Te machʼa achʼtonax och ta Jtsojb Jwolwanejetik
TA SAB mierkoles 24 yuʼun enero 2018, la yichʼ akʼel jun anunsio te mukʼ skʼoplal ta stojol te familia Betel ta Estados Unidos sok ta Canadá: te ermano Kenneth Cook (nichʼanil), och ta Jtsojb Jwolwanejetik yuʼun te Testigoetik yuʼun Jehová.
Te ermano Cook ayin sok chʼi ta Pensilvania (Estados Unidos). La snop te smelelil kʼop ta swenta jtul sjoy ta klase te kʼalal nopol ya xlajix-a te sprepae, la yichʼ jaʼ ta 7 yuʼun junio ta 1980. Och ta prekursor ta 1 yuʼun septiembre ta 1982. Cheb jaʼbil ta patil, la yichʼ ikʼel ta Betel ta Wallkill (Nueva York), kaj ta aʼtel tey-a ta 12 yuʼun oktubre ta 1984.
Te veinticinco jaʼbil ta patil baele, te ermano Cook la yichʼ akʼbeyel spas chaʼoxchajp aʼtelil ta imprenta sok ta Ofisina yuʼun Betel. Ta 1996 nujpun sok jtul ermana te Jamie sbiile te jaʼnix jich kaj ta abatinel sok ta Wallkill. Ta disiembre yuʼun 2009, la yichʼik tikunel ta sNail Pʼijubtesel yuʼun stestigotak Jehová te ay ta Patterson, te ermano Cook la yichʼ akʼel ta departamento de Correspondencia de Redacción. Ta abril yuʼun 2016, te kʼalal chaʼsujtik cheʼoxeb kʼajkʼal ta Wallkill la yichʼikxan tikunel ta Brooklyn. Joʼeb u ta patil la yichʼ tikunel ta central mundial te ay ta Warwick. Ta enero 2017, te ermano Cook, och ta jkoltaywanej ta Komite yuʼun Tsʼibajel yuʼun te Jtsojb Jwolwanejetik.