ARTIKULO YUʼUN ESTUDIO 23
Jkanantay jbatik swenta ma xkichʼtik loʼlayel
«Tsahtaya me abahic te manchuc ayuc machʼa ya sloʼloyex ta scuenta biluc nax cʼopil te mayuc scuentahil, te bintic ay ta nopel yuʼun ants-winiquetic» (COL. 2:8).
KʼAYOJIL sjj-S 96 El libro de Dios es un tesoro
¿BIN YA KILBEYTIK SKʼOPLAL? *
1. Jich bitʼil ya yal Colosenses 2:4, 8, ¿bin-utʼil ya skʼan ya swentain jpensartik te Satanase?
TE Satanás, jaʼ ya skʼan te ya jwalakʼpatiytik te Jehovae. Swenta ya xjuʼ yuʼun, ya spas tulan ta swentainel te jpensartike. Te bin ya skʼan ya spase, jaʼ te jichuk jpensartik te bitʼil ya skʼane. Ya stuuntes te bin ya jmulantik yuʼun jich ya sloʼlayotik sok ya yakʼ jchʼuuntik te jaʼ ya skʼan pasel te bin ya yale (kʼopona Colosenses 2:4, 8).
2, 3. 1) ¿Bin yuʼun ya skʼan ya jchʼuuntik te tsitsel ay ta Colosenses 2:8? 2) ¿Bin ya kiltik ta artikulo ini?
2 ¿Smelelilbal te jkʼaxel ya xjuʼ ya sloʼlayotik te Satanase? Mero smelelil. Juluk ta koʼtantik te kʼalal te Pablo la stsʼibay te Colosenses 2:8 ma jaʼuk la stsʼibay ta stojol te machʼatik maba jchʼuunjeletik, jaʼ la stsʼibay ta stojol te machʼatik yichʼojik tsael yuʼun te chʼul espiritu (Col. 1:2, 5). Ya xjuʼ ya staik bayal wokol yuʼun te loʼlayele, pero kʼaxtoxan ya xjuʼ ya jta jwokoltik te joʼotik ta ora ini (1 Cor. 10:12). ¿Bin yuʼun? Jaʼ yuʼun te la yichʼ chʼojel koel tal ta Balumilal te Satanás sok ya skʼan ya sloʼlay te j-abatetik yuʼun Dios te jun yoʼtanike (Apoc. 12:9, 12, 17). Jaʼnix jich, yakotik ta kuxinel ta yorail te banti «machʼatic chopolic soc te jloʼloywanejetic behbe bohlobelic» (2 Tim. 3:1, 13).
3 Ta artikulo ini ya kiltik bin-utʼil te Satanás ya stuuntes te «biluc nax cʼopil te mayuc scuentahil» swenta ya sjin te jpensartike. Yame kiltik oxchajp «loʼloyel» te ya stuuntes te Satanase (Efes. 6:11). Ta yan artikulo ya kilbeytik skʼoplal bin-utʼil ya jtsaltik te bintik chopol ya yakʼ jnoptik te loʼlayel yuʼune. Pero nail kiltik bin-utʼil la sloʼlay te israeletik te kʼalal ayikix ta Kʼinal te albil skʼoplal ya yichʼik sok te bin ya yakʼ jnoptike.
TE SATANÁS LA SLOʼLAY TA YICHʼEL TA MUKʼ LOTIL DIOSETIK
4-6. Jich bitʼil ya yal Deuteronomio 11:10-15, ¿bin-utʼil jelon te bitʼil ya stsʼunbajik te israeletik kʼalal kʼotik ta nainel ta Kʼinal te albil skʼoplal ya yichʼike?
4 Te Pukuj sok spʼijil la sloʼlay te israeletik ta yichʼel ta mukʼ lotil diosetik. La sloʼlay ta swenta te bitʼil ya skʼan ya sle sweʼelike. Kʼalal ochik ta Kʼinal te albil skʼoplal ya yichʼike, la skʼan ya snopik yan bitʼil ya stsʼunbajik. Ta Egipto ya yakʼbeyik yalel te yawal stsʼunubik sok te yaʼlel mukʼul jaʼ Nilo. Pero ta Kʼinal te albil skʼoplal ya yichʼike maʼyuk mukʼul jaʼ tey-a swenta ya yakʼbeyik yalel te yawal stsʼunubike, jaʼ ya stuuntesik te tsʼujul sok ya smaliyik te yorail jaʼale (kʼopona Deuteronomio 11:10-15; Is. 18:4, 5). Jich yuʼun, te israeletik ya skʼan te ya snopikxan yan bin-utʼil ya stsʼunbajik. Wokol la yilik, melel te machʼatik ya snaʼik tsʼunbajele lajik jilel ta jochol takin kʼinal.
