te egipciohetic»? (Hech. 7:22-25). Maʼuk, jaʼto tuuntesot yuʼun Jehová te kʼalal la yakʼ ta ilel manso-oʼtanil sok pekʼel-oʼtanil (Hech. 7:30, 34-36). La yakʼbey yip yoʼtan swenta maba ya xiw ta kʼop ta stojol te mukʼul ajwalil ta Egipto (Éx. 9:13-19). ¿Bin ya yakʼ jnoptik ta swenta te bin-ora sok te bin-utʼil tuuntesot yuʼun Jehová te Moisese? Te Jehová jaʼ ya stuuntes te machʼa ya yakʼ ta ilel lekil talelil sok te ya smukʼulin yoʼtanik te koltayel yuʼune (2 Cor. 4:7).
6. ¿Bin ya yakʼ jnoptik te bin-utʼil tuuntesot yuʼun Jehová te Barzilai ta skoltayel te ajwalil Davide?
6 Bayal jaʼbil ta patil, te Jehová la stuuntes te Barzilai ta skoltayel te ajwalil David. Kʼalal te ajwalil sok te swiniktak yakik ta anel ta stojol te Absalón te jaʼ snichʼan te Davide, kʼax lujbenik-a, ay swiʼnalik sok takin yoʼtanik-a. Manchukme mamalix-a te Barzilai, la slokʼes sba ta yoʼtan sok yantik sjoʼtak swenta ya xkoltaywanik. Maba la snop te ma xtuuntesot yuʼun Jehová ta skaj te ayix yaʼbilale. La yakʼ ta ilel slekil yoʼtan sok la stuuntes te bintik ay yuʼun ta skoltayel te j-abatetik yuʼun Dios te yak ta kʼaxel swokolike (2 Sam. 17:27-29). ¿Bin ya yakʼ jnoptik? Chikan jayeb kaʼbilaltik, te Jehová ya xjuʼ ya stuuntesotik ta skoltayel te ermanoetik te ya xkʼax swokolike (Prov. 3:27, 28; 19:17). Manchukme ma xjuʼ xbootik te banti ayike, ya xjuʼ ya kakʼtik majtanil takʼin ta obra mundial yuʼun ya yichʼ akʼel koltayel chikan bin-ora sok chikan banti (2 Cor. 8:14, 15; 9:11).
7. 1) ¿Bin-utʼil tuuntesot yuʼun Jehová te Simeón? 2) ¿Bin yuʼun ya stij koʼtantik?
Luc. 2:25-35). Manchukme te Simeón maniwan la yilix te aʼtelil la spas te Jesuse, la yalbey wokol Dios yuʼun te lato yile. Te winik ini te jun yoʼtane, bayalme lekilal ya sta kʼalal ya yil ta achʼ balumilal te bayal familiaetik ya staik bendision yuʼun te wentainel yuʼun te Jesuse (Gén. 22:18). Jaʼnix jich te joʼotik ya xjuʼ ya kalbeytik wokol te Jehová ta swenta te aʼtelil yakʼojbotike.
7 Jtul winik te ay ta Jerusalén te ayix yaʼbilal te Simeón sbiil, albot ta jamal yuʼun Jehová te yato yil te ya xjul te Mesiase. Te bin albot yuʼun te Jehová bayal akʼbot smukʼul yoʼtan yuʼun, melel bayal jaʼbil la smaliy te Mesiase. Te Jehová la yakʼbey bendision yuʼun te schʼuunel yoʼtan sok te jun yoʼtan la smaliye. Ta jun buelta, te Simeón «tijbot yoʼtan yuʼun te Espíritu» yuʼun ya xbajt ta templo swenta tey ya yil-a te Jesuse. Te Simeón tuuntesot yuʼun Jehová swenta ya yal jun albilkʼop ta stojol te alal, te jaʼ Cristo ya xkʼote (8. ¿Bintik-utʼil ya xjuʼ ya stuuntesotik te Jehová?
