ARTIKULO YUʼUN ESTUDIO 1
«Ma me xamel awoʼtan, como hoʼon te Dioson awuʼune»
«Ma me xiwat, como joquinejat; ma me xamel awoʼtan, como hoʼon te Dioson awuʼune; ya caʼbat awip, ya jcoltayat» (IS. 41:10).
KʼAYOJIL 7 Jkoltaywanej kuʼun te Jehová
¿BIN YA XBAJTʼ KILBEYTIK SKʼOPLAL? *
1, 2. 1) ¿Bin-utʼil koltayot te ermana Yoshiko te bin ya yal Isaías 41:10? 2) ¿Machʼaxan ya xjuʼ xkoltayotik yuʼun te bin la yal te Jehová ta bersikulo-abi?
JTUL ermana te Yoshiko sbiil ay bin mel-oʼtantik sba akʼbot snaʼ, albot yuʼun te sdoktora te jaʼxanix cheʼoxeb u kuxul. ¿Bin la spas te ermanae? Ta oranax la sjultes ta yoʼtan junuk teksto te mero ya smulane, jaʼ te Isaías 41:10 (kʼopona). Lamalnax yoʼtan la yalbey te doktora te maba ya xiw, melel tsakbil yuʼun Jehová ta skʼab. * Akʼbot smukʼul kʼinal yaʼiy yuʼun te bersikulo ini sok koltayot yuʼun ya smukʼulin yoʼtan te Jehová ta jkʼaxel. Jaʼnixme jich ya xjuʼ ya skoltayotik kʼalal ya jtatik tulan wokolil. Swenta ya xkʼotxan ta koʼtantik bin-utʼil ya skoltayotik, nail ya kiltik bin yuʼun jich la yalbey Jehová te Isaías.
2 Ta sjajchibale, te Jehová jich la yalbey te Isaías yuʼun ya yakʼbey smukʼul yoʼtan te judioetik te ya x-ikʼotik bael ta Babilonia. Pero jaʼnix jich la yakʼ ta tsʼibayel jilel yuʼun jich ya sta smukʼul yoʼtanik spisil te jayeb j-abatetik yuʼun te kuxinemik jaʼto tal ta skʼajkʼalel te Isaías (Is. 40:8; Rom. 15:4). Ta ora ini kuxulotik ta «yorahil wocol» sok mero ya xtuun kuʼuntik te mukʼul oʼtanil te ya yakʼ te libro yuʼun Isaías (2 Tim. 3:1).
3. 1) ¿Bintik ya yakʼ jnaʼtik ta jamal te teksto yuʼun te jaʼbil 2019? 2) ¿Bin yuʼun yananix jkʼantik-a te jich ya kichʼtik albeyele?
3 Ta artikulo ini, yame kiltik oxeb bin la yal ta jamal te Jehová te ya yakʼbeyxan yip te schʼuunel koʼtantik, ya jtatik ta Isaías 41:10 te jaʼ teksto yuʼun te jaʼbil 2019. Sbabial, jaʼ te ya sjokinotik te Jehová. Schebal te jaʼ Dios kuʼuntik. Yoxebal, jaʼ te ya skoltayotik. ¿Bin yuʼun ya jkʼantik te jich ya kichʼtik albeyel ta jamale? * Melel jich bitʼil te Yoshiko bayal jwokoltik ta jkuxlejaltik. Jaʼnix jich ya jsitintay jbatik sok te wokoliletik ya yakʼ te balumilal. Ay machʼatik yakik ta yichʼel utsʼinel yuʼun ajwaliletik te kʼax bayal yipike.
«JOQUINEJAT»
4. 1) Ala te sbabial bin yaloj ta jamal te Jehová te ya kilbeytik skʼoplal (ilawil te nota). 2) ¿Bin-utʼil ya yakʼ ta ilel te Jehová te kʼuxotik ta yoʼtane? 3) ¿Bin-utʼil ya awaʼiy aba yuʼun te bin ya yalbotik te Jehová?
