Bayal hermanoetik stuuntesojik ta scholel skʼop Dios te articuloetik te ay ta sjajchibal te página yuʼun te jw.org. Ma wokoluk ta tikunbeyel yantik, sok ya scholbey skʼoplal te bintik yak ta kʼaxel ta ora ini, jaʼ albilkʼopetik te ya yal te Biblia. Jtul hermano jich la yal: «Te articuloetik ini bayal ya xtuun kuʼuntik ta scholel skʼop Dios».

Te bitʼil ma jalik ya xjelon te bintik ay ta sjajchibal página yuʼun te jw.org, ¿bin-utʼil ya xjuʼ ya jtatik te articuloetik te ma chikanikix tey-ae?

• Teme ayat ta sjajchibal te página yuʼun te jw.org, pʼea te banti ya yal «Ilawilxan», te ay ta yajkʼolal te articuloetik, pero teme ochemat ta acelular lea ta yalanil te articuloetike. Jaʼme jun enlace te ya yikʼat bael ta «Articuloetik te chiknajelikto ta sjajchibal te página». Teyme ya ata-a te articuloetik te mato jaluk slokʼelik.

• Ta jw.org o ta JW Library^® ochan ta «Biblioteca» sok lea te ban ya yal «Articuloetik». Ta patil ochan te banti ya yal «Yantik temaetik». Ta sección ini ya ata bayalxan articuloetik te ayik ta sjajchibal-a te página.