8 Ta sbabial siglo, ay jtul winik te José sbiil te la yakʼ sba ta abatinel ta stojol te Jehovae (Hech. 4:36, 37). Te jpuk-kʼopetik la yakʼbeyik sbiilin Bernabé te ya skʼan ya yal, snichʼan «Jmucʼubtesej-qʼuinal», jaʼniwan yuʼun te ya snaʼ smukʼubtesbeyel kʼinal yaʼiyik te yantike. Kʼalal och ta jchʼuunjel te Saulo, bayal ermanoetik la sxiʼik sjokinel, melel la skontrain te kongregasionetik. Pero te Bernabé la yakʼbey koltayel. Ta melel, te Saulo bayal la yalbey wokol te Bernabé yuʼun te slekil yoʼtane (Hech. 9:21, 26-28). Ta patil, te ansianoetik ta Jerusalén la yaʼiyik te ya skʼan mukʼubtesbeyel yoʼtanik te jchʼuunjeletik ta Antioquía yuʼun Siria. ¿Machʼa la stikunik bael? Jaʼ te Bernabé. Kʼax lek te jaʼ la stikunik baele, melel la stijbey yoʼtan te ermanoetik te junuk yoʼtan ya yakʼ sbaik ta stojol te Kajwaltike (Hech. 11:22-24). Ta kʼajkʼal ini, te Jehová ya xjuʼ ya stuuntesotik ta smukʼubtesbeyel kʼinal yaʼiyik te ermanoetik kʼalal ay machʼa ya xlaj yuʼunik. O ayniwan ya stij koʼtantik ta yulaʼtayel o skʼoponel ta telefono te machʼa ay ta chamel o mel-oʼtan swenta ay bin ya kalbeytik te ya xmukʼubtesbot kʼinal yaʼiye. ¿Yabal kakʼ stuuntesotik te Jehová jich bitʼil te Bernabé? (1 Tes. 5:14).
9. ¿Bin ya yakʼ jnoptik te bin-utʼil la yichʼ koltayel yuʼun Jehová te ermano Vasily?
9 Te Jehová la skoltay jtul ermano te Vasily sbiil swenta lekil ansiano ya xkʼot. La yichʼ akʼbeyel yaʼtel ta ansiano te kʼalal 26 yaʼbilal-ae, pero jich la yaʼiy te ma xjuʼ yuʼun skoltayel te ermanoetik ta kongregasion kʼaxemto-a te machʼatik ay swokolike. Pero la yichʼ koltayel yuʼun te ansianoetik te bayalix eksperiensia yuʼunike, te binxan koltayot yuʼun jaʼ te Eskuela yuʼun Ministerio del Reino. La spas tulan ta slekubtesel te yaʼtele. La spas jun lista te bin-utʼil lek ya xjuʼ ya spas te yaʼtel. Kʼalal juʼ yuʼun spasel ta jujunchajp, kʼunkʼun chʼay bael te xiwele. Jich ya yal: «Te bin ya jxiʼ spasel ta nailale, ya yakʼbonix stseʼelil koʼtan ta ora ini. Kʼalal ya skoltayon te Jehová ta sleel jun teksto ta yakʼbeyel smukʼul kʼinal yaʼiy jtul ermano o ermana, ya yakʼbon bayal stseʼelil koʼtan». Kermanotak, teme jich ya apasik te bitʼil te ermano Vasily sok teme jun awoʼtan ya awakʼ stuuntesex te Jehová, yame spʼijubtesex ta spaselxan yantik aʼtelil ta kongregasion.
TE BIN JUʼ YUʼUNIK SPASEL CHAʼOXTUL ANTSETIK
10. 1) ¿Bin la spas te Abigail? 2) ¿Bin ya yakʼ jnoptik te ejemplo yuʼune?
10 Kʼalal la yichʼ nutsel yuʼun te ajwalil Saúl te David sok te winiketik jokinbil yuʼune, la skʼanik koltayel. Ta jun buelta, te winiketik te sjokinejik te David bajt skʼanbeyik jtebuk weʼelil jtul jkʼulej winik te Nabal sbiile. Jich la spasik, melel la skanantaybeyik te tuminchijetik 1 Sam. 25:3-13, 22). Jaʼukmeto, te tʼujbil ants Abigail te yinam Nabal, la yakʼ ta ilel spʼijil sok yip yoʼtan, jaʼ yuʼun bajt smak ta be te Davide, la skejan sba ta stojol sok la yalbey te manchuk ya smil te Nabal sok te manchuk ya smulin smalel chʼichʼe. La yalbey sok slekil yoʼtan te yakuk yakʼbey ta skʼab Jehová te kʼope. Te bin la yal sok spekʼelil yoʼtan sok te bin la spas te Abigail, tijbot yoʼtan yuʼun te David sok kʼot ta yoʼtan te jaʼ tikunbil tal yuʼun te Jehovae (1 Sam. 25:23-28, 32-34). Te Abigail la yakʼ ta ilel lekil taleliletik, jaʼ yuʼun tuuntesot yuʼun te Jehovae. Jaʼnix jich ta kʼajkʼal ini, te Jehová ya stuuntes ermanaetik te ay spʼijilik sok te ay slekil yoʼtanik swenta ya yakʼbeyik yip yoʼtan te sfamiliaik sok te kongregasione (Prov. 24:3; Tito 2:3-5).