4 Ta sbabial te Jehová jich ya yalbotik yuʼun xjamet kʼinal ya kaʼiytik: «Ma me xiwat, como joquinejat». * Swenta ya yakʼ kiltik te sjokinejotik ya yakʼ kiltik yutsil yoʼtan sok te ayotik ta yoʼtane. Yuʼun ya yakʼ jnaʼtik te mero kʼuxotik ta yoʼtan jich ya yalbotik te Jehová: «Como bayel acʼoblal ya caʼiy ta jtojol, ichʼbilat ta cuenta cuʼun soc cʼuxat ta coʼtan» (Is. 43:4). Maʼyuk bin ya xjuʼ xmakot yuʼun te Jehová ta yakʼel ta ilel te kʼux ta yoʼtan te j-abatetik yuʼune. Ta melel stalel jun yoʼtan ta jtojoltik (Is. 54:10). Ya yakʼ yip koʼtantik te ya jnaʼtik te jaʼ kamigotik sok te kʼuxotik ta yoʼtane. Ya skanantayotik ta ora ini jich bitʼil la skanantay ta namey kʼinal te yamigo Abram (Abraham). Te Jehová jich la yalbey yaʼiy: «Ma xiwat, Abram, hoʼon jcanantaywanejon awuʼun» (Gén. 15:1).
Ta swenta te koltayel ya yakʼbotik te Jehová ya xjuʼ ya jsitintaytik wokoliletik te jich yilelik bitʼil mukʼul jaʼ o bitʼil yat kʼajkʼ. (Ilawil te parrafo 5 sok 6). *
5, 6. 1) ¿Bin-utʼil ya jnaʼtik te ya skʼan ya skoltayotik te Jehová te kʼalal ay jwokoltik ta tulutul? 2) ¿Bin ya yakʼ jnoptik te ejemplo yuʼun te Yoshiko?
5 Ya jnaʼtik te ya skʼan ya skoltayotik te Jehová kʼalal ay jwokoltik ta tulutul, melel jich ya yalbotik ta jamal: «Te cʼalal ya xcʼaxat ta haʼetic, hoʼon ya joquinat; te cʼalal ya xcʼaxat ta mucʼul-haʼetic, ma ba ya smulat. Cʼalal ya xcʼaxat ta cʼahcʼ, ma ba ya xchicʼat; ma ba ya spetat te yat cʼahqʼue» (Is. 43:2). ¿Bin ya skʼan ya yal-abi?
6 Te Jehová maba ya yalbotik te ya slokʼes ta jtojoltik te bin ya yakʼbotik wokolil ta jkuxlejaltike, pero maba ya yakʼ te jkʼaxel ya yutsʼinotik te wokoliletik te jich kʼoemik bitʼil mukʼul jaʼetik te ya smulotik koel o bitʼil yat kʼajkʼ te ya schikʼotike. Ya yalbotik ta jamal te ya sjokinotik yuʼun ya jsitintaytik te wokoliletik-abi. Jaʼnix jich ya skoltayotik Is. 41:13). Jich la spas te Jehová ta stojol te Yoshiko te la kalbeytik skʼoplal ta sjajchibal te artikulo. Te yantsil-al jich ya yal: «Yan-nax la kiltik te mero jun yoʼtan ay te jmama. Chikan ta ilel te jaʼ ya x-akʼbot slamalil yoʼtan yuʼun te Jehová. Ta kʼajkʼal te ya xwayix sbakʼetal-a, ma la skom sba ta kʼop sok te enfermeraetik sok yantik te ayik ta chamele ta yalbeyel skʼoplal te Jehová sok te bin yaloj ta jamal te ya spase». ¿Bin ya yakʼ jnoptik te ejemplo yuʼun te Yoshiko? Jaʼ te ay yip koʼtantik sok te ma xiwotik ta sitintayel te wokoliletik teme ya smukʼulin koʼtantik te yaloj ta jamal te Jehová te ya sjokinotike.
yuʼun lamal koʼtantik swenta jun koʼtantik ta stojol manchukme ya xlajotik («HOʼON TE DIOSON AWUʼUNE»
7, 8. 1) Ala te schebal bin yaloj ta jamal te Jehová te ya kilbeytik skʼoplal sok te bin ya skʼan ya yal te ya jmel koʼtantike. 2) ¿Bin yuʼun la yichʼik albeyel yuʼun Jehová te judioetik te ikʼbilik bael ta Babilonia te manchuk ya xiwike? 3) ¿Bin la yal te Jehová ta Isaías 46:3, 4 yuʼun ya yakʼbey slamalil yoʼtan te lum yuʼune?
