¿Bin ya yal te Bibliae?
¿Jaʼbal la schiknajtes te ants winiketik te relijionetike?
AY MACHʼATIK YA YALIK te jaʼlaj la schiknajtes te ants winiketik te relijionetike. Ay yantik ya yalik te ya stuuntes Dios te relijion yuʼun jich te ants winiketik ya xnoptsajik ta stojol. ¿Bin ya anop te ja’ate?
TE BIN YA YAL TE BIBLIAE
Ay jchajp «schʼuhunel Dios [o relijion] te lec soc te mayuc bin chopol tey a ya yil te Jtatic Dios» (Santiago 1:27). Jaʼ yuʼun te lekil o smelelil relijion, talem ta stojol te Diose.
¿BIN YA YALXAN TE BIBLIAE?
Te relijion ya skʼan lokʼemuk skʼoplal ta Biblia swenta jich lek ya yil-a te Diose (Juan 4:23, 24).
Te relijionetik te lokʼem skʼoplal ta snopjibal te ants winiketike jkʼaxel maʼyuk skʼoplal (Marcos 7:7, 8).
¿Yabal skʼan te ya x-ayinotik ta jun relijion?
¿BIN SUJTIB YA AWAKʼBEY?
Yak
Maʼuk
Yakniwan
TE BIN YA YAL TE BIBLIAE
«Soc acʼa jnoptic bin utʼil talel cʼaxel ya juc jbahtic ta cʼuxultaywanej soc ta spasel lequil aʼteliletic, ma me jquehchantic te ya jtsobilan jbahtic» (Hebreos 10:24, 25). Te Dios ya skʼan te chajpanbiluk ta lek te bin-utʼil ya stsob sbaik te j-abatetik yuʼune.
¿BIN YA YALXAN TE BIBLIAE?
Te machʼatik ya yichʼik ta mukʼ te Dios ya skʼan te jun-nax te bin ya schʼuunike (1 Corintios 1:10, 11).
Te machʼatik ayik ta relijion te lek ya yil te Diose jun-nax ayik ta spisilik ta swolol Balumilal (1 Pedro 2:17).
