TE J-ILKʼINAL TA TOYOL Numero 1, 2018 | ¿Yatobal xtuun kuʼuntik te bin ya yal te Bibliae?
¿YATOBAL XTUUN KUʼUNTIK TE BIN YA YAL TE BIBLIAE?
Jich bitʼil te bayalix informasion sok bayalix tecnología ta ora ini, ¿yatobal xtuun kuʼuntik te libro te kʼax antiguoix, jich bitʼil te Bibliae? Te Biblia ya yal:
«Spisil te bin tsʼihbabil hilel ta Shun hich nix la scʼan Dios te ya yichʼ tsʼihbayel, soc ya xtuhun» (2 Timoteo 3:16).
Te numero yuʼun Te J-ilkʼinal ta toyol ini ya scholbey skʼoplal teme yuʼun-nix ya xjuʼ ya stojobtesotik-a te Biblia ta spisil te bintik ya jpas ta jkuxlejaltike.
¿Yabal xtuun te tsitsel ya yakʼ te Bibliae?
Jich bitʼil te ayix bayal informasion te ya yichʼ achʼubtesel ta oranaxe, ¿bin yuʼun ya jletik koltayel ta Biblia te jteb ma sta chaʼmil jaʼbil la yichʼ tsʼibayele?
Sbajtʼelkʼinal ay te pʼijubtesel ya yakʼ te Biblia
Manchukme ay bayal bintik yichʼojix naʼel ta ora ini, pero maba kʼaxem skʼoplal te bin ya yal te Bibliae. Te tsitsel ya yakʼe kʼax bayal ya xtuun kuʼuntik ta ora ini.
¿Antiguoixbal o nailajemixbal-a te bintik ya yale?
Te Biblia ma jaʼuk jun libro yuʼun siensia pero ya yalbey skʼoplal ta swenta siensia te yan-naxniwan ya awaʼiy-ae.
1 Ya skoltayotik yuʼun ma kakʼ jbatik ta wokol
Ilawil te bin-utʼil te pʼijilal yuʼun te Diose skoltayoj bayal ta tul ants winiketik yuʼun maba ya schʼik sbaik ta tulan wokolil.
2 Ya skoltayotik ta schajpanel kʼopetik
Te tsitsel ya yakʼ te Bibliae ya skoltayotik ta schajpanel te kʼopetik te ma orauk ya xkʼaxe sok te ya schebajtes koʼtantik, jich bitʼil te kʼaxto ya jmel koʼtantik, te jtukel ya kaʼiy jbatik o te patilto ya jpastik te kaʼteltike.
3 Ya skoltayotik ta stsʼikel jwokoltik
Yabal xjuʼ ya skoltayotik te Biblia ta sitintayel te jwokoltik te ma xjuʼix ta chajpanel, jich bitʼil te chamel te ma xchojpix o teme ay machʼa lajem kuʼuntike?
Te Biblia sok te bin ya jmaliytike
Te sKʼop Diose ya skoltayotik ta sitintayel te wokoliletik jich bitʼil te bintik ya xkʼax ta jtojoltik ta jujun kʼajkʼal te ma naʼbiluk kuʼuntike. Pero ma jaʼuknax-abi, jaʼnix jich ya yakʼ jnaʼtik te bin ya xkʼot ta pasel ta pajel chaʼbeje.
¿Bin ya awal te jaʼate?
Ilawil te bintik schʼuunejik chaʼoxtul ants winiketik sok te bin ya yal te Bibliae.