7 Kiltik te schebal bin yaloj ta jamal te Jehová te la stsʼibay jilel Isaías: «Ma me xamel awoʼtan, como hoʼon te Dioson awuʼune». ¿Bin ya skʼan ya yal te ay machʼa ya smel yoʼtane? Ta kʼopil te la yichʼ tsʼibayel te bersikulo ini ya skʼan ya yal te ya kilulantik sujtel ta jpatik yuʼun ya jxiʼtik te ay bin-a o ay machʼa ya yutsʼinotik o te sok jxiweltik ya kilulantik ta joyobaltik.
8 ¿Bin yuʼun la yalbey Jehová te judioetik te ya x-ikʼotik bael ta Babilonia te ma smel yoʼtanike? Yuʼun snaʼoj te ya smel yoʼtanik te yajwal te lum Babilonia te kʼalal ya yichʼik ochintayel yuʼun te soldadoetik yuʼun Medopersia ta slajibal te setenta jaʼbil te ikʼbilik bael te judioetike. Te Jehová ya stuuntes te soldadoetik ini yuʼun ya skoltay lokʼel te lum yuʼune (Is. 41:2-4). Kʼalal te babilonioetik sok te yantik nasionetik la snaʼik te yak ta noptsajel tal te skontratakike la spasik tulan te maba ya xiwik ta bayal, talel kʼaxel jich jajch yalbey sbaik: «Ayuc me yip awoʼtan». Jaʼnix jich la spasikxan bayal sdiosik yuʼun la skuyik te ya yichʼik kanantayel yuʼunik (Is. 41:5-7). Pero te lum yuʼun te Jehová lamal yoʼtan yuʼun te jich albilik ta nail yuʼune: «Haʼat, Israel, ha aʼbatat cuʼun [ma jichuk la yalbey stukel yan nasionetik]». Sok yuʼun maba ya smel yoʼtanik-a, jich albilik ta nail: «Hoʼon te Dioson awuʼune» (Is. 41:8-10). Kʼalal la yal «hoʼon te Dioson awuʼune» la yalbey ta jamal te maba chʼaybilik ta oʼtanil sok te jaʼnanix pueblo yuʼun-a. Sok la yalbey te jaʼ ya yikʼ bael sok ya skoltay lokʼel. Ta melel, te skʼop te Jehová la yakʼbey yip yoʼtan te judioetik te ayik ta Babilonia (kʼopona Isaías 46:3, 4).
9, 10. ¿Bin yuʼun ma skʼan ya xiwotik? Ala jun ejemplo.
9 Maʼyuk jich smeloj yoʼtanik te ants winiketik bitʼil ta ora ini ta skaj te jkʼaxel yak ta jinelxan bael te balumilale. Ta melel jaʼnix jich ya yutsʼinotik-euk. Pero ma skʼan te jkʼaxel ya jmel koʼtantik, melel te Jehová jich ya yalbotik: «Hoʼon te Dioson awuʼune». Ta melel ya slamantes koʼtantik te kʼopetik-abi. Jnoptik bin yuʼun.
10 Kiltik te ejemplo ini. Jnop kaʼiytik te moemik ta jun karro te Juan sok te Pedro. Te kʼalal ya staik kʼoel te banti mero chujkʼultik sba jmajkʼ karretera ta moel kʼinal sok te ay ta stiʼil chʼen kaj syukʼilan sba ta tulan te karroe. Jaʼ yuʼun te chofer jich ya yalbey ta tulan te machʼatik moemik ta karro: «Tsakame abaik ta lek, chujkʼultik sba te banti yakotik ta kʼaxel. Mame xa amel awoʼtanik, lekme ya solotik kʼaxel». Te Juan kʼax xiwen, jaʼukmeto ya yil te lamalnax yoʼtan stukel te Pedroe. Jaʼ yuʼun jich ya sjojkʼoybey: «¿Bin yuʼun te lamalnax awoʼtane?». Te Pedro tseʼelnax yoʼtan jich la yalbey: «Ya jnaʼbey sba ta lek te chofer, jaʼ jpapa.
