Kʼalal ya jkʼopontik te Biblia, ya xjuʼ ya jletikxan información yuʼun ya xkʼotxan ta koʼtantik. Pero maba jaʼuknax yuʼun ya jta bayal jpʼijiltik. Ya jkʼantik snopelxan te tʼujbil taleliletik yuʼun te Jehová, jaʼme ya skoltayotik yuʼun kʼuxukxan ta koʼtantik te Jehová. Yuʼun jich ya xkʼot ta pasel jojkʼoybey jbatik: «¿Bin ya yakʼbon jnop te versículo ini ta swenta te Jehová?».

Kaltik jun ejemplo, ya xjuʼ ya alexan información ta swenta te taleliletik yuʼun te Jehová, jich bitʼil te kʼuxul oʼtanil, pʼijil oʼtanil, te tojil oʼtanil sok te yuʼel. Pero ma jaʼuknax-abi ay yantikxan tʼujbil taleliletik yuʼun te Jehová. ¿Banti ya xjuʼ ya anopxan ta swenta-abi?

Yame ata kʼaxem ta 50 taleliletik yuʼun Jehová ta Índice de las publicaciones Watch Tower. Lea te banti ya yal «Jehová» ta patil lea te subtítulo «Cualidades por nombre». Ilawil bin talelil snitojbey sba skʼoplal sok te bin ya akʼopone, ta patil kʼopona te bin la atae (teme jaʼnax ya xjuʼ x-ochat ta Sleojibal temaetik yuʼun testigoetik yuʼun Jehová, lea te banti ya yal «Jehová Dios» ta patil lea te subtítulo «Taleliletik yuʼun te Jehová»).