¿Bin-utʼil juʼ yuʼun te Satanás sjeltaybeyel spensar te jtsʼunbajel israeletike? (Ilawil te parrafo 4 kʼalal ta 6). *
5 Te Jehová la yakʼbey snaʼik te jelonemix-a te skuxlejalike. Ta patil, ay bin jamal la yal te ma jaʼuk yak ta yalbey skʼoplal yilel te tsʼunbajele. Jich la yal: «Tsahtaya me abahic hiche te ma ba ya sloʼloyex awoʼtanic, te ya xloqʼuex bahel ta schʼuhuntayel yantic diosetic soc yac aquejan abahic ta stojolic» (Deut. 11:16, 17). ¿Bin yuʼun la yal te manchuk ya yichʼik ta mukʼ lotil diosetik te kʼalal yak ta yalbeyel skʼoplal bin-utʼil ya stsʼunbajike?
6 Te Jehová snaʼoj-a te ya x-ikʼbot yoʼtan te israeletik ta snopel bin-utʼil ya stsʼunbajik te lumetik te ma snaʼbeyik sba Dios te nopol ayike. Melelnix-a te jaʼ ya snaʼikxan lek tsʼunbajel te kananeoetik sok ayniwan bin ya xjuʼ ya snopik te israeletike, pero ya xjuʼ ya staik wokol yuʼun. Te bin ya spasik te kananeoetik jaʼ ta swenta te bitʼil ya yichʼik ta mukʼ te lotil dios Baal, te ya skuyik te jaʼ yajwal chʼulchan, te jaʼlaj ya yakʼ tal te jaʼale. Te Jehová ma la skʼan te ya xloʼlayotik te israeletik yuʼun te Núm. 25:3, 5; Juec. 2:13; 1 Rey. 18:18). ¿Bin-utʼil juʼ yuʼun sloʼlayel israeletik te Satanase? Kiltik bael.
lotiletik-abi. Pero te israeletike, bayal buelta la yichʼik ta mukʼ te lotil dios Baal (OXEB BIN LA STUUNTES TE SATANÁS TA SLOʼLAYEL TE ISRAELETIKE
7. ¿Bin-utʼil la yichʼik pasbeyel ta prueba schʼuunel yoʼtan te israeletik kʼalal ochik ta Kʼinal te albil skʼoplal ya yichʼike?
7 Te sbabial bin la spas te Satanás, jaʼ te la stuuntes te bin stalelnanix ya skʼan yoʼtanik, jich bitʼil te ya yakʼ jaʼal sok te ya x-ajchʼ te lum kʼinale. Ta Kʼinal te albil skʼoplal ya yichʼike ma xyakʼ lek jaʼal ta slajibal abril kʼalalto ta septiembre. Jaʼnax lek ya yakʼ sit te yawal stsʼunubik teme ay jaʼale te ya xjajch yorail ta oktubre. Te nasionetik te ay ta spatxujk te israeletike ya skuyik te ya skʼan pasel kostumbreetik swenta ya yakʼik tal jaʼal te diosetike. Te Satanás la yakʼbey snop te israeletik te jaʼnax lek ya xlokʼik sok ya xpʼol te bin ay yuʼunik teme ya snopik spasel te kostumbreetik-abi. Te machʼatik maʼyuk schʼuunel yoʼtanik ta stojol Jehová la snopik te jaʼnax jich maba jal ya xkʼejp-a te kʼinale, jaʼ yuʼun la spasik te kostumbreetik ta stojol te Baal.
8. ¿Bin-a te schebal la stuuntes ta loʼlaywanej te Satanase? Cholbeya skʼoplal bin-utʼil la spas.
8 Te schebal bin la spas te Satanase, jaʼ te la stuuntes te bin ya smulan sbakʼetalik te israeletike. Kʼalal ya yichʼik ta mukʼ sdiosik te nasionetike, ya spasik mulil tey-a te kʼax ilobtik sbae, jich bitʼil ay antsetik sok winiketik te ya schon sbaik ta spasel mulil ta templo. Te nasionetik-abi, ma jaʼuknax te maʼyuk bin ya yalik yuʼun te kʼalal sjoy sba ta antsil o winikil ya sjokin sbaik ta wayel o yantik muliletik, melel lek ya yilik te ya yichʼ pasele (Deut. 23:17, 18; 1 Rey. 14:24). Ya snopik te jich ya xkoltayotik te diosetik swenta lek slumil te skʼinalike. Bayal israeletik ikʼbot yoʼtanik te kostumbreetik ta spasel muliletik jich kaj yichʼik ta mukʼ lotil diosetik. Ta melel la yakʼ sbaik ta loʼlayel yuʼun te Satanase.