Ya jkʼan ya kalbat skʼoplal machʼa-a sok bin yuʼun te leknax ta choferil, jich ya xchʼay bael axiwel».11. ¿Bin ya yakʼ jnoptik te ejemplo yuʼun te cheb pasajeroetik?
11 ¿Bin ya yakʼ jnoptik te ejemplo ini? Jich bitʼil te Pedro lamalnax koʼtantik yuʼun te ya jnaʼbeytik sba ta lek te jTatik ta chʼulchan Jehová. Jnaʼojtik te jaʼ ya skoltayotik ta skʼasesel te wokoliletik o te bintik chujkʼultik sba ya xkʼax ta jkuxlejaltik ta slajibal kʼajkʼal ayotike (Is. 35:4). Jteb ma spisil te ants winiketik ya xnijkʼ yoʼtanik yuʼun xiwel, yan te joʼotik lamalnax koʼtantik, melel jaʼ smukʼulinej koʼtantik te Jehová (Is. 30:15). Jich te bin-utʼil la spas te Pedro, ya kalbeytik yaʼiy te ants winiketik bintik yuʼun smukʼulinej koʼtantik te Diose. Kʼalal jich ya jpastik, ya xjuʼ ya smukʼulin yoʼtanik-euk te ya xkoltayotik yuʼun te Jehová ta skʼasesel biluk wokoliletik te ya xkʼax ta skuxlejalik.
«YA CAʼBAT AWIP, YA JCOLTAYAT»
12. 1) Ala te yoxebal bin yaloj ta jamal te Jehová te ya kilbeytik skʼoplale. 2) ¿Bin ya sjultes ta koʼtantik te Biblia kʼalal ya yal te «scʼab» Jehová?
12 Kiltik te yoxebal bin yaloj ta jamal te Jehová: «Ya caʼbat awip, ya jcoltayat». Te j-alwanej Isaías yalojix-a bin-utʼil te Jehová ya yakʼbey smukʼul yoʼtan te lum yuʼune. Jich la yal: «Tal soc yuʼel te Jehová, ya xcuentahinwan ta scuenta yip scʼab» (Is. 40:10). Te Biblia bayal buelta ya stuuntes te kʼopil kʼab yuʼun ya yakʼ ta naʼel te ay machʼa ay yuʼel. Jaʼ yuʼun te bin ya yal te sjun Isaías ya sjultes ta koʼtantik te jaʼ Ajwalil te Jehová te bayal yuʼel. Ta namey, te Dios la stuuntes te yuʼel te ma xjuʼ ta tsalel ta yakʼbeyel yip yoʼtan sok ta skoltayel te j-abatetik yuʼun. Jaʼnix jich ta ora ini ya yakʼbey yip yoʼtan sok ya skanantay te machʼatik ya smukʼulin yoʼtanik (Deut. 1:30, 31; Is. 43:10).
Maʼyuk aʼtejibal te jaʼ bayalxan yip te bitʼil te skʼab Jehová te bayal yuʼele. (Ilawil te parrafo 12 kʼalal ta 16). *
13. 1) ¿Bin-ora ya yakʼxan yip koʼtantik te Jehová bitʼil yaloj ta jamal te ya spase? 2) ¿Bin ya yal ta jamal te Biblia te ya yakʼ yip koʼtantik sok te jun koʼtan ya kaʼiy jbatik yuʼune?
Is. 54:17). Te bin yaloj ta jamal te Jehová ay oxeb bin tulan skʼoplal ya sjultes ta koʼtantik. Kiltik.
13 Te Jehová yananix yakʼ yip koʼtantik jich bitʼil yaloj ta jamal te ya spase, kʼaxtoxan-a kʼalal ya kichʼtik tenel yuʼun te jkontrataktik. Ay lugaretik banti yakik ta spasel tulan yuʼun ya smakik te kaʼteltik ta scholel skʼop Dios o te ya smakik te organisasion kuʼuntike. Pero maba ya jmel koʼtantik ta jkʼaxel yuʼun te tenel ya kichʼtik akʼbeyele. ¿Bin yuʼun? Melel te Jehová ay bin ya yalbotik ta jamal te ya yakʼ yip koʼtantik sok te jun koʼtan ya kaʼiy jbatik yuʼune. Jich ya yalbotik: «Mayuc aʼtejibal yuʼun guerra te ya xhuʼ ya stsalat» (14. ¿Bin yuʼun ma yanuk ya kaʼiytik te ya yutsʼinotik te skontratak te Diose?