yuʼun ta jochol takin kʼinal. Pero te Nabal bayal stʼutʼil yoʼtan, jaʼ yuʼun maʼyuk bin la yakʼbey. Bayal ilin yuʼun te Davide, jich yuʼun la snop te ya xbajt smil te Nabal soknix te machʼatik ay ta snae (11. 1) ¿Bin la spasik te yantsil nichʼnab Salum? 2) ¿Machʼatik ya skʼayinbeyik stalel ta kʼajkʼal ini?
11 Bayal jaʼbil ta patil, te yantsil nichʼnab Salum la yichʼik tuuntesel yuʼun Jehová ta schaʼpasel te tsʼajkʼetik yuʼun Jerusalén (Neh. 2:20; 3:12). Manchukme jaʼ ajwalil te Salum, te yantsil nichʼnabe jun yoʼtan koltaywanik ta spasel te aʼtelil-abi manchukme wokol ta pasel (Neh. 4:15-18). Ma jichuk stalelik te bitʼil te winiketik ta Tecoa te yichʼoj mukʼ yaʼtelik te ma la skʼan koltaywanik ta aʼtele (Neh. 3:5). Nopanax awaʼiy te jayebto akʼbot stseʼelil yoʼtanik kʼalal ta cincuenta y dosnax kʼajkʼal juʼ yuʼunik spasel te aʼtelile (Neh. 6:15). Ta kʼajkʼal ini ay bayal ermanaetik te ya smulanik koltaywanej ta konstruksion sok ta mantenimiento yuʼun te naetik te akʼbil ta stojol te Jehovae. Swenta lek ya xlokʼ te aʼtel, jaʼnix jich ya xtuun te spʼijilik, sbujtsʼ yoʼtanik sok te jun yoʼtan ya spasik te aʼtelile.
12. ¿Bin-utʼil ya xjuʼ ya stuuntesotik te Jehová jich bitʼil te Tabitae?
12 Te Jehová la stijbey yoʼtan te Tabita ta spasel bayal lekil aʼtelil sok ta skoltayel te machʼatik ay swokolik jich bitʼil te meʼba antsetike (Hech. 9:36). Ta swenta te kʼax lek yoʼtan sok te bayal yutsil yoʼtane, te kʼalal laje bayal machʼa okʼik yuʼun. Pero bayal akʼbot stseʼelil yoʼtanik kʼalal la schaʼkuxajtes te Pedroe (Hech. 9:39-41). ¿Bin ya yakʼ jnoptik te bin la spas te Tabitae? Chikan teme jchʼielotik o ayix kaʼbilaltik, jpisiltik ay bin ya xjuʼ ya jpastik yuʼun ya jkoltaytik te kermanotaktike (Heb. 13:16).
13. ¿Bin-utʼil tuuntesot yuʼun Jehová jtul ermana manchukme ya xiw ta kʼop, sok bin la yal ta patil?
13 Jtul ermana te Ruth sbiil, snopoj ta yoʼtan-a te ya x-och ta misionera te kʼalal chʼinto-ae manchukme ya xiw ta kʼop. Animalnax ya xkʼax ta nanatik ta spukel tratadoetik. Jich ya yal: «Kʼaxto ya jmulan-a te jich ya jpase». Pero ya xiw ta yalbeyel skʼoplal ta nanatik te lek yachʼil kʼop yuʼun te Wentainele. Manchukme jich-abi, te Ruth och ta prekursora regular te kʼalal 18 yaʼbilal-ae. Ta 1946, bajt ta Eskuela yuʼun Galaad sok abatin ta Hawái sok ta Japón. Tuuntesot yuʼun Jehová ta yalbeyel te lek yachʼil kʼop bayal ants winiketik ta lugaretik-abi. Te bitʼil jteb ma sta ochenta jaʼbil yakix ta scholel te skʼop Diose, jich ya yal: «Jaʼ yakʼojbon kip te Jehová. Skoltayejon ta stsalel te ya xiwon ta kʼope. Schʼuunej koʼtan ta lek te ya stuuntes Jehová te machʼatik ya yakʼ smukʼul yoʼtanik ta stojole».
