Bayal ants winiketik ta swolol Balumilal maʼyuk sweʼelik sok maʼyuk snaik. Ay machʼatik te jaʼnax ya skʼan smukʼul yoʼtanik. ¿Bin-utʼil ya xjuʼ ya jkoltaytik te yantik yuʼun jich ya yakʼbotik bendision-a te Diose?

«Te machʼa ay bin ya yaʼbe te pobre, ha ya yaʼbe smajan Jehová cʼohem; ha ya suht ta stojol te bin lec spasoje» (PROVERBIOS 19:17).

Te Jesús la scholbey skʼoplal jun istoria ta swenta jtul winik te la yichʼ utsʼinel yuʼun j-elekʼetik te jich yilel te chamenix la yijkitayike (Lucas 10:29-37). Jtul winik te lek yoʼtane la skoltay manchukme yan slumal-a.

Te lekil winik ini ma jaʼuknax la spoxtay sok te la slajin stakʼin yuʼune, jaʼnix jich la skoltay yuʼun ya xkʼax-a te yejchene.

¿Bin ya yakʼ jnoptik te istoria ini? Te bin la yak ta nopel te Jesuse, jaʼ te ya skʼan ya jkoltaytik te yantik chikan ban kʼalal ya xjuʼ kuʼuntik (Proverbios 14:31). Te sKʼop Dios ya yal te nopolix ya xlaj skʼoplal te pobreil sok te wokolile. Pero ¿bin-utʼil sok bin-ora ya xbajt slajin te Diose? Ta yan artikulo ya yalbey skʼoplal ta swenta te bintik bendision schajpanoj ta atojol te Jpaswanej kuʼuntike.