Yame xjuʼ ya awichʼ bendisionetik ta sbajtelkʼinal ta stojol te Dios yuʼun kʼuxul oʼtanil
¿Yabal amulan ya xkuxinat ta jun Balumilal te banti maʼyuk guerraetik, utsʼinel sok tenel?
¿Yabal akʼan te ya xlaj skʼoplal te chamel, te wokolil sok te lajele?
¿Yabal akʼan te ya xlaj skʼoplal te bintik yak amel awoʼtan yuʼune?
¿Aybal anopoj te maʼyukix bin-ora ya xiwat ta skaj te ya xkʼax te bintik ya xjinawan jilele?
Spisil ini yame xkʼot ta pasel. Melel te Jpaswanej yuʼun te tʼujbil Balumilal ini, jaʼ jtul Dios te ay skʼuxul yoʼtane, sok yalojbotik te ya xjuʼ xkuxinotik sok stseʼelil koʼtantik sok lamal kʼinal ta sbajtelkʼinal.
Te yantik artikuloetik ya atabey sujtib te jojkʼoyeletik ini:
¿Bin yaʼiyel ya yaʼiy sba ta jtojoltik te Jpaswanej kuʼuntike?
¿Bin ya snojptesotik te sKʼop te Diose?
Ta swenta te bintik la sjap te Dios ta stojol te ants winiketik, ¿bin la yalbeyik skʼoplal te j-alwanejetike?
¿Bin-utʼil ya skoltayotik te Dios ta stael stseʼelil koʼtantik ta ora ini sok ta pajel chaʼbej?
Nail akʼa kilbeytik skʼoplal te yuʼun-nix kʼuxotik ta yoʼtan-a te Jpaswanej kuʼuntike.
