¿Bin-a te Wentainel yuʼun te Diose?
Bayal ants winiketik ya skʼanik ta oración te yakuk xtalix te Wentainel yuʼun te Diose. Pero, ¿aybal ajojkʼoybeyoj aba bin-a te Wentainel yuʼun Dios sok bin ya xbajt spas ta jtojoltik?
ILAWIL TE BIN YA YAL TE BIBLIA:
¿Bin-a te Wentainel yuʼun te Diose?
Jaʼ jun gobierno te ay ta chʼulchan, te ajwalil yuʼune jaʼ te Jesucristo (Isaías 9:6, 7; Mateo 5:3; Lucas 1:31-33).
¿Bin ya xbajt spas te Wentainel-abi?
Ya xbajt slajin spisil te bintik chopol ay ta Balumilal sok ya yakʼ te lamalkʼinal ya xkuxinik te ants winiketik (Daniel 2:44; Mateo 6:10).
¿Bin ya skʼan ya yal te nailuk ya jletik te Wentainel yuʼun te Diose?
Ya skʼan ya yal te ya kakʼ jbatik ta stojol te Wentainel sok te ya smukʼulin koʼtantik te jaʼnax ya xbajt skʼotes ta pasel te skʼanojel yoʼtan te Dios liʼ ta Balumilal soknix ta chʼulchan (Mateo 6:33; 13:44).