14 Te sbabial, jaʼ te yananix kichʼtik kontrainel yuʼun te balumilal ini (Mat. 10:22). Te Jesús la yal jilel te mero ya staik kontrainel o nutsel te jnopojeletik yuʼun ta slajibal kʼajkʼal (Mat. 24:9; Juan 15:20). Te schebal, jaʼ te ya yal kaʼiytik te albilkʼop yuʼun te sjun Isaías te ma jaʼuknax ya kichʼtik pʼajel yuʼun te jkontrataktik, jaʼnix jich te bayal bin ya stuuntesik yuʼun ya yutsʼinotik. Tey ochem skʼoplal-a te loʼlayel te chapbil ta lek, te leel ta kʼop ta jtojoltik sok te tulan tenel o nutsel (Mat. 5:11). Te Jehová maba ya smak te jkontrataktik ta stuuntesel te aʼtejibaletik-abi (Efes. 6:12; Apoc. 12:17). Pero ma skʼan ya xiwotik. Kiltik bin yuʼun.
15, 16. 1) ¿Bin-a te yoxebal te ya skʼan ya jultes ta koʼtantike? 2) ¿Bin-utʼil ya yakʼ ta ilel Isaías 25:4, 5? 3) ¿Bin ya yal Isaías 41:11, 12 ta swenta te bin ya xkʼot ta stojol te machʼatik ya skontrainotike?
15 Te yoxebal te bin ya skʼan ya jultes ta koʼtantik jaʼ te ya yal te Jehová te maba ya stsalotik chikan bin aʼtejibal ya yichʼ tuuntesel ta jtojoltik. Jich bitʼil jun pajkʼ ya skoltayotik kʼalal ay tulan yikʼal jaʼal, te Jehová ya skoltayotik Isaías 25:4, 5). Te jkontrataktik maʼyuk bin-ora ya xjuʼ ya spasbotik te bin ma xjuʼ ya schajpan te Jehová (Is. 65:17).
ta stojol «te sahb ye te jʼutsʼinwanej[etic]» (kʼopona16 Swenta ya stsakxan yip te smukʼul koʼtantike te Jehová ya yalbotik ta jamal bin ya xkʼot ta stojol te machʼatik ya yilintayotik (kʼopona Isaías 41:11, 12). Chikan bantito kʼalal ya yakʼbeyik yipal o chikan teme kʼax tulan ya yakʼbotik guerra, spisil te machʼatik ya skontrainik te lum yuʼun te Diose pajal bin ya xkʼot ta stojolik. Te Biblia jich ya yal ta stojolik: «Mayuc scʼoblal ya xcʼoht soc ya xchʼayic bahel».
¿BIN-UTʼIL YA KAKʼBEYTIK STSAKXAN YIP TE SMUKʼUL KOʼTANTIK TA STOJOL TE JEHOVÁ?
Te smukʼul koʼtantik ta stojol Jehová ya yichʼxan yip teme spisil-ora ya jkʼopontik te Biblia swenta ya jnaʼbeytikxan sba ta lek-a. (Ilawil te parrafo 17 sok 18). *
17, 18. 1) ¿Bin yuʼun ya skoltayotik snopel te Biblia yuʼun ya yichʼxan yip te smukʼul koʼtantik ta stojol Dios? Ala jun ejemplo. 2) ¿Bin yuʼun ya skʼan ya jnaʼulantik te teksto yuʼun te jaʼbil 2019?
17 Te smukʼul koʼtantik ta stojol Jehová ya yichʼxan yip kʼalal ya jnaʼbeytikxan sba ta lek. Jaʼnax ya xjuʼ kuʼuntik-abi teme ya jnoptik ta lek te Biblia sok ya jlokʼestik tiempo yuʼun ya jnopilan ta koʼtantik te bin ya jkʼopontike. Ta Biblia ya jtatik te bin kʼoemik ta pasel ta namey kʼinal te ya yakʼ ta ilel bin-utʼil la skanantay Jehová te lum yuʼun sok ya yakʼ te ya smukʼulin koʼtantik te ya skanantayotik ta ora ini.
