Jteb ma jpisiltik ay kilojtik te bintik ma tojuk ya yichʼ pasele sok te bin-utʼil yichʼojik utsʼinel te ants winiketik te lek yoʼtanike. ¿Yabal sta yorail te ya xlaj skʼoplal te bintik maba toj ta pasel sok te chopolile?

Te Biblia ya yakʼbey sujtib te jojkʼoyel-abi sok ya yalbotik te bin ya skʼan ya jpastike. Ilawil te sujtib ya yakʼbey te Salmo 37 ta swenta te jojkʼoyeletik ini:

• ¿Bin ya skʼan ya jpastik te kʼalal ay machʼa ay bin ma lek la spasbotike? (versículo 1 sok 2).

• ¿Bin ya xkʼot ta stojol te machʼatik chopolike? (versículo 10).

• ¿Bintik ya smaliyik ta pajel chaʼbej te machʼatik toj yoʼtanike? (versículo 11 sok 29).

• ¿Bin ya skʼan ya jpastik ta ora ini? (versículo 34).

Te Salmo 37 jamal ya yal te ya staik kʼax tʼujbil kuxlejalil te machʼatik ya smaliyik te Jehová sok te ya stʼunbeyik te be yuʼune. Te testigoetik yuʼun Jehová sok sbujtsʼ yoʼtan ya skoltayat ta snopel te Biblia sok te bintik ya xjuʼ ya apas sok te afamilia yuʼun ya amulanbeyik yutsilal ta pajel chaʼbej te kuxlejalil-abi.