Te Dios ya skʼan ya skanantayat
TA BIBLIA ya jtatik te lekil consejoetik, melel talem ta stojol Dios. Melelnix-a te ma jaʼuk jun libro yuʼun poxiletik, pero te bintik ya yale ya skoltayotik ta sitintayel te bintik ya yakʼ jmel koʼtantik, te bintik ya yutsʼin te jpensartik, teme ay bin la kichʼtik pasbeyel te kʼuxto ya kaʼiytik sok yantikxan chameletik.
Jaʼnix jich, te Biblia ay bin mukʼ skʼoplal ya yakʼ jnoptik, te Jpaswanej kuʼuntik, te jaʼ te Jehová, a ya xkʼot ta yoʼtan ta lek te bin ya jnoptik sok te bin yaʼiyel ya kaʼiy jbatik. Ya skʼan ya skanantayotik sok nopol ay ta jtojoltik te kʼalal ya xkʼaxotik ta tulan wokol. Te cheb versiculoetik te ya xbajt jkʼopontike, yame xbajt yakʼbat bayal smukʼul awoʼtan.
«Te Jehová nopol ay ta stojol te machʼatic ayic ta mel-oʼtan, soc ya scoltay te machʼatic pichʼil yoʼtanique» (SALMO 34:18).
«Hoʼon Jehovahon, te Dioson awuʼun, ya jtsacbat te awaʼel-cʼab soc ya calbat: Ma me xiwat, hoʼon ya jcoltayat, xchihon» (ISAÍAS 41:13).
¿Bin-utʼil ya skoltayotik te Jehová ta sitintayel te chamel te ya yutsʼin jpensartike? Ta yantik articuloetik yame kiltik te yuʼun-nix ya skʼan ya skanantayotik-a te Jehová sok ya yakʼbotik bayal koltayel.
a Jehová sbiil te Diose (Salmo 83:18).
