Ya kichʼtik ta mukʼ te Jehová ta tsoblejetik sok ta mukʼul tsoblejetik. Pero jaʼnix jich ya kichʼtik ta mukʼ ta jtukeltik sok ta sjunal jnatik. Liʼi ya kalbeytik skʼoplal te bin-utʼil ya xjuʼ ya anop te Biblia ta atukel o ta yichʼel ta mukʼ Dios ta sjunal na:

• Jchajpantik te bin ya yichʼ nopel ta tsoblej. Jaʼnix jich ya xjuʼ ya jnoptik te kʼayojiletik sok te ya jchajpantik te jcomentariotik.

• Jkʼopontik jun relato te ay ta Biblia. Ta patil ya xjuʼ ya jpastik jun dibujo ta swenta te relato-abi o ya jtsʼibaytik te bin la yakʼ jnoptike.

• Kilbeytik skʼoplal te oración yuʼun te j-abatetik te ya yalbey skʼoplal te Biblia. Jnop kaʼiytik bin-utʼil ya xjuʼ ya skoltayotik ta slekubtesel te bin-utʼil ya jkʼopontik te Diose.

• Kiltik jun video te ay ta jw.org. Ta patil kalbeytik skʼoplal sok te jfamiliatik o jtsʼibaytik te bin la jmulantike.

• Jchajpan jbatik ta swenta scholel skʼop Dios. Ya xjuʼ ya jpastik ensayar te bin ya kaltike.

• Kiltik te bintik pastiklanbil sok jnoptik te bin ya yakʼ jnoptik ta swenta te Jehová. Teme ayotik sok te jfamiliatik kalbeytik skʼoplal te bin la yakʼ jnoptike. a