¿BIN YA XJUʼ YA JPASTIK SWENTA YA STUUNTESOTIK TE JEHOVÁ?
14. Jich bitʼil ya yal Colosenses 1:29, ¿bin ya skʼan ya jpastik yuʼun ya stuuntesotik te Jehová?
14 Te jayebix jaʼbil kʼaxem tale, te Jehová bayal bin-utʼil stuuntesoj te j-abatetik yuʼune. Jaxan te joʼotike, ¿bin-utʼil ya stuuntesotik Colosenses 1:29). Teme ya jpastik sok spisil koʼtantike, te Jehová ya xjuʼ ya yakʼ te ya jcholtik sok sbujtsʼ koʼtantik te skʼope, te lekil jpʼijubteswanej ya xkʼootik, te ya jnaʼtik smukʼubtesbeyel kʼinal yaʼiy te yantike, te ya jnaʼtik spasel ta lek te kaʼteltike, te lekil amigo ya xkʼootik o te ya jpastik yantikxan aʼteliletik swenta ya skʼotes ta pasel te bin ya skʼan yoʼtane.
te Jehovae? Jaʼ chikan teme bayal ya jpastik tulan ta spasbeyel te yaʼtele (kʼopona15. Jich bitʼil ya yal ta 1 Timoteo 4:12, 15, ¿bin ya xjuʼ ya skʼanbeyik Jehová te jchʼieletike?
15 Teme jchʼiel keremate, bayalme aʼtel ya xjuʼ ya apas te bitʼil ayto lek awipe, ya xjuʼ ya x-ochat ta sierbo ministerial. Ay bayal kongregasionetik te banti jaʼ bayalik te ansianoetik te bitʼil sierbo ministerialetik. ¿Aybal anopoj te ya akʼan ya apas yantikxan aʼtel ta kongregasion? Ay chaʼoxtul ermanoetik jich ya yalik: «Lek ya kaʼiy jba te bitʼil jaʼnax publikadorone». Teme jich ya awaʼiy abae, kʼanbeya Jehová te yakuk stijbat awoʼtan swenta ya x-ochat ta sierbo ministerial sok te yakuk yakʼbat awip ta spasbeyel te yaʼtel chikan bantito kʼalal ya xjuʼ awuʼune (Ecl. 12:1). Ya jkʼantik te yakuk xkoltaywanate (kʼopona 1 Timoteo 4:12, 15).
16. ¿Bin ya skʼan ya jkʼanbeytik te Jehová, sok bin yuʼun?
16 Te Jehová ya xjuʼ ya spas ta jtojoltik te bin ya skʼan swenta ya xkʼot ta pasel te skʼanojel yoʼtane. Jaʼ yuʼun, akʼa jkʼanbeytik te yakuk stij koʼtantik ta spasbeyel te yaʼtel sok jkʼanbeytik kiptik yuʼun ya xjuʼ kuʼuntik spasel. Chikan teme jchʼielotik o ayix kaʼbilaltik, akʼa kakʼtik te jtiempotik, kiptik, te bin ya jnaʼtik spasel sok te bintik ay kuʼuntik ta yichʼel ta mukʼ te Jehová (Ecl. 9:10). Akʼa jpastik tulan te bantito kʼalal ya xjuʼ kuʼuntik ta spasbeyel te yaʼtel sok mame jaʼuk ya smakotik te xiwel o te ma xjuʼ kuʼuntik spasel ya kaʼiytike. Chikan teme bayal o jtebnax ya xjuʼ kuʼuntik spasel, jaʼ jun mukʼul majtanil te ya xjuʼ ya kichʼtik ta mukʼ te Jehová, melel jaʼnax stukel ya skʼan ichʼel ta mukʼ.
KʼAYOJIL sjj-S 127 La clase de persona que debo ser
^ parr. 5 ¿Yabal jmulantik spaselxan aʼtelil ta stojol te Jehová? ¿Aybal jnopojtik teme yato stuuntesotik te Jehovae? ¿O yabal jnoptik te maba puersa ya x-abatinotik ta stojol jich bitʼil ya skʼan yoʼtane? Ta artikulo ini yame kiltik bin-utʼil te Jehová ya yakʼ kiptik sok ya yakʼ ta koʼtantik yuʼun ya xjuʼ ya jpasbeytik te skʼanojel yoʼtane.
^ parr. 3 Te karta la stikun te Pablo ta stojol te jchʼuunjeletik ta sbabial siglo, jaʼnix jich ya skoltay spisil te j-abatetik yuʼun Jehovae.