9. Jich bitʼil ya yal Oseas 2:16, 17, ¿bin la spas te Satanás swenta ya smukbey skʼoplal te Jehová?
9 Te yoxebal bin la spas te Satanase, jaʼ te la smukbey skʼoplal te Jehovae. Ta skʼajkʼalel te j-alwanej Jeremías, te Jehová la yakʼ ta naʼel te bin la spasik te lotil j-alwanejetik ta stojol te israeletik, jaʼ te la yakʼ chʼayuk ta yoʼtanik te sbiil te Dios sok la sjelik ta Baal (Jer. 23:27). Jich yilel te jajch yijkʼitayik stuuntesel te sbiil Diose sok jaʼ jajch stuuntesik te sbiil Baale, te biilil ini ya skʼan ya yal «kajwal». Jich te j-abatetik yuʼun Dios chʼay ta yoʼtanik te bitʼil jkʼaxel maba pajal te Jehová sok te Baal, jaʼ yuʼun oranax la skapik te bitʼil ya yichʼik ta mukʼ te Jehová sok te yichʼel ta mukʼ te Baal (kʼopona Oseas 2:16, 17 sok te nota).
TE LOʼLAYEL YA STUUNTES TE SATANÁS TA ORA INI
10. ¿Bintik ya stuuntes te Satanás ta ora ini?
10 Te Satanás maba jelonem te bitʼil ya xloʼlaywan ta ora ini. Ya sloʼlay te ants winiketik kʼalal ya stuuntes te bin stalel ya skʼan te yoʼtanike, ya stoybey skʼoplal te spasel mulil sok ya smukbey skʼoplal te Jehová. Nail kiltik bin-utʼil ya xloʼlaywan kʼalal ya smukbey skʼoplal te Jehovae.
11. ¿Bin-utʼil te Satanás smukojbey skʼoplal te Jehovae?
11 Te Satanás ya smukbey skʼoplal te Jehovae. Kʼalal lajik bael te jpuk-kʼopetik yuʼun Jesús, ay chaʼoxtul te skuyoj sbaik ta jchʼuunjel yuʼun Cristo kaj spukik lotil nojpteseletik (Hech. 20:29, 30; 2 Tes. 2:3). Te apostataetik ini (jaʼik te machʼatik lokʼemik ta organisasion yuʼun Jehová te ya sjelbeyik skʼoplal te smelelil kʼope) kaj smukbeyik skʼoplal te smelelil Diose. Jun ejemplo jaʼ te la yijkʼitayik stuuntesel te sbiil Dios ta Biblia sok la sjelik ta «Kajwal» o yantikxan bitʼil la yalbeyik. Jaʼ yuʼun te machʼa ya skʼopon te Biblia tulan ya yaʼiy snaʼel teme jaʼ yak ta yalbeyel skʼoplal te Jehová o yantik «ajwaliletik» te albil skʼoplal ta sJun Diose (1 Cor. 8:5). La stuuntesik te kʼopil «Kajwal» kʼalal la yalbeyik skʼoplal te Jehová soknix te Jesuse, ta skaj ini wokol ta naʼel te maba pajal te Dios sok te sNichʼan sok te yanyantik yaʼtelike (Juan 17:3). Te kʼalal la schujkʼultesbeyik skʼoplale, jajch ta chʼuunel te aylaj oxeb dios te jun-nax ayike, jun nojptesel te maʼyuk ta Bibliae. Te bin lokʼ-ae jaʼ te bayal machʼatik ya snopik te ma xjuʼ ta naʼbeyel sba sok te ma xjuʼ ta naʼbeyel skʼoplal te Diose. ¡Kʼax mukʼul lotil! (Hech. 17:27).
¿Bin-utʼil stuuntesoj Satanás te lotil relijion swenta ya spukbey skʼoplal smulanel spasel mulil? (Ilawil te parrafo 12). *
12. 1) ¿Bin lek ya yil te lotil relijione? 2) Jich bitʼil ya yal Romanos 1:28-31, ¿bintik lokʼem-a?