18 Jnop kaʼiytik te bin kʼax tʼujbil la yal te Isaías yuʼun ya yakʼ ta ilel bin-utʼil ya skanantayotik te Diose. La spajaltay ta jkanantuminchij te ya skanantay te tut tuminchijetik yuʼun. Jich ya yal: «Ya stsac hahchel ta scʼab te tut tuminchijetic, ya spet bahel ta stahn» (Is. 40:11). Kʼalal ya kaʼiytik bin-utʼil ya spetotik te Jehová ta skʼab te bayal yipe jun koʼtan ya kaʼiy jbatik sok te kanantaybilotike. Swenta ya skoltayotik te lamaluk koʼtantik manchukme ay jwokoltik, te j-abat te jun yoʼtan sok pʼij la stsa ta teksto yuʼun te jaʼbil 2019 te kʼopetik ini te lokʼemik ta Isaías 41:10: «Ma me xamel awoʼtan, como hoʼon te Dioson awuʼune». Akʼa jnaʼulantik te kʼopetik ini te ya yakʼ smukʼul kʼinal kaʼiytik. Jich yame jta kiptik sok ay smukʼul koʼtantik ta sitintayel te wokoliletik yak ta talele.
KʼAYOJIL 38 Jehová ya skanantayat
^ parr. 5 Te teksto yuʼun te jaʼbil 2019 ya yal kaʼiytik te ay oxeb bin yuʼun ya xjuʼ te lamal koʼtantik manchukme ay bintik chopol ya xkʼax ta balumilal o ya jtatik wokol. Te artikulo ini ya scholbey bael skʼoplal sok ya skoltayotik te ma jkʼaxel ya jmel koʼtantik sok te ya smukʼulinxan koʼtantik te Jehová. Jnopilan ta koʼtantik te teksto yuʼun te jaʼbile sok jpastik tulan te yakuk xjil ta koʼtantik teme ya xjuʼe. Jaʼme ya yakʼ kiptik ta sitintayel te wokoliletik yak ta talele.
^ parr. 1 Ilawil La Atalaya yuʼun julio 2016, pajina 18.
^ parr. 3 ¿BIN YA SKʼAN YA YAL?: Te ay bin ya yichʼ alel ta jamal jaʼ te ay machʼa ay bin ya yal te ya yakʼ ta naʼel te yananix xkʼot ta pasel yuʼun-a. Te bin ya yalbotik ta jamal te Jehová ya skoltayotik yuʼun ma jkʼaxeluk ya jmel koʼtantik yuʼun te wokolil ya jtatike.
^ parr. 4 Te kʼop «ma me xiwat» te xchie, oxeb buelta ya jtatik ta Isaías 41:10, 13 sok 14. Ta bersikuloetik ini, cheʼoxeb buelta tuuntesbil te kʼopil joʼon ta yalbeyel skʼoplal te Jehová. ¿Bin yuʼun la yakʼ te Jehová te bayal buelta la stuuntes te Isaías te kʼopil-abi? Yuʼun tulan skʼoplal te bin ya yakʼ jnaʼtik ta jamal, jaʼ teme ya jkʼantik te ya xlamaj bael te jxiweltik, ya skʼan te ya smukʼulin koʼtantik te Jehová.
^ parr. 52 TE BIN YA XCHIKNAJ TA ILEL TA LOKʼOMBA: Jun familia ya sitintay wokoliletik te banti ya x-aʼtejik, ta swenta chamel, ta scholel skʼop Dios sok ta eskuela.
^ parr. 54 TE BIN YA XCHIKNAJ TA ILEL TA LOKʼOMBA: Te polisia yak ta ochel ta yutil na banti stsoboj sbaik ermanoetik, pero lamalnax yoʼtanik.
^ parr. 56 TE BIN YA XCHIKNAJ TA ILEL TA LOKʼOMBA: Yichʼel ta mukʼ Dios sok jfamiliatik ta spisil-ora ya yakʼ yip koʼtantik yuʼun ya xkujch kuʼuntik te wokoliletik.