¡Ya xjuʼ ya jtsaltik te pʼajaw!
¿Aybal awichʼoj pʼajel?
Teme maʼuke, ayniwan awiloj te ay machʼatik ya yichʼ pʼajel o te ya xpʼajawanike. Ta noticia ya kiltik te bayal ants winiketik ya yichʼik pʼajel ta swenta te yan slumalik, stsʼumbalik, winiketik te ya skuy sbaik ta ants o antsetik te ya skuy sbaik ta winik. Jaʼ yuʼun bayal ajwaliletik ya spasik leyetik yuʼun ya xlaj skʼoplal te pʼajaw.
Te machʼatik ya yichʼik utsʼinel ya xpʼajawanik, jaʼ yuʼun jich maʼyuk bin-ora ya xlaj skʼoplal te pʼajawe.
Ayniwan awichʼoj labanel, utel o te ay bin ma lek ya yalbat te yantike. Pero jaʼ kʼax ma lekxan te pʼajawe, melel ya yakʼ te ya x-ayin te utsʼinel, majel sok milaw.
Te revista ini ya scholbey skʼoplal te ya xjuʼ ta tsalel te pʼajaw sok ya xbajt yakʼbey sujtib te jojkʼoyeletik ini:
¿Bin yuʼun te ay bayal pʼajaw?
¿Bin-utʼil ya xjuʼ jlajinbeytik skʼoplal te pʼajawe?
¿Yabal sta yorail te ya xlaj skʼoplal te pʼajawe?