12 Te Satanás ya stuuntes te bin ya smulan te bakʼetalil. Ta skʼajkʼalel te namey Israel, te Satanás la stuuntes te lotil relijion swenta ya yakʼ ta pasel mulwej. Ta ora ini jaʼnix jich ya spas. Te lotil relijion lek ya yil te spasel mulwej, pero ma jaʼuknax-abi, jaʼnix jich ya skʼan ya yakʼ ta ilel te stalel jich ta pasele. Jaʼ yuʼun, bayal te machʼatik ya yalik te ya yichʼik ta mukʼ Dios ma schʼuunikix te mantaliletik yuʼun Dios ta swenta te bin lek sok te bin ma lekuk ta pasele. ¿Bintik lokʼem yuʼun-a? Te jpuk-kʼop Pablo la yalbey skʼoplal ta karta te la stsʼibay ta stojol te ermanoetik ta Roma (kʼopona Romanos 1:28-31). Ta spisil «te bin ma hichuc ya scʼan pasele» ochem skʼoplal spisil ta chajp mulil, tey ochem skʼoplal-a te machʼa sjoy sba ta antsil o winikil ya sjokin sbaik ta wayel (Rom. 1:24-27, 32; Apoc. 2:20). Jaʼ yuʼun, mero mukʼ skʼoplal te ya jchʼuuntik te bin jamal ya yakʼ ta nopel te Bibliae.
13. ¿Bin yan ya stuuntes te Satanase?
13 Te Satanás ya stuuntes te bin stalel ya skʼan koʼtantike. Stalelnanix-a te ya jkʼan ya jletik te bin ya xtuun kuʼuntik sok te bin ya xtuun yuʼun te jfamiliatik. Jaʼ yuʼun ya jkʼan ya jletik bin-utʼil ya jchajpan jbatik (1 Tim. 5:8). ¿Bin-utʼil ya jpastik? Te bitʼilnix ya yichʼ pasel-ae, jaʼ te ya xbootik ta eskuela sok te ya jkʼan ya jnoptik june. Pero ya skʼan ya jtsajtay jbatik. Bayal nasionetik ma jaʼuknax ya yakʼik ta nopel te bin ya xtuun yuʼun te alumnoetike, jaʼnix jich ya yakʼik ta nopel te pʼijil kʼop yuʼun ants winiketike. Ya x-akʼbot snopik te maniwan melel te ay Diose sok te manchuk ay skʼoplal ta yoʼtanik te Bibliae. Ya x-albotik te jaʼnaxlaj te machʼatik pʼijik ya schʼuunik te nojptesel te chiknajlaj tal ta evolución te kuxlejalile (Rom. 1:21-23). Te nopojibal ini ya skontrain te «spʼijil yoʼtan Dios» (1 Cor. 1:19-21; 3:18-20).
14. ¿Bin ya yakʼ ta nopel te pʼijil kʼop yuʼun ants winiketike?
14 Te pʼijil kʼop yuʼun ants winiketik ma xyichʼ ta wenta o ya skontrain te tojil mantaliletik yuʼun Dios. Ma jaʼuk ya yakʼik ta nopel te sit ya yakʼ te chʼul espiritue, jaʼ ya yakʼik ta nopel te yaʼtel bakʼetalil (Gál. 5:19-23). Ya yakʼ toybail o te kʼax mukʼ ya yaʼiy sbaik, jaʼ yuʼun te ants winiketik jaʼnax kʼux ya yaʼiy sba ta stukelik (2 Tim. 3:2-4). Te taleliletik-abi ma pajaluk sok te talelil ya skʼan Jehová te ayuk kuʼuntike, jaʼ te manso koʼtantik sok te pekʼel koʼtantike (2 Sam. 22:28). ¿Bin lokʼem yuʼunik chaʼoxtul ermanoetik te ay slokʼesojik karrera ta unibersidad? Te bin lokʼem yuʼunike, jaʼ te wentainbilix spensarik yuʼun te balumilale, ma jaʼuk te snopojibal yuʼun te Diose. Kiltik jun ejemplo.
¿Bin-utʼil ya sjin jpensartik te pʼijil kʼop yuʼun ants winiketik? (Ilawil te parrafo 14 kʼalal ta 16). *
15, 16. ¿Bin ya jnoptik ta swenta te bin kʼax ta stojol jtul ermana?
