¡Ya xbajt lajuk skʼoplal te pʼajaw!
Manchukme ya xjuʼ ya jlokʼes ta koʼtantik te pʼajaw, maba ya xjuʼ ya kalbeytik te yantik ants winiketik te bin ya skʼan ya spasik sok te bin ya snopike. Te bitʼil bayal ants winiketik ya xkʼax swokolik ta skaj te pʼajel, ¿machʼanax ya xjuʼ ya slajinbey skʼoplal te pʼajawe?
Te Biblia ya yal te jaʼnax te Jehová ya xjuʼ ya slajinbey skʼoplal te pʼajawe (Proverbios 20:22).
TE DIOS YA XBAJT SLAJIN TE BINTIK YA YAKʼ TE PʼAJAW
-
1. TE SATANÁS. Te pukuj, te chʼul-abat te la stoy sba ta stojol te Dios jaʼ smul te bitʼil ay te pʼajawe. Te Dios ya xbajt slajin te Satanás sok spisil te machʼatik ya yaʼiyik pʼajawe (Salmo 37:38; Romanos 16:20).
-
2. TE BALUMILAL TE SWENTAINEJ TE PUKUJ. Te Dios ya xbajt slajin spisil te machʼatik ya yakʼ ayinuk te pʼajaw, jich bitʼil te politicoetik sok te jwolwanejetik yuʼun te religión te ya xpʼajawanik. Jaʼnix jich ya xbajt slajin spisil te jchonbajeletik te ya sloʼlay te ants winiketike (2 Pedro 3:13).
-
3. TE BITʼIL JMULAWILOTIK. Te Biblia ya yal te jpisiltik jmulawilotik, jaʼ yuʼun ya jnoptik sok ya jpastik te bin ma lekuke (Romanos 5:12). Ta skaj te jmulawilotik ya kaʼiytik pʼajaw. Pero ta swenta te koltayel yuʼun te Dios, yame xbajt lajuk skʼoplal te bitʼil jmulawilotik sok maʼyukix bin-ora ya xpʼajawanotik (Isaías 54:13).
TE BIBLIA YA YAL TE YA XKUXINOTIK TA JUN BALUMILAL TE BANTI MAʼYUKIX PʼAJAW
-
1. YA XLAJ SKʼOPLAL TE BIN MA STOJILUK TA PASEL. Te Wentainel yuʼun te Dios ya xbajt swentain ta sbajtelkʼinal te balumilal (Daniel 2:44). Ya xlaj skʼoplal te pʼajaw sok te utsʼinel, te Dios ya xbajt slajinbey swokol spisil te machʼatik ya xkʼax swokolik ta ora ini (Lucas 18:7).
-
2. YA XBAJT KUXINUKOTIK SOK LAMALKʼINAL. Maʼyukix machʼa ya xkʼax swokol ta skaj te guerraetik sok te utsʼinwanej (Salmo 46:9). Ta Balumilal jaʼnax ya xbajt kuxinukik te ants winiketik te ya smulanik te lamalkʼinal (Salmo 72:7).
-
3. JPISILTIK LEK YA XBAJT KUXINUKOTIK. Spisil te ants winiketik ya xbajt yakʼbey sba yilik skʼuxul yoʼtanik (Mateo 22:39). Maba ya xbajt yakʼix jwokoltik te bin maba lek ya jnoptik o te bin maba lek kʼax ta jtojoltike (Isaías 65:17). Kʼalal maʼyukix-a te pʼajaw, te ants winiketik «ya me smulanic bayel lamal qʼuinal» (Salmo 37:11).
¿Yabal amulan te ya xkuxinat ta jun Balumilal jich bitʼil ini? Ta ora ini, bayal millón ta tul ants winiketik ta swolol Balumilal, te jaʼik te testigoetik yuʼun Jehová, yak stsalbelik te pʼajawe. ¿Bin-utʼil ya spasik? Jaʼ te kʼalal ya spas ta skuxlejalik te bin ya yal te Biblia (Salmo 37:8). Manchukme yanyantik stsʼumbalik sok slumalik, jich ya yil sbaik bitʼil jun familia te kʼux ya yaʼiy sbaike (Isaías 2:2-4).
Te testigoetik yuʼun Jehová sok stseʼelil yoʼtanik ya xjuʼ ya yakʼbat anop te bin snopojik ta swenta te sitintayel te bin ma stojiluk ta pasel sok te utsʼinele. Te bin ya anop ya xbajt skoltayat ta yijkitayel te pʼajaw sok ta schʼitesel te kʼuxul oʼtanil. Sok ya xbajt anop bin-utʼil lek ya awil aba sok te yantik, manchukme ya spʼajat. Teme jich ya apase, tseʼel awoʼtan ya awaʼiy aba ta ora ini sok lek ya awil aba sok te yantike. Te bin mukʼxan skʼoplale, jaʼ te ya xbajt anaʼ bin ya skʼan ya apas yuʼun ya awaʼiybey yutsilal te kuxlejal kʼalal te Dios ya slajin ta sbajtelkʼinal te pʼajawe (Salmo 37:29).
Yaniwan amulan-euk sk'oponel ini
TE J-ILKʼINAL TA TOYOL
¿Bin ya xbajt spas te Wentainel yuʼun te Diose?
Te Jesús snaʼoj te jaʼnax te Wentainel yuʼun Dios ya schajpan te kʼopetik te ay ta Balumilal. ¿Bin spasojix te Wentainel yuʼun Dios yuʼun ya kakʼ smukʼul koʼtantik ta stojol?
JOJKʼOYELETIK TA SWENTA TE BIBLIA
¿Banti ya jtatik smukʼul koʼtantik?
Te Biblia ya xjuʼ ya slekubtesbat te akuxlejal ta ora ini sok ya yakʼbat smukʼul awoʼtan.
¡WIKʼAME ASIT!
Pʼajaw: Te spoxil
¿Bin chanchajp ya xbajt spas te Wentainel yuʼun Dios yuʼun ya slajin te pʼajawe?
