¿Bin ya yal te Bibliae?
¿Yabal xjuʼ ya skoltayotik te Biblia ta sitintayel te bintik ya jmel koʼtantik yuʼune?
¿Bin sujtib ya awakʼbey?
Yak
Maʼuk
Yakniwan
Te bin ya yal te Bibliae
«Aʼbeya ta stojol [Dios] spisil te bintic yac amel awoʼtanic yuʼun, como ayex ta canantayel yuʼun» (1 Pedro 5:7). Te Biblia jamal ya yalbotik te ya xjuʼ ya yakʼbotik slamalil koʼtantik te Dios ta swenta te bintik ya jmel koʼtantik yuʼune.
¿Bin ya yalxan te Bibliae?
Ta swenta skʼoponel Dios ya xjuʼ ya jtatik «te lamal qʼuinal te ya yacʼ te Diose», jaʼ ya skoltayotik yuʼun ma jnaʼulantik te bin ya jmel koʼtantik yuʼune (Filipenses 4:6, 7).
Jaʼnix jich te skʼoponel te Bibliae ya skoltayotik ta sitintayel te estrés (Mateo 11:28-30).
¿Yabal sta yorail te maʼyukix bin ya jmel koʼtantik yuʼune?
Te bintik ya schʼuunik chaʼoxtul ants winiketik: Ay machʼatik ya skuyik te yuʼun-nix jich ya xkʼax ta jkuxlejaltik-a te ay bin ya snaʼulan koʼtantik sok te ya yakʼbotik estrés. Ay yantik ya yalik te jaʼtolaj maʼyukix bin ya jmel koʼtantik yuʼun te kʼalal ya xkʼaxotik ta yan kuxlejalile. ¿Bin ya awal te jaʼate?
Te bin ya yal te Bibliae
Te Dios yame slajin spisil te bintik ya jmel koʼtantik yuʼune. «Mayuquix lajel, mel-oʼtan, oqʼuel o te bin cʼux» (Apocalipsis 21:4).
¿Bin ya yalxan te Bibliae?
Te kʼalal yakix ta mantalteswanej ta Balumilal-a te Ajwalinel yuʼun te Diose yame x-ayin lamalkʼinal sok jun-naxme koʼtantik (Isaías 32:18).
Te bintik ya snaʼulan koʼtantik soknix te estrés maʼyuk bin-ora ya xbajtʼ julukix ta koʼtantik (Isaías 65:17).
