Te bintik ya schʼuunik chaʼoxtul ants winiketik

Jaʼlaj te ya yichʼ lajinel spisil te ants winiketik ta jun bomba nuclear o te ay bin ya xkʼot ta pasel te ya sjin te Balumilale. ¿Bin ya awal te jaʼate?

Te bin ya yal te Bibliae

Te Armagedón jaʼ jun «guerra ta yorahil te mucʼ scʼahcʼalel yuʼun Dios te spisil ya xhuʼ yuʼune» swenta ya slajin spisil te chopol ants winiketike (Apocalipsis 16:14, 16).

¿Bin ya yalxan te Bibliae?

• Te Diose jaʼ ya xtal slajin ta Armagedón te machʼatik yakik ta sjinel te Balumilale, ma jaʼuk te Balumilale (Apocalipsis 11:18).

• Ta swenta te Armagedón ya xlaj skʼoplal te guerraetike (Salmo 46:8, 9).

¿Bin ya awal te jaʼate?

• Ay

• Maʼyuk

• Ayniwan

Te bin ya yal te Bibliae

Ay «cʼax tsobolic» ta tul te talemik ta spisil nasionetik te ya xkolik jilel te kʼalal kʼaxemix-a te tulan wokolil sok te Armagedón (Apocalipsis 7:9, 14).

¿Bin ya yalxan te Bibliae?

• Te Diose jaʼ ya skʼan te bayal ants winiketik ya sta skolelike. Pero ya slajin te machʼatik chopolik ta skaj te ma sujtes yoʼtanike (Ezequiel 18:32).

• Te Biblia ya yal te bin ya skʼan jpastik yuʼun ya xkolotik te kʼalal ya xtal te Armagedón (Sofonías 2:3).