15 Jtul ermana te kʼaxemix ta 15 jaʼbil te yak ta abatinel ta tiempo kompleto jich ya schol: «Kichʼojix jaʼ-a, ay jkʼoponoj sok kaʼiyoj-a te ya xjuʼ ya yakʼotik ta wokol te ya x-ochotik ta unibersidad. Pero maba la kichʼ ta wenta. La jnop te ma jaʼuk ya yalbon jkʼoplal te tsitsel-abi». ¿Bin wokolil la sta? Jich ya yal: «Te bitʼil ayon ta nop jun-ae, bayal tiempo sok bayal kip ya jlajin tey-a te spisil-ora makalon te jich ma ya
jkʼoponix-a te Jehovae, kʼax lujbenon-a te ma xkaʼiybeyix yutsil te ya kalbey skʼoplal te Biblia ta scholel skʼop Dios sok te schajpanel jba ta lek ta swenta te tsoblejetike. La jta ta ilel te bitʼil baem koʼtan ta nop jun ta unibersidad yak ta yutsʼinel te kamigoinej jba sok te Diose. Kʼax lek te kʼot ta koʼtan te ya skʼan ya kijkʼitaye. Jich la jpas».16 ¿Bin-utʼil utsʼinbot spensar te bayal la snop june? Jich ya yal: «Ya xkʼexawon ta yalel, pero te unibersidad jaʼnax la snojpteson ta yilel te banti ya xchʼayik te yantike, kʼaxtoxan jich ya jpas-a ta stojol te ermanoetike, bayal bin ya jkʼan ya spasik sok namajon ta stojolik. Bayal tiempo kʼax swenta lekub te jtalele. Te bin kʼax ta jkuxlejale la yakʼbon jnop te ya jtatik wokol kʼalal ma jchʼuuntik te tojobtesel ya yakʼbotik te jTatik te ay ta chʼulchan ta swenta te organisasion yuʼune. Te Jehová jaʼ ya snaʼbonxan jba ta lek te bitʼil joʼone. ¡Bayal wokolil maba kʼax ta jtojol te lajuk jchʼuunbey te skʼope!».
17. 1) ¿Bin ya skʼan ya kakʼ ta koʼtantik spasel? 2) ¿Bin ya yalbey skʼoplal te yan artikuloe?
17 Akʼa kakʼ ta koʼtantik te manchuk ay bin-ora ya kakʼ jbatik ta loʼlayel «ta scuenta biluc nax cʼopil te mayuc scuentahil, te bintic ay ta nopel yuʼun ants-winiquetic» liʼ ta balumilal yuʼun te Satanase. Akʼame jkanantay jbatik spisil-ora ta swenta te bintik ya stuuntes ta loʼlaywaneje (1 Cor. 3:18; 2 Cor. 2:11). Mame kakʼ schʼaybotik ta koʼtantik machʼa-a te Jehová sok te bin-utʼil ya smulan ya x-abatinotik ta stojole. Jchʼuuntik te mantaliletik yuʼun ta swenta te bin lek sok te bin ma lekuk ta pasele. Sok mame kakʼ sloʼlayotik te Pukuj swenta ya jkʼaxuntaytik te tojobteseletik yuʼun Diose. Pero, ¿bin ya xjuʼ ya jpastik teme ya jtatik ta ilel te pajalix snopojibal kuʼuntik sok te snopojibal te balumilale? Te yan artikulo ya yakʼ kiltik bin-utʼil ya xjuʼ ya skoltayotik te sKʼop Dios swenta ya jlajinbeytik skʼoplal «te bintic ay yip», jaʼ te nopojibaletik sok te kostumbreetike (2 Cor. 10:4, 5).
KʼAYOJIL sjj-S 49 Alegremos el corazón de Jehová
^ parr. 5 Te Satanás mero ya snaʼ sloʼlayel te ants winiketike. Bayal machʼatik yakʼbeyoj schʼuun te libre ayik, manchukme ayik ta skʼab. Te artikulo ini ya yalbey skʼoplal cheʼoxeb bin ya stuuntes ta sloʼlayel te ants winiketike.
^ parr. 48 TE BIN YA XCHIKNAJ TA FOTOETIK: Te kananeoetik ya stijbeyik yoʼtan te israeletik ta yichʼel ta mukʼ te lotil dios Baal sok ta spasel mulil.
^ parr. 51 TE BIN YA XCHIKNAJ TA FOTOETIK: Jun anunsio yuʼun jun iglesia te ya yakʼ ta ilel te lek ya yil te machʼa sjoy sba ta antsil o winikil ya sjokin sbaik ta wayel.
^ parr. 53 TE BIN YA XCHIKNAJ TA FOTOETIK: Jtul jchʼiel ermana ya xbajtʼ ta unibersidad. Te jchʼiel achʼix ini soknix te sjoʼtak, tʼujbil ya yaʼiyik te bin ya yakʼ ta nopel te maestra ta swenta te yalaj xjuʼ yuʼun te siensia sok te teknolojia schajpanel spisil te jwokoltike. Ta patil, ta sNail Tsoblej te achʼix ini ma lek ya yil sok ma smulan te bin ya yichʼ alel tey-ae.